Gereformeerde Kerk Centurion

Die webtuiste vir die Gereformeerde Kerk Centurion.

Kategorie: Nuwe Testament (Page 116 of 130)

Brose kleipotte word deur God gebruik om sy lig te laat skyn!

November 10, 2018 /

Skriflesing: 2 Kor 4:1-15
Teksvers: 2 Kor 4:6,7

Ons lewens word gekenmerk deur baie fisiese en geestelike uitdagings. Paulus vergelyk ons met kleipotte wat maklik breek. Ons liggame is broos en ons is onderworpe aan baie skielike aanslae wat worstelinge by ons veroorsaak. Ons word getref deur geestelike en fisiese siektes en gebreke. ‘n Motorongeluk kan jou hele wêreld skielik verander. Daar is geestelike siektes, depressie, angsaanvalle, daar is fisiese siektes, ‘n aartjie wat bars, ‘n virus wat jou aanval, ‘n knievervanging, ‘n heupver- vanging, ‘n rugoperasie. Dit gebeur nie net met ouer mense nie, maar dit gebeur ook met kinders. ‘n Blindederm wat bars, ‘n motorongeluk veran- der jou wêreld in ‘n oogwink.

Ons gaan na drie sake kyk:

  • Ons is brose kleipotte deur God gemaak.
  • Ons is bruikbare kleipotte wat vol krake is.
  • Ons is kleipotte waaruit die lig moet skyn.

Laai af

God se kerk sal altyd triomferende kerk wees tot in die hemel

November 2, 2018 /

Skriflesing: 2 Kor 2:12-17; Rom 8:31-39
Teksvers: 2 Kor 2:14; Rom 8:37-39

Dit lyk of Paulus se lewe uitmekaarval. Hy werk hard om die evangelie uit te dra. Die deure is deur God wyd oopgemaak sodat Hy die evangelie kon bring, maar hy is bekommerd oor sy “geesteskind” Titus. Waar is Titus? Wat het van Titus geword? En hy vertrek om Titus te gaan soek in Masedonië.

In 2 Kor 7:5-7,13,14 lees ons het hy Titus gekry en hoe sy dankbaarheid oorgeloop het, God bewaar sy kerk. Al is ons hoe be- kommerd, God bewaar sy kerk en laat die evangelie ook soos ’n aangename geur versprei, ondanks swaarkry en lyding.

Ons gaan na drie sake kyk:

  • God open deure om die suiwer-evangelie te verkondig.
  • God gebruik geroepenes om die suiwer-evangelie te verkondig.
  • God gee die oorwinning deur die suiwer-evangelie te verkondig.

Laai af

Gaan dan…!

Oktober 26, 2018 /

Skriflesing: Matt 28 Hand 1:8
Teksvers: Matt 28:1–20

Die Groot Opdrag is volgens hierdie teks op ‘n berg in die gebied van Galilea aan die dissipels gegee. Daarna moes hulle dan weer terug na Jerusalem gegaan het, vanwaar Jesus van die Olyfberg af opgevaar het na die hemel.

Voor Hy egter opvaar na sy Vader, kry ons hierdie opdrag om in te skakel by sy groot missie in die wêreld. God is oppad met sy Seun en sy Gees en besig om sy kinders bymekaar te maak. Hy maak ons deel van hierdie grootse missie. Hy doen dit met sterk versekeringe en beloftes!

Ons hoef net gehoor te gee en te doen, en so mag ons deel wees van die Groot Sending.

Laai af

 

 

Geloof groei wanneer jy dit gebruik

Oktober 26, 2018 /

Skriflesing: Luk 17:1-10
Heid Kat son 7 vr 21
NGB art 24
Teksvers: Luk 17:6

Die dissipels het gevra: “Gee ons meer geloof?” Het jy ‘n ware geloof en watter rol speel jou geloof in jou lewe? Geloof is die kosbaarste geskenk van God aan sy kinders. Want dit is deur die geloof dat ons moet lewe. Dit is die opregte lewe, die ware lewe in die geloof.

Dikwels wil ons ook ons geloof meet aan die van ander gelowiges. Ons is partykeer bekommerd oor ons geloof of dit opreg is of nie.

Ons gaan na drie sake kyk:

  • Wat ‘n ware geloof is!
  • Waarom ‘n ware geloof moet groei!
  •  Wat die gevolge van ‘n ware geloof is!

Laai af

Die gees laat ons na die Bruidegom roep

Oktober 12, 2018 /

Skriflesing: Openbaring 22:6‑21
Teksvers: Openbaring 22:17

Laaste boodskap van die boek kom in die vorm van ‘n opwekkingsdialoog tussen Bruid en Bruidegom!

Die vraag is of ons die stem van die komende Bruidegom hoor. Verwag ons nog daagliks sy koms met gespanne afwagting, soos ʼn bruid wag vir die groot dag van haar troue?

Wat is ons reaksie? Die groot dag mag immers nader wees as wat ons dink!

Laai af

Wie is Jesus vandag vir jou?

Oktober 12, 2018 /

Skriflesing: Openbaring 1; Daniël 7
Teksvers: Openbaring 1:12‑20

Waarskynlik sit meeste gelowiges met ‘n onvolledige beeld van Jesus Christus as die lydende Kneg van die Here.

Die meer volledige beeld is as jy Hom ook sien in sy verheerlikte staat… aan die regterhand van die troon van
God! Hy heers! Hy beheer die geskiedenis.

Op Hom vertrou ons in tye van nood en rampe en vervolging.

Laai af

 

« Older posts Newer posts »

© 2026 Gereformeerde Kerk Centurion

Theme by Anders Noren — Up ↑