Kategorie: Preke (Page 1 of 190)

Smaak en sien dat die HERE goed is

September 17, 2026 / admin

Skriflesing: Psalm 34:1-23 (2020)
Teksvers: Psalm 34:8

Om te smaak is nie net om te proe nie. Ons sal baie maal beskrywings gebruik waarin ons sintuie verwoord wat ons in ervaring beleef. Om te smaak dat die HERE goed is, beteken tog om iets te beleef, om iets te ervaar van die goedheid van ons Verlosser.

So kan ons aan die Nagmaalstafel die brood en wyn smaak, die fisiese smaak, terwyl dit baie dieper simboliek weerspieël van God se genade en seën deur die liggaam en bloed van Christus.

Ons staan vervolgens stil by die Nagmaal met die tema: Smaak en sien dat die HERE goed is.

Die Here is met sy kerk, en sal haar nooit begewe of verlaat nie!

September 17, 2026 / admin

Skriflesing: Duet 31:1-8 (2020)
Teksvers: Deut 31:6,8

Israel staan op ’n kruispad: Hulle gaan die beloofde land inneem, maar Moses sal nie saamgaan nie. Die Here troos hulle:

Die Here is met sy volk, en daarom kan hulle vol moed wees.

Die Here self sal voor hulle deur die Jordaan trek (v.3); Hy sal hulle nie verlaat nie (v.6). Christus is in ons plek deur God verlaat, sodat ons nooit deur God verlaat sal word nie.

Die Here is met sy volk se voorganger, en daarom kan hy vol moed wees.

Josua ontvang dieselfde opdrag as die volk: “Wees sterk en vol moed!”

Die doel van God se openbaring

September 7, 2026 / admin

Skriflesing: Openbaring 4,5 (1983)
Teksvers: Op 4:1

As die Here vir Johannes die hemeldeur oopmaak is dit ‘n openbaring van God self aan ‘n mens. Die apostel moet alles wat hy sien opskryf en aan die kerk van Christus uitstuur (vgl Op 1:11).

Die doel van hierdie ‘openbaring’ kan nie maar net voorspelling wees nie. Daar sit veel meer daarin. God openbaar iets van Homself! Hy het ons immers gemaak sodat ons Hom kan ken. Hier sien ons dan in ‘n visioen die hemele oop en ons sien simbolies wie en wat God is en daarna ook wat Hy doen.

Kyk ons na die rampe en aardbewings en natuurverskynsels van ons tyd weet ons dat Hy aan die werk is en dat die koms van Christus naby is. Die beste manier om jou daarvoor voor te berei is, om nog dieper in hierdie openbaring van God (die héle Skrif!) in te delf.

‘n Wyse Man Bou sy Huis op die Rots

September 7, 2026 / admin

Skriflesing: Psalm 18:1-6 (2020)
Teksvers: Psalm 18:2-3

Psalm 18 is ‘n wonderlike getuienis van die Here se verlossing. Dawid verkeer in groot benoudheid, sy lewe word bedreig, en hy moet vlug vir Saul. As die Here hom red, skryf hy hierdie danklied.

Hy weet hy kan op die Here vertrou, omdat hy die Here ken. Die Here is sy rots. Sy lewe is op ‘n vaste fondament. Want Dawid weet ook baie goed sy kragte is beperk. Hy word oorweldig deur sy benoudheid en vrees vir onheil wat hom oorval. Tog aanbid hy die Here. Hy dien die Here wat lofwaardig is, en in sy nood ken hy sy Trooster. Tog weet Dawid ook hy kan op die Here vertrou wat sy gebed aanhoor. Die oë van die Here is op die regverdige en sy ore op hul gebed.

Ons staan vandag stil by die tema:

‘n wyse man bou sy huis op die Rots.

Geseënd is die Siel wat Dors na God

Augustus 31, 2026 / admin

Skriflesing: Psalm 42:1-12 (2020)
Teksvers: Psalm 42:3-5
HK: Sondag 25

“My siel dors na God” Is dit nie geweldige woorde nie? Dat jou siel so dors is, dat dit uitgedroog en leeg voel, en die enigste verlange is om dit te laaf met God self.

Ons is so geneig om te dink dat alles van die wêreld ons sielsbegeerte sal vervul. Ons dink dat geld en goed ons verlange sal stil maak.

Hier in Psalm 42 leer ons ‘n waardevolle lewensles, God alleen is die Een wat ons siele vertroos en berusting gee. Geseënd is die siel wat dors na God.

Sê jy, wanneer dinge verkeerd loop, steeds: “Die Here is my herder, ek ly nie gebrek nie.”

Augustus 31, 2026 / admin

Skriflesing: Psalm 73 (2020)
Teksvers: Psalm 73:25

Kan gelowiges eerlik sê, wanneer dit baie, baie sleg gaan, dat niks hulle ontbreek nie? Wat leer die Heilige Gees in Psalm 73?

1. Moenie in slegte tye probeer om:

feite te ignoreer nie (vv. 3-14);
optelsomme te maak nie (vv. 3-14) of
met die verstand alles te probeer beredeneer nie (v.16).

2. Let op jou getrouheid aan God se geslag (v.15)
3. Hartsverandering:

Hoe? (v.17);
Waartoe? (vv. 14-28)