Die webtuiste vir die Gereformeerde Kerk Centurion.
Skrifgedeelte: Johannes 5:1-15
Teksverse: Johannes 5:6-7
Om niemand te hê nie, is seker een van die moeilikste dinge wat ‘n mens kan ervaar. As niemand aan jou kant wil wees nie, as niemand met jou wil deel nie, as niemand op jou ag gee nie. So het hierdie man vir 38 jaar lank gewag vir ‘n geleentheid om in die bad te klim by die roering van die water, sodat hy gesond kan word. Maar hy het niemand, tot op daardie dag wat Hy die verlosser ontmoet…
Skriflesing: Johannes 1 (1983)
Teksvers: Johannes 1:14
HK: Sondag 13,14
Ons is dikwels vinnig om ander se sonde raak te sien. Esegiël 8 herinner ons dat God eers die geheime kamers van ons eie harte ondersoek. Die tragiese werklikheid is dat dieselfde sonde wat Esegiël ontbloot het, eeue later weer deur Jesus in die Tempel uitgewys word: wanneer eie belange, veiligheid en voortbestaan belangriker word as God se wil.
Daarom moet ons, voordat ons ander oordeel, vra: Watter afgode koester ek nog in my hart? Ware bekering begin wanneer ons toelaat dat God die donker plekke in ons eie lewe openbaar.
Skriflesing: Johannes 20; Rom 8:14-17 (1983)
Teksvers: Johannes 20:17
HK: Sondag 9
Laat ons onthou dat ons in die aanddienste besig is in die leerprediking om die Heidelbergse Kategismus te verklaar. Vanaand kyk ons na die eerste sin van die Apostoliese Geloofsbelydenis: “Ek glo in God die Vader…”
Die aanddienste gee aandag aan ons gereformeerde geloofsleer en dit sal raadsaam wees om te sorg dat ook ons groter kinders saam met u saans in die aand-eredienste kom vir hierdie onderrig.
Vanaand bedink ons die waarde daarvan om God Almagtig as ons/jou Vader te mag hê.
Skriflesing: Johannes 1:15-34 (2020)
Teksvers: Johannes 1:32-34
HK: Sondag 8
Die geloofsbelydenis is niks anders nie as ‘n bondige samevatting van alles wat ons as Christene moet glo. Dit sê nie alles van geloof nie, maar dit wat die Skrif in hoofsaak leer en wat nodig is vir ons verlossing. Die vraag ontstaan dan: hoe kom ons by hierdie belydenis en waaroor gaan dit?
Dit bring ons terug na die Persoon van God. Ons leer Hom ken as een in Wese maar drie in Persone. Dit is wat Johannes sien en getuig as hy Jesus doop by die Jordaan. Hy sien en hy getuig.
Net so word ons belydenis, ons getuienis dat ons glo.
Skriflesing: Johannes 1:29-34; 19:1-16 (2020)
Teksvers: Johannes 19:14
1. MENSLIKE VALSHEDE
a. Selfs op die “Voorbereidingsdag”! (19:14)
b. “… weg, weg met hom!” (19:15).
c. “… julle koning”! (19:15).
d. “… vriend van die keiser” (19:12).
2. DIE EVANGELIE SKYN DEUR AL DIE VALSHEDE HEEN
a. Nie “selfs” nie, maar “juis” tydens die Paasfees.
b. “Weg”, ja, maar Hý is die Een wat wegdra (Joh. 1:29).
c. Nie ‘n spotkoning nie, maar die beloofde Koning.
d. “Slegs die keiser”? Nee! Glo in die Koning wat as regter kom en wat waarlik kan vryspreek!
Skriflesing: Johannes 12:12-37 (1983)
Teksvers: Johannes 12:21
Ons kan so materialisties dink. Dan meet ons mense aan ons eie standaarde. Dan raak ons so maklik teleurgesteld!
Ook as ons God en sy koninkryk aan ons aardse standaarde meet, dan kom daar maklik teleurstellings in die geloof, in God en in die kerk. Dan raak kerk-wees swaar en klein opofferings raak moeite, volharding word ‘n beslommernis en alles sommer net ‘n oorlas en nuttelose tydverdryf.
Die probleem lê by ons denke oor Christus en sy kerk en koninkryk. Met watter standaarde meet jy?
Met die maat waarmee jy meet sal natuurlik vir jou gemeet word!
© 2026 Gereformeerde Kerk Centurion
Theme by Anders Noren — Up ↑