Kategorie: Preke (Page 9 of 183)

(Last updated on November 17th, 2025)

Skriflesing: Genesis 44:24-45:28 (2020)
Teksvers: Genesis 45:7,8

‘n Mens kan jouself net indink hoe groot die skok moes wees vir Josef se broers, dat hulle so lank al die geheim van Josef se “dood” weggesteek het, en gevrees het dat hulle sonde ontdek sal word. 

Die vrees van hulle sonde het onsekerheid en twyfel gebring, hulle was doodsbenoud as hulle dalk vir Josef moes teëkom in Egipte. En nou staan hulle broer hier voor hulle. Die strenge man, die owerste wat hulle soveel onsekerheid en onrus veroorsaak het, die man aan wie hulleself bereid was om as slawe oor te gee vir die lewe van hulle broer Benjamin, hy is hulle broer. Maar Josef gaan nie wraak neem nie. Hy sien God se voorsienigheid, die behoud van sy kinders. Josef is die uitverkore seun wat sy familie moet red. 

God gee hierdie seun as verlosser van sy broers. So oorwin die liefde van God die kwaad. 

(Last updated on November 17th, 2025)

Skriflesing: Genesis 43:1-44:34 (2020)
Teksvers: Genesis 43:16

Het jy al probeer om jou sonde vir God weg te steek? Het jy al soos Jona prober weghardloop, of soos Moses die woestyn in gevlug om van jou skuld te prober wegvlug. 

Josef se broers het gedink dat hulle sonde teenoor hulle broer na 22 jaar ‘n stille dood gesterf het, maar dan word hulle ontnugter. Dit is asof hierdie onbekende Egiptiese regeerder hulle altyd een stap voor is. Hulle is in ‘n hoek gedruk vanweë die droogte, hulle kan nie anders nie, Benjamin moet saam anders is daar nie kos nie. 

So is God al die tyd aan die werk, sodat Juda uitroep: God het die onreg van u dienaars uitgevind… Immers, die sonde kan nooit ongestraf bly nie. 

(Last updated on November 17th, 2025)

Skriflesing: Genesis 42:1-38 (2020)
Teksvers: Genesis 42: 21-22

Ons is eerlike mense, so getuig Josef se broers aan hom. Dit is natuurlik maklik vir elkeen van ons om onsself te beoordeel aan die hand van ons bedoelinge, en nie aan ons dade nie. 

Niemand hou daarvan om as ‘n oneerlike mens bestempel te word nie. En as jou geheim uitgelap word, as jy uitgevang word as iemand wat oneerlik is, dan het jy geen verweer nie. 

So is daar by elkeen van ons dinge waaroor ons spyt is, wat ons dalk anders sou doen. Immers, eerlike mense het niks om oor spyt te wees nie.