Skrifgedeelte: Hebreërs 7:12-28
Teksverse: Hebreërs 7:25
Ons belydenis verwoord die vernedering en die verhoging van ons Here Jesus in sy Koninklike, Profetiese en Priesterlike werk. Daarin is die bekendste deel veral sy werk as mens op aarde waar Hy die volkome offer gebring het vir die sonde. Maar sy werk is nog nie klaar nie. Christus is verhoog as ewige Koning, waar Hy as mens steeds vir die gelowiges intree in gebed. Daarom kan Hy volkome red, Hy kan tot die uitsterste red, deur die wat deur Hom tot God gaan, omdat hy altyd leef om vir hulle in te tree.