Gereformeerde Kerk Centurion

Die webtuiste vir die Gereformeerde Kerk Centurion.

Kategorie: Preke (Page 73 of 192)

Om waarlik gereformeerd te wees

November 28, 2022 /

Skriflesing: Genesis 39; Psalm 40:8,9; Heb 10:7-10
Teksvers: Genesis 39:6-9
HK Sondag 44

Die gewilligheid waarmee ons soek na die wil van God en die hartlike doen daarvan. is vanaand ter sprake. Nie die uitdink van jou eie beginsels (tradisies en gewoontes) en dit dan tot goddelike status te verhef nie, maar die wedergeboorte van jou hart en denke (kyk Rom 12:1,2), sodat ons alhoemeer dink en vra om te doen wat God wil.
As ons fokus sou wees om slegs te doen wat vir die HERE aanneemlik is, dan vorder ons eintlik eers werklik in die heiligmaking – al het “die allerheiligstes in hierdie lewe maar net die begin van hierdie gehoorsaamheid” – ten minste vorder ons in die heiligmaking.

Deur die Gees van die HERE voed Hy die kandelaar

November 28, 2022 /

Skriflesing: Sagaria 4:1-14; Openbaring 11:1-19
Teksvers: Sagaria 4:4

Sagaria se vyfde gesig is ‘n baie besondere toneel van ‘n kandelaar met ‘n oliekan en sewe pype na elkeen van die kelke om olie te voorsien. Daar staan ook ‘n olyfboom aan elke kant van die kandelaar met pype wat van die bome afloop na die oliekan om dit te voorsien van olie!

Die kandelaar, of menora, is die lampstaander wat in die Heilige staan van die tabernakel en later van die tempel, wat die priesters elke oggend voorberei en in die aandoffer met olie vul en aansteek om deur die nag te brand. Dit is ‘n simbool van God se teenwoordigheid onder sy volk. ‘n Simbool van lig in die donker!

Maar Sagaria is eerlik genoeg om te erken dat hy nie alles verstaan van God se Woord nie. Daarop kom die verklaring van die engel. Waarby ons vanoggend gaan stilstaan met die oog op die bediening van die doop

Wat is waarheid?

November 21, 2022 /

Skriflesing: Johannes 18:28-40
Teksvers: Johannes 18:37-38
HK Sondag 43

Christus se Koningskap is vir ons as gelowiges bekend en reg, maar u kan maar net dink hoe vreemd dit moes geklink het vir Pilatus. Dat ‘n arm Galilese man, wat skynbaar hulpeloos is, met ‘n klomp visserman-vriende, aanspraak maak op Koningskap. 

Christus se Koningskap is egter geheel en al gerig op die waar-heid. Daarvoor is Hy gebore en daarvoor het Hy in die wêreld gekom, om vir die waarheid te getuig. 

Ons staan vanaand stil by die 9de gebod in die lig van Jesus se waarheids-getuienis in ‘n wêreld verward oor die waarheid. 

Liefde vir die Vader en vir Jesus Christus word in gehoorsaamheid geopenbaar.

November 21, 2022 /

Skriflesing: Joh 14:15-31
Teksvers: Joh 14:21

Die liefde van God word in ons harte uitgestort deur die Heilige Gees wat aan ons gegee is. Rom 5:5. Daarom weet elke wedergebore kind van God dat God hom/haar liefhet. Daarom kan en wil ons nie anders as om gehoorsaam te wees aan God se gebooie nie. Dit is die Heilige Gees wat die wonderlike troos in ons harte vasmaak, deur die lees van die Woord en die versterking van die Heilige Nagmaal. Hierdie versterking kom onder andere deur drie sake na ons toe: 

  • Jesus Christus se openbaring reeds in die verlede aan ons. 
  • Jesus Christus se openbaring nou in die hede aan ons. 
  • Jesus Christus se openbaring in die toekoms aan ons. 
« Older posts Newer posts »

© 2026 Gereformeerde Kerk Centurion

Theme by Anders Noren — Up ↑