Deur geloof in Jesus kry ons ‘n tweede kans op lewe

Skriflesing: Hand 8:1-4; 9:1-20
Teksvers: Handelinge 9:15

Magteloosheid wat lei tot ‘n lewe sonder betekenis, bring ‘n gebrek aan waardes waarna jy jouself afsonder en isoleer en uiteindelik vervreem van alles en almal wat bekend is en vir wie jy lief is. Dit is die hartseer verhaal van menige mense die wêreld oor. Mense met stukkende lewens, ‘n verwronge identiteit, gebroke verhoudings, en ‘n hopelose toekoms.

Vir soveel mense, wie se lewens ‘n bloedspoor trap, voel hulleself so vervreem en vuil van die sonde, dat hulle hulleself die genade van God nie waardig ag nie. Dalk voel jy ook jy verdien nie God se genade nie omdat jy te sondig is…

Ons staan vanoggend stil by die lewe van Saulus, wat Paulus word, die vervolger van die Christene wat deur God se genade ‘n tweede kans kry deur sy geloof in Jesus Christus. Amen

Laai af

Die betekenis en doel van die vervulling met die Heilige Gees

Skriflesing: Hand 4:23-31
Teksvers: Hand 4:31
HK: Sondag 20

Is vervulling met die Heilige Gees net vir sekere Christene bedoel?

Kan ek ook bid vir vervulling met die Heilige Gees? Hand 4:31 Nadat hulle gebid het, het die plek waar hulle bymekaar was, geskud. Hulle is almal met die Heilige Gees vervul en het met vrymoedigheid die woord van God verkondig.”

Vra jouself die vraag af…

  • Wil ek met die Heilige Gees vervul wees?
  • Het ek al gebid om met die Gees vervul te word?
  • Hoekom wil ek met die Heilige Gees vervul wees?

EN

  • Is ek met die Heilige Gees vervul?

Ons gaan na drie sake kyk:

  1. Hoekom moet ons vervul word met die Heilige Gees!
  2. Hoe word ons vervul met die Heilige Gees!
  3. Wat is die doel om vervul te wees met die Heilige Gees?

Laai af

Jesus Christus het waarlik mens geword en is sodoende die volkome Hoëpriester wat ons nood verstaan

Skriflesing: Hand 2:7-18
Teksvers: Hand 2:17
HK: Sondag 14

Ons kan Jesus nie leer ken deur middel van … karakterontleding, historiese navorsing, of ’n sielkundige ondersoek, of evaluering nie.

Ons kan Jesus nie in menslike kategorieë plaas soos bv die vier temperamente nie nl. choleries, sanguinies, melankolies en flegmaties nie.

Ons kan Jesus nie probeer ontleed as ‘n historiese figuur met hierdie en hierdie en hierdie eienskappe nie.

  • Hoekom kan ons dit nie doen nie?

Want Jesus Christus was terselfdertyd, waarlik God, en waarlik mens. 1 Joh 5:20; Heb 2:14

MAAR JESUS CHRISTUS KEN ONS VOLKOME!

Omdat Hy waarlik mens was, is “Hy ons Middelaar wat met sy onskuld en volkome heiligheid my sonde waarin ek ontvang en gebore is, voor God bedek.”

Laai af

CHRISTEN: Jou erenaam?

Skriflesing: Hand 11; Ps 133; Matt 5:13-16
Teksvers: Hand 11:26b; Op 3:12
HK: Sondag 12

Het jy dalk ook ‘n bynaam? Soos ou Bakkies…. die ou met die groot bakore… of Oom Piet-14dae, die oom wat so lank kan bid… Wel ek gaan nou nie vertel wat my bynaam op skool was nie, maar is seker sommige ouens het maar byname vir die dominees uitgedink of selfs uitgespreek.

Sommige byname is egter spot-name en ander is weer ere-name vir erkenning en respek. Die naam CHRISTEN is egter in alle opsigte bedoel as ‘n erenaam! En dit sê ek net omdat hierdie naam my en jou aan Jesus Christus verbind.

En as jy nou mooi diep daarna kyk, dan is dit omdat Hy Homself van ewigheid af aan jou en my verbind het. Hy is bereid om sy Naam op jou en my te skryf! Hom met my te vereenselwig?

EN jy? Wil jy jouself met Hom vereenselwig??

Laai af

Veertig lewensbelangrike dae!

Skriflesing: Hand 1:1-8
Teksvers: Hand 1:3

Met Jesus se koms het die koninkryk van God by die mens gekom!

Na Jesus Christus se opstanding het Hy nog veertig dae op aarde deurgebring. Dit was veertig baie belangrike dae, want in hierdie tyd het Jesus dit wat Hy aan die dissipels verkondig het, net herbevestig. Jesus het meer as tien maal aan verskillende mense op aarde verskyn. Dit was ’n volkome bewys dat Hy opgestaan het en lewe. Wat baie belangrik was, was dat die dissipels in hierdie tyd nie net begin verstaan het nie, maar volkome begryp het wat Jesus kom doen het. Hy is die Koning van die kerk. Hy is die Messias maar nie ’n verlosser van die aardse lyding in die eerste plek nie, maar ʼn Verlosser wat hulle losgekoop het uit die sondige bestaan en burgers gemaak het van die Koninkryk van God waar Jesus Christus self die Koning van is.

Ons gaan na twee sake kyk:

  • Jesus verskyn aan die dissipels en meer mense.
  • Jesus praat oor die dinge van die Koninkryk van God.

Laai af