Die webtuiste vir die Gereformeerde Kerk Centurion.
Skriflesing: Matteus 25:14-30
Teksvers: Matteus 25:14-30
… “Aan elkeen wat het, sal meer gegee word, en hy sal
oorvloed hê; maar van hom wat nie het nie, sal ook die
bietjie wat hy het, weggevat word.”
Mat 25:29
Hoofpunte:
Wat elke dienskneg ontvang het.
Wat elke dienskneg daarmee gemaak het.
Die resultaat van die diensknegte se toewyding.
Skriflesing: Openbaring 1:7‐20
Teksvers: Openbaring 1:10,12.13a
Deesdae is dit meer so: “Sunday is funday”. Vir baie van ons is dit braai-dag. En ons kán braai! En tog is die vraag: Wat wil God met die weeklikse ritme van, een dag per week is “die dag van die Here”, in ons lewe bereik?
Kyk wat op die Sondag daar op Patmos met die apostel Johannes gebeur. Hy hou by die gewoonte om op “die dag van die Here” (Sondag!) homself af te sonder vir die diens en aanbidding van die Here… en dan vind daar ‘n heerlike ontmoeting plaas.
Het ons nog tyd op Sondag om die nabyheid van die Here te soek? Kom jy ook na die gereelde eredienste met die verwagting dat daar so ‘n ontmoeting sal plaasvind? Het jy nog tyd vir die Here?
Skriflesing: 1 Joh 2:12-17
Teksvers: 1 Joh 2:15-17
Een van die uitdagings in gelowiges se lewens is om hulle natuurlike geneigdheid om die wêreld met al sy sogenaamde aantreklikhede teen te staan. Die duiwel gebruik die wêreldse goed om die kinders van die Here afvallig te probeer maak. Diegene wat die wêreld liefhet, moet weet dat dié liefde nie van die Vader kom nie.
Die wêreld bied allerhande liggaamlike begeertes. Dit is begeertes wat ‘n mens met sy oë kan sien. Dit is verder begeertes na allerhande besittings. Enige materiële verknogtheid kom nie van die Here af nie. Dit is bloot wêreldse goed.
Die wêreld met al sy begeerlikhede sal verby gaan, maar elkeen wat die wil van God doen, sal tot in ewigheid lewe.
Skriflesing: Luk 13:22-30
Teksvers: Luk 13:23
Luk 13:23
“Toe vra iemand Hom: “Here, is die wat gered word, maar min?”
Hierdie is ’n vraag wat in die harte van mense leef. Hoeveel mense gaan daar in die hemel wees? Gaan daar duisende miljoene wees? Kan ek seker maak dat ek hemel toe gaan? Hoe gaan dit in die hemel wees en hoe gaan dit in die hel wees? Is dit nodig dat ek bekommerd moet wees of ek hemel toe gaan?
Skriflesing: Markus 14:43-65 Joël 2:12,13,14; Heb 9:1-15
Teksvers: Markus 14:63, (Mt 26:65)
Laat ek Hom aan julle voorstel: Jesus Christus, jou Verlosser en Here. Ook genoem die Lydende Kneg van die Here, die Man van Smarte. En kyk wat het Hy nie alles verdra en verduur nie! So baie wil nie met so ‘n tragiese figuur geïdentifiseer word nie. Soos Kajafas! Hy verag vir Jesus. Hy skeur sy klere! In die proses mis Hy nie alleen so baie nie, maar maak Hy die smarte van die Man voor hom ook net groter.
Is jou en my geloof nie ook soms net ‘n klugspel soos wat hier voor ons afspeel nie. Dit is tyd dat ons ons harte laat aanraak. Jesus het dit ook vir my en jou gedoen!
Skriflesing: Ef 4:8-16
Teksvers: Ef 4:15
Ef 4:15 “maar, terwyl ons in liefde die waarheid betrag…” ’53 vert.
Ef 4:15 “Nee, ons sal in liefde by die waarheid bly…” ’83 vert.
Eph 4:15 “Instead, speaking the truth in love,…” NIV
Die Griekse woord vir betrag of bly beteken dat ons altyd die waar-heid moet praat en daarin bly, maar dan die waarheid met liefde praat en bedien. So dikwels kan mense onder die dekmantel van dit is die waarheid uit die Skrif harteloos en hard en ongenaakbaar wees teenoor ander mense se foute of sonde. Waarheid sonder liefde is harteloos. Waarheid sonder liefde maak seer en stoot weg. Jesus Christus het ons sonde aangespreek, maar nooit veroordelend nie, maar met bewoënheid met die oproep tot bekering.
Paulus leer aan ons in hierdie verse twee sake:
© 2026 Gereformeerde Kerk Centurion
Theme by Anders Noren — Up ↑