Gereformeerde Kerk Centurion

Die webtuiste vir die Gereformeerde Kerk Centurion.

Etiket: Sondag 23

Rus vir die skuldige gewete

Augustus 17, 2026 /

Skriflesing: Romeine 3 (1983)
Teksvers: Romeine 3:21-24
HK: Sondag 23

Jou gewete is ‘n gawe van die Here. Elke mens het een. Die gelowige se gewete kla jou by jouself en by God aan, sodat ons weens ‘n goeie gesonde sondebesef tot bekering kan kom. 

Die vraag is egter nou hoe kry ek my gewete weer stil, want ek kan nie maar net vir myself lieg nie. Jy hoef ook nie, want die waarheid sal jou vry maak. 

Die waarheid van die evangelie van Christus is ons redding, sodat ons gewete ons nie gyselaar kan hou nie. 

Laat dit wees volgens jou geloof

November 20, 2023 /

Skriflesing: Matteus 9:27-38 (2020)
Teksvers: Matteus 9:28-29
HK Son 23

Ons almal weet wat bates en laste is. ‘n Bate is iets wat waarde het, en waarde toevoeg. Dit is ‘n bate om bates te besit. 

Nou vra die Heidelberger, watter bate is jou geloof? Wat is die bate wat jy besit deur te glo? Dit is ‘n merkwaardige vraag. Want dit leer ons oor die uitsonderlike waarde wat daar in geloof is. Deur sy openbare optrede het ons Here Jesus baie mense gesond gemaak en nuwe hoop gebring. 

Ons staan vanaand stil by twee blinde manne wat in geloof tot Jesus nader en pleit vir genesing, waarop ons Here antwoord: laat met julle gebeur volgens dit wat julle glo! 

“Confession brings possessions”

Junie 13, 2022 /

Skriflesing: Handelinge 8:1-25
Teksvers: Handelinge 8:9-12
HK Sondag 22 en 23

Meer as ooit te vore is die “kerk” verdeeld oor wat die waarheid is. Elke profeet of pastoor stig ‘n gemeente na eie goeddunke en voorkeur. Hierdie sg. kwasi-kerk verkondig ‘n vreemde evangelie en ‘n vreemde beloning van dit wat die Skrif ons leer. Weelde en voorspoed, wêreld se roem en rykdom is eerder die oogmerk as die koninkryk van God se verbreiding. 

In die lig van ons belydenis oor die weldade wat ons deur Christus ontvang, sowel as die vrug van die werk van die Heilige Gees, kyk ons vanaand na Handelinge 8 en die sonde van Simonie en voorspoedsteologie. 

Skuldig voor God, begenadig deur God

November 22, 2021 /

Skriflesing: Eseg 36:16-38 
Teksvers: Eseg 36:21,22,25,26,27 
HK Sondag 23 

‘n Hofsaak met ‘n uitspraak wat nie logies is nie. 

  • Die aanklag is skuldig. 
  • Die uitspraak is genade. 
  • Die straf is vrygespreek. 

Ons roem daarop dat ons ‘n Christelike volk is. Maar wys ons dade en ons volkslewe dit? Wys ons lewe dat ons getrou is aan ons naam, Christene wat reformeer, terugkeer na die Bybel? 

Die groot troos is egter in die volgende drie woorde saamgevat. 

  • Skuldig! 
    • Begenadig! 
      • Vrygespreek! 

© 2026 Gereformeerde Kerk Centurion

Theme by Anders Noren — Up ↑