Gereformeerde Kerk Centurion

Laat U Naam Geheilig Word Broodnodig, Diepgaande en Impakryk

Maart 31, 2025 / admin

Skriflesing: Psalm 145 (2020)
Teksvers: Mattheus 6:9

“Laat U Naam geheilig word.” In hierdie bede smeek ons die Here dat Hy sy Naam in ons en deur ons sal heilig hou. As ons nie eerste die beginsel van “Laat u Naam geheilig word” in ons gebede plaas nie, loop ons die risiko om God se heiligheid te vergeet.

Hierdie bede roep ons op om die volle diepte van Sy karakter te ondersoek. Dit is ‘n uitnodiging om God reg te ken en om ons lewens heeltemal aan Hom as die Heilige, Volmaakte en Almagtige te onderwerp. In Christus vind ons die volle openbaring van hierdie heilige Naam.

God bewerk ewige vrede by Hom en toegang tot Hom in Christus

Maart 31, 2025 / admin

Skriflesing: Romeine 5: 1-11 (2020)
Teksvers: Romeine 5: 1-2

Vrede by God en toegang tot Hom. Wat beteken hierdie woorde? Het ons hier bloot te make met ‘n vredevolle gevoel omdat ons deur Christus verlos is?

Paulus se gebruik van die woordjie ‘vrede’ strek veel dieper in hierdie gedeelte. En wat beteken dit dat ons toegang het tot God? Hoekom is dit besonders?

Ons staan nie altyd daarby stil dat ‘vrede en toegang‘ tot God iets is wat ons nie van nature het nie. Paulus wys ons egter hierop. Verder verwys hy ook met klinkklare logika hoe hierdie terme vir ons vastheid en vrymoedigheid in ons verlossing gee.

Nuus

Maart 28, 2025 / Johan Hoogenboezem

(Last updated on Maart 31st, 2025)

Eredienste

09:00 en 18:00 eredienste word hier uitgesaai in beeld en hier uitgesaai in klank.
11:00 Alethea Outreach service can be followed here .

Ons gee om vir mekaar:

Amanda Brink sterk aan na ŉ knievervangingsoperasie (A15—081 569 1530).
Antoinette Jv Vuuren sterk tuis aan (C13—082 569 1882).
Meelewing word betuig met:
- Ria Pretorius en familie na die afsterwe van haar seun.
- Annah Sekhu en familie na die afsterwe van haar seun.
- Cathy Smit (eggenote), Anneme de Waard en Nico Smit en familie na die afsterwe van Callie. Begrafnisreëlings is nog nie bekend.

Ons lidmate word aan die liefdevolle versorging van die Here opgedra

“…die Here sal my onder sy sorg neem.” Ps 27:10

Die Kommunikaatjie

Lees dit hier

Katkisasie

Skoolvakansie

Kollektes

…kan afgedra word d.m.v EFT (bankbesonderhede in ‘n kommunikaatjie) of met Zapper. Vir QR-kodes kliek hier.

Kommunikaatjie vir 30 Maart

Maart 28, 2025 / admin

Maak oop

Jesus se lyding roep jou op tot opoffering en diens in Sy koninkryk

Maart 24, 2025 / admin

Skriflesing: Matt. 20:17-28 (2020)
Teksvers: Matt. 20:22,23

Hoofpunte:

1. Die lyding van Jesus.

2. Die ambisie van die mens.

3. Die opoffering van die gelowige.

“Jesus het geantwoord: “Julle besef nie wat julle vra nie. Kan julle die beker drink wat Ek moet drink?” Hulle antwoord Hom: “Ons kan.” Hy sê vir hulle: “Julle sal inderdaad my beker drink, maar om aan my regterhand en my Linkerhand te sit, is nie vir My om te beskik nie. Daardie plekke behoort aan hulle vir wie my Vader dit voorberei het.””

Matt. 20:22,23

Vrede vir Hierdie Huis

Maart 24, 2025 / admin

Skriflesing: Lukas 10:1-24 (2020)
Teksvers: Lukas 10:20-21

Jesus gee 70 dissipels die opdrag om uit te gaan en die evangelie te verkondig. Hulle moet verkondig dat die koninkryk van die hemele naby is. Die reaksie is merkwaardig, selfs die duiwels onderwerp hulle en die dissipels is tot oorlopens toe bly.

Tog sê ons Here Jesus dit is nie iets om oor bly te wees nie. Baie maal kan ons vergeet dat ons werklik moet bly wees om die evangelie met vrede in ons huis te ontvang.

Wat maak jou bly? Waaroor jubel jy hierdie jaar? Jubel dan dat die koninkryk van die hemele naby is en mag daar vrede vir jou huis wees!