Die webtuiste vir die Gereformeerde Kerk Centurion.
Skriflesing: Efesiërs 1:22–2:22 (1953)
Teksvers: Efesiërs 2:19-22
HK: Sondag 21
Die kerk is nie ‘n menslike instelling nie, maar God se verbondsvolk wat deur sy genadige belofte tot stand kom.
Omdat Christus sy kerk bou tot ‘n woning, word gelowiges geroep om die eenheid wat Hy geskep het, te bewaar deur getrouheid aan die evangelie, die sakramente en Christelike tug. Die troosvolle versekering wys daarop dat Christus sy kerk voltooi as God se ewige woning.
Skriflesing: 2 Kor 1:15-22; Ef 1:1-14 (1983)
Teksvers: Ef 1:14; 2 Kor 1:22
HK: Sondag 20
Sekerheid is ‘n skaars ding in ons gebroke bedeling. Ons maak planne en beloftes maar dit werk nie altyd so uit nie. Kyk ook by Paulus, wie se reisplan misluk het. Dit bring groot onsekerheid in die Korinte-gemeente.
Die apostel gebruik sy verleentheid om te verduidelik dat ons wel geloofsekerheid kan verkry maar alleen deur die Heilige Gees wat in ons woon en ons vertroos en lei tot sekerheid.
In ons twee tekste word die Gees in oorspronklike Grieks ons “arraboon” genoem. Ons bedink vanaand hierdie beskrywing wat reeds in die OT begrond is.
Skriflesing: Kolossense 1:3-23 Genesis 2:15-20 (2020)
Teksvers: Kolossense 1:15,16
Wat is die doel van die mens se bestaan? Het u al nagedink waarom jy hier op aarde is? Wat is jou doel en betekenis?
Baie mense, veral mense wat in baie moeilike omstandighede groot word, twyfel of die lewe die moeite werd is. Hulle ervaar net swaarkry en moeite, hulle lewe is een groot smart.
Ons wil graag vanoggend stilstaan by die gedagte oor wat die doel was van die skepping van die mens. Waarom het God die mens as die kroon van die skepping daargestel, en wat is jou en my taak hier op aarde?
Skrifgedeelte: Johannes 5:1-15
Teksverse: Johannes 5:6-7
Om niemand te hê nie, is seker een van die moeilikste dinge wat ‘n mens kan ervaar. As niemand aan jou kant wil wees nie, as niemand met jou wil deel nie, as niemand op jou ag gee nie. So het hierdie man vir 38 jaar lank gewag vir ‘n geleentheid om in die bad te klim by die roering van die water, sodat hy gesond kan word. Maar hy het niemand, tot op daardie dag wat Hy die verlosser ontmoet…
Skrifgedeelte: Hebreërs 7:12-28
Teksverse: Hebreërs 7:25
Ons belydenis verwoord die vernedering en die verhoging van ons Here Jesus in sy Koninklike, Profetiese en Priesterlike werk. Daarin is die bekendste deel veral sy werk as mens op aarde waar Hy die volkome offer gebring het vir die sonde. Maar sy werk is nog nie klaar nie. Christus is verhoog as ewige Koning, waar Hy as mens steeds vir die gelowiges intree in gebed. Daarom kan Hy volkome red, Hy kan tot die uitsterste red, deur die wat deur Hom tot God gaan, omdat hy altyd leef om vir hulle in te tree.
Skriflesing: 2 Korintiërs 4:7-5:10 (1983)
Teksvers: 2 Kor 5:10
HK: Sondag 17
Ons is steeds besig met ons belydenis oor die 12 Artikels. Verlede week het ons besef dat Jesus se hele lewenspad een van helse neerdaling in angs en pyn was, met die Godverlatenheid aan die kruis as dieptepunt.
In die graf vind ons egter die draaipunt… en dan begin sy pad van opgaan/verheerliking.
Hy het die dood en daarmee die nutteloosheid van hierdie verganklike bestaan oorwin. Hy gee hoop en uitsig en oorwin ons moedeloosheid. Hy gee ons sekerheid van lewe na die dood.
© 2026 Gereformeerde Kerk Centurion
Theme by Anders Noren — Up ↑