Gereformeerde Kerk Centurion

Die webtuiste vir die Gereformeerde Kerk Centurion.

Kategorie: Nuwe Testament (Page 97 of 129)

TRIOMFTOG, IN PAS MET DIE HEILIGE GEES

Julie 17, 2020 /

Skriflesing: Galasiërs 5
Teksvers:  Galasiërs 5:25 (OAV)
HK: Sondag 24

Die nuwe lewe wat ons deur die geloof (HK So. 23) van God ontvang het, moet ook sigbaar word in ons daaglikse lewe op aarde. Dit is nie net tot eer van God nie, maar troos ook die gelowige mens self, wat daarin sien hoe die Here in hom/haar werk.

Ons goeie werke of ons dade van geloof is immers net die VRUG van die werke van die Gees.

1. Kyk of jy in hierdie paragraaf die drie werkwoorde kan opspoor wat op die werk van die Heilige Gees in ons lewe dui?

2. Die memoriseervers Gal 5:22 dui op die drie ampte van die gelowige (3×3). Kan jy die drie ampte daarin onderskei?

Laai af

Geloof red

Julie 10, 2020 /

Skriflesing: Lukas 8:40-56
Teksvers: Lukas 8:48
HK: Sondag 23

Met Sondag 22 bereik ons die einde van ons geloofsbelydenis. Die belydenis wat so presies uitgelê is oor die betekenis van elkeen van die 12 artikels keer nou terug na ons in persoon en vra: wat is die waarde van al hierdie dinge wat ons bely? Wat is die waarde van jou geloof?

Ons gaan vervolgens stilstaan by die gebeure van twee meisies wie se lewe in gevaar is agv gesondheid met die tema: Geloof red.

  1. Kan jy nog die 5 bekende solismes onthou van die reformasie? Sola Fide… ens
  2. Hoekom sal ons bely dat geloof red, as dit tog net ons Here Jesus is wat kan verlos? Hab. 2 en Romeine 1
  3. Wat beteken die woorde: geregtigheid en regverdigheid?
  4. Watter soort werke kan ons doen om onsself te red?

Laai af

Die groot verrassing wat op ons wag!

Julie 10, 2020 /

Skriflesing: 1 Petrus 1:1-15
Teksvers: 2 Petrus 1:11

Hoe ouer ek word hoe meer dringend vind ek dit dat jy jou Doop sal verstaan en onthou. Alhoewel die Doop geen saligmakende kragte het nie (soos Roomse sou beweer), vind ek dit tog van die grootste trooswaarde dat jy onthou dat God Homself aan jou verbind het en dit in die waterteken van die Doop beseël en bekragtig het. Dit is God se verbondstrou! Dit is iets wat jy jou hele lewe lank moet onthou en vashou! Dit gee krag en sekerheid en hoop.

Dit is egter ook so dat die Doop twee kante het en dat die dwaling van sakramentalisme eintlik net die een kant onthou en die ander baie belangrike kant vergeet!

Petrus wat in sy tweede brief die Gnostisisme aanpak wys weer daarop dat die Doop jou oproep tot verbondstrou van jou kant. Daarsonder sal ons God nie sien nie! Kom ons dink vanmôre weer na oor wat die Doop van ons verwag en wat dán op ons wag…’n groot verrassing!

Laai af

Die volkome troos vir God se kinders!

Julie 3, 2020 /

Skriflesing: 1 Kor 2:6-16; 1 Kor 15:35-58
Teksvers: 1 Kor 2:9; 1 Kor 15:36-38,55
HK: Sondag 22: Vraag en antwoord 57,58

Drie maal in die kategismus begin die vrae met die troos.

Vr. 1 Wat is jou enigste TROOS in lewe en sterwe?
Vr. 57 Watter TROOS gee die opstanding van die liggaam aan jou?
Vr. 58 Watter TROOS skep jy uit die artikel van die ewige lewe?

Wat beteken troos? Troos is om iemand wat hartseer is op te beur, moed te gee, te bemoedig, probeer om die verdriet draagliker te maak, om weer hoop vir die toekoms te verkry, om die swaar kry te bowe te kan kom, om weer met vreugde en blydskap te kan lewe? Daarom is die grootste Trooster wat ons het die Heilige Gees wat deur die Woord in ons harte werk. Die Heilige Gees versterk en bemoedig en bekragtig ons met die blye evangelie, met die vaste wete dat in Jesus Christus het ons niks op aarde of hierna te vrees nie. Ons gaan na drie sake kyk:

  • Die troos wat met my siel gebeur as ek sterf!
  • Die troos wat met my liggaam gebeur as ek sterf!
  • Die troos van die ewige lewe!

Laai af

« Older posts Newer posts »

© 2026 Gereformeerde Kerk Centurion

Theme by Anders Noren — Up ↑