Kategorie: Esegiël (Page 1 of 2)

Skriflesing: Esegiël 8 (1983)
Teksvers: Esegiël 11: 22-25

Ons is dikwels vinnig om ander se sonde raak te sien. Esegiël 8 herinner ons dat God eers die geheime kamers van ons eie harte ondersoek. Die tragiese werklikheid is dat dieselfde sonde wat Esegiël ontbloot het, eeue later weer deur Jesus in die Tempel uitgewys word: wanneer eie belange, veiligheid en voortbestaan belangriker word as God se wil. 

Daarom moet ons, voordat ons ander oordeel, vra: Watter afgode koester ek nog in my hart? Ware bekering begin wanneer ons toelaat dat God die donker plekke in ons eie lewe openbaar. 

Skriflesing: Ps 46; Jes 8; Esegiël 47; Openb 22 (1983)
Teksvers: Eseg 47:6

By die Nagmaal kon jy verlede week in verwondering wees oor die teenwoordigheid van Christus en die heerlike gemeenskap met Hom en al sy gawes. Ons teks vra ons eintlik of ons die tyd gemaak het om ons te verwonder oor sy genade. 

Ons kan tog so besig raak met allerlei dinge, dat ons die wonderlike genade van God nie net miskyk nie maar dalk ook misloop. Die psalmdigter én die die profete roep ons eintlik tot stilstand, sodat ons die werklike waarde van die veelvuldige genade van God in ons lewens kan besef. 

My vraag vandag aan u in die Naam van die Here is ook… sien jy dit mens, sien jy dit raak? 

Skriflesing: Esegiël 1:1‑2:3 (1983)
Teksvers: Esegiël 1:28

In Israel dreig daar nou ‘n volskaalse oorlog. Na Hamas in Gaza is dit nou moontlik ‘n geveg met Hezbollah in die Noorde en daarby die aanslag van Iran en sy vennote. 

Nie net in die Midde-Ooste nie maar elders in die wêreld dreig grootskaalse oorloë wat mense en lande in gevaar stel. Dit lyk alweer asof die mens kop verloor het. 

In ‘n soortgelyke wêreld in die tyd van Esegiël kom die Here en verskyn Hy is sy misterieuse heerlikheid sodat ten minste die profeet met sekerheid weet dat God in beheer is en dit so aan sy volk kan oordra. 

Dit moet ons ook troos in ‘n tyd van geestelike verval en politieke wanorde. 

Skriflesing: Esegiël 37:15-28 (2020)
Teksvers: Esegiël 37:26-28

• God gee beloftes aan sy volk in ballingskap.
• Geld dit vandag vir ons of ook vir Israel/die Jode.
• Die profeet praat met die mense in die Babiloniese ballingskap, na die verwoesting van Jerusalem en die tempel.
• Vervulling met terugkeer, herbou van die tempel.
• Besondere vervulling in Christus.
• Een of meer paaie tot verlossing?
• “Niemand kom na die Vader sonder My nie”
• Vir ons belofte van God se nabyheid, kan God altyd en oral aanbid word.
• Israel en die Jode het vandag steeds nie verlossing buite Christus nie.

Skriflesing: Esegiël 38:15-28
Teksverse: Esegiël 38:25-28