Die webtuiste vir die Gereformeerde Kerk Centurion.
Skriflesing: Kolossense 1:1-23 (1983)
Teksvers: Kolossense 1:15
HK: Sondag 35
Hoofpunte:
1. God se absolute vryheid.
2. God se vryheid aangetas.
3. God se vryheid bely.
“Die Seun is die beeld van God, van God wat self nie gesien kan word nie. Die Seun is die Eerste, verhewe bo die hele skepping.”
Kolossense 1:15
Skriflesing: 1 Samuel 4: 1-22 (2020)
Teksvers: 1 Samuel 4: 20-22
God is nie ‘n gelukbringer nie. Ons kan nie ons godsdiens of geloof aanwend om voorspoed te bewerk nie.
Dit is ongelukkig wat in sommige mense se lewens gebeur. As Israel teen die Filistyne verloor op die slagveld, dan bring hulle “God” na die slagveld toe, by wyse van die verbondsark. Die gejuig is geweldig asof Israel gewen het, maar die geraas is leeg. Dit beteken niks. Die slag word verloor en die ark word weggevoer.
As Phineas se vrou verneem van die verlies, gee sy geboorte, maar daar is geen vreugde nie. Ikabod, die eer is uit Israel weggevoer…
Skriflesing: 1 Konings 18:20-40 (2020)
Teksvers: 1 Konings 18: 21, 36-37
HK: Sondag 34
Koning Agab was ‘n deugniet en sy vrou, koningin Isebel het die hart van die volk verlei agter Baäl aan. Isebel het Baälprofete ingevoer en die profeteseuns uitgeroei, met die gevolg dat afgodery aan die orde van die dag was.
Tog het Elia behoue gebly. Hy was maar een man teen soveel oormag, maar dit maak nie saak nie, want Elia is getrou aan God terwyl die volk verval in afgodery.
Daarom die pleidooi: As die HERE God is, volg Hom, en as dit Baäl is, volg hom… Maar geen mens kan twee here dien nie.
Hoe lank sal jy op twee gedagtes hink?
Skriflesing: Lukas 13 (1983)
Teksvers: Luk 23:24
Op hierdie besondere dag waarop ons die groot Hervorming van die Protestante (16e eeu) herdenk, vra ons die vraag: waar is die hervorming vandag nodig?
Die vraagsteller in ons teksgedeelte vra eintlik ‘n nommer, ‘n numeriese vraag… hoeveel? Jesus is min gepla oor nommers. Hy roep tot persoonlike hervorming en bekering. Waar is jy?
Die woord “strewe/inspan” wat as opdrag in ons teks staan, klink in Grieks net soos ‘n Engelse woord …. agonizo… Kan jy die Engelse woord vind?
Kan jy self die betekenis van daardie opdrag uitwerk? Wat moet christene doen om in te gaan in die koninkryk waarvoor Christus vir hulle die toegangskaartjie betaal het?
Waar, dink jy, is vandag se ‘hervorming’ dan die dringendste nodig?
Skriflesing: Lukas 15:11-20; Romeine 5:8; 8:31-39 (1983)
Teksvers: Lukas 15:17-20
HK: Sondag 33
As ons in die kategismus leer wat bekering is dan raak ons bewus van die radikaliteit daarvan. Bekering is doodgaan en lewend word! Sterwe en opstanding!
Die twee absolutes wat hier gebruik word help ons om te verstaan dat bekering nié maar net ʼn koersverandering of ʼn wending in jou lewe is nie, maar ʼn radikale ommekeer – van dood na lewe!
Eers moet ons die ou sondige lewe doodmaak en dan weer deur die krag van Christus opstaan uit die dood in ʼn nuwe lewe. Van die verlore seun lees ons in ʼn gelykenis, maar dit illustreer bekering so goed. Hy was dood, maar kyk hy lewe, het sy pa gesê! Kyk na die dag van sy bekering dan sien ons dit in die vier dinge wat hy daar by die varktrog doen: daar is inkeer, afkeer, omkeer en terugkeer.
Bekering het ons eenmaal nodig, maar daarna ook elke dag, sodat ons nie in ons sondes bly nie.
Skriflesing: 1 Petrus 4:1-19 (2020)
Teksvers: 1 Petrus 4:10-11
Ons dink hierdie kwartaal verder na oor die betekenis dat alles AAN God toekom, tot lof van sy heerlikheid. In sommige vertalings word die “aan Hom” vertaal met “Syne”.
Dit gaan oor besit. Iets wat aan jou behoort is dit wat jou eiendom is. Maar dit verduidelik ook iets meer van die persoon.
As iemand iets aan jou doen, is dit aan jou persoon. Met ander woorde: dit wat Aan Hom behoort is dit wat Aan Hom verskuldig is. Dit geld nie net vir die skepping nie, maar ook die doel van die skepping, sodat God in alles verheerlik kan word omdat die heerlikheid en die krag Hom toekom, tot in ewigheid.
© 2026 Gereformeerde Kerk Centurion
Theme by Anders Noren — Up ↑