Gereformeerde Kerk Centurion

Die webtuiste vir die Gereformeerde Kerk Centurion.

Kategorie: Spreuke (Page 1 of 3)

Gee my jou hart!

Augustus 24, 2026 /

Skriflesing: Spreuke 23; Rom12:1,2; Spr 4:23; Hooglied 8:6,7 (1983)
Teksvers: Spreuke 23:26

Die hart van ‘n mens is beslis nie net ‘n bloedpomp nie. Kardioloë en neuroloë is steeds in verwonderende navorsing oor die kragvelde van ‘n mens se hart en brein. Eintlik weet of verstaan ons nog bitter min van wat alles buiten die fisiologiese in die hart aangaan. Spreuke sê dis die ‘oorspronge of uitgange’ van ons lewe. 

As ons dus iemand ‘van harte liefhet’ is dit veel meer as net ‘n idioom. Ons ‘harte wat oorloop’ van vreugde of ‘n gebreekte hart wys tog dat die hart wesenlik deel is van wie en wat ons is en hoe ons lewe. 

Vandag bedink ons die dringende eis van God om ons harte vir Hom te gee. Want uit Hom en deur Hom en TOT Hom is alle dinge…! 

God se Naam is heilig en moet altyd met eerbied gebruik word!

Februarie 26, 2024 /

Skriflesing: Fil 2:5-11
Teksvers: Fil 2:9-11; Spr 22:1a
HK: Sondag 36

Het jy ’n familienaam of net ’n mooi naam, ’n beskrywende naam? 

  • Is jy trots op jou naam?
  • Wat is in ’n naam? 

Is ’n naam so belangrik? 

Spr 22:1 

“’n Goeie naam is meer werd as groot rykdom, die goeie gesindheid van ander meer as silwer en goud.” 

Maar…Vir ons as christene, as kinders van God, as belydende gelowiges, kan daar niks beter en groter wees nie as… 

Om God se Naam reg te gebruik nie! 

Brose mense en tog in God se diens!

November 13, 2020 /

Skriflesing: Spreuke 30:24-28; 2 Kon 5:1-18
Teksvers: Spreuke 30:28; 2 Kon 5:2,3,9,10,15

Vier klein dingetjies op aarde met buitengewone wysheid

“’n Geitjie kan jy met die hand vang en tog kry jy hom in koninklike paleise.”

‘n Geitjie is ‘n brose soort akkedissie. Ons sien hom dikwels in huise waar hy teen mure sit. In die aand sit hy by ‘n lig en vang muskiete en allerhande klein goggatjies. ‘n Geitjie is ook baie weerloos en daarom is hy skugter en kruip weg sodat jy hom nie maklik kan sien nie. Jy vang hom baie maklik met die hand. Omdat hy egter so skugter is kruip hy ongesiens selfs in paleise weg.

So lees ons ook van ‘n klein dogtertjie, naamloos en tog was sy instrumenteel in ‘n leeraanvoerder se herstel van melaats-heid. Is jy in God se diens? Is jy diensbaar vir God?

Laai af

Vier klein dingetjies op aarde met buitengewone wysheid

Oktober 9, 2020 /

“Sprinkane het nie ‘n koning nie en tog trek die hele swerm in formasie.”

Skriflesing: Spreuke 30:24-28; Joël 1: 1-20
Teksvers: Spreuke 30:27; Joël 1: 4,14,16,20a

Miskien het van u al ‘n sprinkaanplaag gesien. Dit is miljoene der miljoene der miljoene sprinkane wat in ‘n rigting trek en elke liewe groenigheid opvreet en wat agterbly is net die kaal veld. Dit is verskriklik wat sulke sprinkaanswerms aan die natuur kan doen. So lees ons van die agtste plaag in Ex 10, die sprinkaan-plaag wat Egipte verwoes het. Die sprinkaan is sekerlik een van die klein diertjies, insekte, wat die mees onheilspellendste een vir Israel was. In die boek Joël word die nasie wat Israel sal aanval vergelyk met ’n sprinkaanswerm. Die vergelyking is skrikwekkend. Maar die sprinkane word in Spreuke beskryf met buitegewone wysheid. Daarom gaan dit nie oor ‘n natuurles nie, maar oor die wysheid van sprinkane wat nie eers ‘n leier het nie. Ons gaan na drie sake kyk:

  • Geen leierskap vir sprinkane nie. Spreuke 30:27
  • Aardse leierskap vir die mens. 1 Samuel 12:12-14,24
  • Geestelike leierskap vir die gelowiges. Efesiërs 1:22,23

Laai af

Ons krag is by die Here wat Almagtig is! Klipdassies, het min krag, maar hulle bly teen kranse

September 18, 2020 /

Skriflesing: Spreuke 30:24-28
Teksvers: Spreuke 30:25; 2 Kor 12:10; Open 3:8

Ons meet dikwels die kerk se sukses in getalle, mag, gesag en impak in die wêreld. Ons hunker na gesag en mag om die evangelie uit te dra en om ons lewens te vergemaklik. Ons wil graag met krag en mag en gesag lewe en werk. Maar ons lees van ‘n klein dassie, met min krag en met min gesag wat uitermate wysheid het omdat hulle juis lewe soos wat God hulle geskape het. Daarom is die kerngedagte juis dat ons krag is by die Here, ons Rots. Ons het wel min krag, maar God is ALMAGTIG. Ons gaan na drie sake kyk:

Dassies het buitengewone wysheid met betrekking tot:

  • Blyplekke.
  • Beskermingsmetodes.
  • Oorlewing.

Laai af

« Older posts

© 2026 Gereformeerde Kerk Centurion

Theme by Anders Noren — Up ↑