Gereformeerde Kerk Centurion

Die webtuiste vir die Gereformeerde Kerk Centurion.

Page 73 of 332

Rek jou nek!

Desember 11, 2023 /

Skriflesing: Romeine 8:18-39 (1953)
Teksvers: Romeine 8:19-27

Die sonde laat ons sug. Die sondeval het die gevolg dat alles en almal aan die verganklikheid (ydelheid) en nietigheid onderworpe is. Selfs die natuur kerm en is in in barensnood. Dit is soos ‘n vrou op die kraambed – ‘n wêreld in pyn! 

Die Skrif leer ons dan dat daar, sedert die val in sonde destyds in die paradys, vreeslik gesug word. 

Aan die einde van die jaar 2023 is ons ook maar uitgeput van die jaar se dinge. Ons sug ook. Maar ons rek ook ons nekke om verder te sien en vorentoe te kyk. 

Geraamtes in die kas?

Desember 11, 2023 /

Skriflesing: Matteus 1; Fil 3:5-14; Joh 1:12; 2 Kor 5:17 (1983)
Teksvers: Matteus, 1:1,16

Elke mens het ‘n storie. Jou lewensverhaal. Hoogte-en laagtepunte. Jy skryf maar daagliks aan jou eie reputasie. 

Mense is geneig om baie ongenadiglik gereeld jou skuldverlede op te diep. Hulle verwyt en verwys na die geraamtes in jou kas. Biografiese skrywers se kos is die intriges van ander mense se lewens! 

Die Here is anders. Hy vergewe dié wat by Hom skuil en gee werklik die geleentheid van ‘n nuwe begin! 

DIEN DIE HERE MET BLYDSKAP

Desember 8, 2023 /

Ons sluit die jaar 2023 met die jaartema soos hierbo vermeld, nou af. Dit is die woorde van Psalm 100. Ek wonder toe nou of ons rêrig die Psalm as ons eiendom aanvaar het. Ons doen dinge dikwels so outomaties dat ons nie eers dink wat ons doen of sê nie… 

Dien die Here met blydskap! 

Blydskap waarvoor? 

Blydskap of vreugde omdat die Here aan ons gedink het, sy Seun gegee het en ons verlos het. Dit is ons enigste en grootste rede vir ware blydskap. Of is dit? Laat ons bietjie nadink! Hoe bly is ons? Het ons genoeg sondebesef om te weet dat die verlossing in Christus ons grootste rede is vir vreugde. Vreugde wat alle omstandighede te bowe gaan! Dat geen straf ons meer op ons sondes wag nie. Ons sonde is ten volle betaal. Ons rekening by God is vereffen! 

Egter ook blydskap omdat die Here ons versorg het, en toe ons in die nood was en gebid het, het Hy ons uitgehelp en versorg en gedra en uit die nood verlos. Ook in ons daaglikse gewone lewe. 

Blydskap omdat ons weet dat die ellende van die gewone alledaagse nie die einde is nie. Ons is pelgrims oppad en daar wag vir ons die allesoortreffende en heerlikste en vredevollle lewe saam met ons Here en Verlosser vir ewig! 

Blydskap omdat ons weet dat die Here trou is aan sy Woord en Hy sy beloftes nakom. 

Blydskap omdat ons en ons kinders en ons medegelowiges in sy hande, veilig is en niks toevalligs oor ons kom nie. 

Veilig omdat die die tekens van sy wederkoms aan die horison wink. 

Blydskap omdat ek weet dat ek kind is van God die allerhoogste en niemand dit kan wegneem nie. Die Bose kan ons nie uit sy hand ruk nie. 

Kom ons dien die Here met ware blydskap! 
Seënwense vir u almal oor die feestyd! 

Ds Maarten 

Jesus was ‘n volmaakte timmerman en is ‘n volkome Verlosser 

Desember 4, 2023 /

Skriflesing: Mark 6:1-6; Luk 2:1-10 (1983)
Teksvers: Mark 6: 3a, 4

Engele het aan ‘n timmerman Josef, wie se verloofde Maria was, die berig gebring dat sy swanger sou word, deurdat die Heilige Gees oor haar sou kom. ‘n Timmerman, wat sekerlik goed van inbors was, omdat hy getrou was aan die wet van Moses. Hy het die opdrag gekry dat die Baba wat gebore sou word, Jesus genoem moes word. 

“Hy sal groot wees en die Seun van die Allerhoogste genoem word. Die Here God sal Hom die troon van sy voorvader Dawid gee, en Hy sal as koning oor die nageslag Jakob heers tot in ewigheid. Aan sy koningskap sal daar geen einde wees nie.” (Luk 1;32,33) 

Hierdie Baba, sou die seun van ‘n Timmerman, Josef sy aardse pa, wees. 

Wees die geskenk van dit wat jy ontvang

Desember 4, 2023 /

Skriflesing: Matteus 25:13-30 (2020)
Teksvers: Matteus 25: 28-30

Almal hou van geskenke. Veral as jy iets kry wat jy graag wil hê, maar dit nie self kan koop nie. In hierdie bekende gelykenis sien ons hoe verskeie persone “talente” kry. 

Hierdie talente is nie soos ons dit soms wil verstaan as ‘n talent wat jy het nie, dit is ‘n verwysing na ‘n geldeenheid van omtrent 36kg goud. ‘n Talent is dus baie waardevol. Die vraag hier gaan nie oor die hoeveelheid talente wat jy ontvang nie, maar wat jy daarmee doen. 

God gee aan ons gawes en talente, Hy seën ons, sodat ons tot seën sal wees. So word jy die geskenk, van dit wat jy self ontvang. 

« Older posts Newer posts »

© 2026 Gereformeerde Kerk Centurion

Theme by Anders Noren — Up ↑