Die webtuiste vir die Gereformeerde Kerk Centurion.
Skriflesing: Markus 8:34-38 (OAV 1953); Psalm 49
Teksvers: Psalm 49:8,16
HK Sondag 5
8. Een mens kan tog nie ‘n ander loskoop van die dood en aan God ‘n losprys vir hom betaal nie?
9.Die prys vir ‘n mens se lewe is te hoog. Wat hy kan betaal, sal nooit genoeg wees
10. dat hy vir altyd sal lewe en die dood nooit sal smaak nie.
16. Maar vir my sal God loskoop uit die mag van die dood; ek sal aan Hom behoort.
Skriflesing: Deuteronomium 8:1-6 Lukas 4:1-13
Teksvers: Deuteronomium 8: 3
In die sweet van jou aangesig sal jy jou brood…. eet, nie verdien nie. Hoe hard ons ook al werk vir brood op die tafel, sal ons van hierdie brood alleen nie kan leef nie.
Hierdie woorde uit Deuteronomium wys sy volk op die feit dat hoewel hulle meer as miljoen mense was, hulle 40 jaar lank in die woestyn onderhou is. Hulle het nie gewerk en geplant en hulle brood moes “verdien” nie, want God gee dit.
Ook ons moet leer dat ons behoud, en die behoud van die ganse bestaan van die mens, nie in brood gebrek is nie, maar Brood gebrek. Wat baat dit die mens tog as hy alles liggaamlik het wat nodig is, maar aan sy siel skade ly?
Armoede ken geen grense nie. Dit spaar niemand en dit vra nie vrae nie. Armoede vat net. Dit vat al jou goed, dit vat jou besittings, jou ambisie, jou geleenthede, jou drome, jou vreugde. Armoede is ‘n sluipmoordenaar wat hoop uit jou uit wurg, en uiteindelik jou menswees in die stof vertrap.
Vandag is daar meer as ooit mense in ons samelewing wat verarm en wat leef sonder hoop. Dit is nie noodwendig mense wat van altyd af arm was nie. Sommige oorleef hulle pensioene, sommige kan net nie byhou met inflasie nie. Sommige het verkeerde keuses gemaak en ander het kanse gevat en alles verloor.
Om arm te wees beteken nie dat jy ook geestelik arm hoef te wees nie. Koningskinders wil graag hierdie geestelike armoede aanspreek deur kinders uit ons gemeenskap te nooi op ‘n kamp wat ons gemeente gratis aanbied, omdat baie kinders dit nie kan bekostig nie.
Tydens hierdie kamp wil ons hulle weer moed en hoop gee vir die toekoms uit die blye evangelie van God se genade. Ons wil aan elkeen die vooruitsig bied van die heerlike stad Jerusalem. Maar ons kan dit nie alleen doen nie.
As gemeente kan ons hierdie geleentheid saam aanbied. Daarom vra ons elkeen se hulp. Ons vra u gebede. Ons vra u liefde en omgee en meelewing. As u middele het om te deel, sal ons dit van harte waardeer. Meer nog, as jy jouself kan gee, is dit eerste prys.
Kom gee saam met ons die liefde van die evangelie.
Jesus het ons immers geleer: Om te gee, is beter as om te ontvang.
Lourens (vdm)
(Last updated on Maart 5th, 2022)
Al ons susters in en om Pretoria kan steeds by een van die twee lokale registreer vir die Saamtrek komende Saterdag, 5 Maart!
Die Saamtrek word uitgesaai op die Internet. Kliek hier vir die uitsending.
© 2026 Gereformeerde Kerk Centurion
Theme by Anders Noren — Up ↑
