Gereformeerde Kerk Centurion

Die webtuiste vir die Gereformeerde Kerk Centurion.

Kategorie: Preke (Page 5 of 187)

God is Meer as ons Hart

April 13, 2026 /

Skriflesing: 1 Johannes 3:9-24; Genesis 4:3-16 (2020)
Teksvers: 1 Johannes 3:18-22

Uit die eerste brief van Johannes het ons gevind dat daar reeds drie verskillende maniere waarop ons geloof getoets kan word, met ander woorde, of jy uit God gebore is en Hom ken. Die eerste is die toets van die waarheid, dat God se Woord die enigste gesag van jou lewe is en dat jy sy gebooie bewaar. Die tweede toets is die morele, of jy in Hom bly en lyk soos Hy lyk, of word soos Hy is. Die derde toets is die van liefde, om jou broer lief te hê. 

Dit is waar ons gewete ons baie maal aankla, of in hierdie sin, jou hart. Soms leef daar dieselfde gesindheid in ons hart soos die van Kain. God is meer as ons hart… maar wat sal dit tog 

Die Heer die Heer het opgestaan!

April 6, 2026 /

Skriflesing: Openbaring 1(1983)
Teksvers: Op 1:17,18

Paassondag gedenk en vier ons die groot dag van die opstanding uit die dood en graf. Hierdie dag staan van die vroegste kerkgeskiedenis af bekend as “Die Dag van die Here”. Dit is dié dag van ons oorwinnaar-Koning wat die sonde, die dood, die hel, die bose én wêreld oorwin het! 

Waarskynlik die grootste dag in menseheugenis – maw in die totale geskiedenis. So groot en groter as die skeppingsdae self. 

Hierdie dag gee betekenis aan die skepping, wat sy sin deur sonde en dood verloor het. Hierdie dag gee hoop aan ‘n wêreld wat in wanhoop vergaan. Hierdie dag moet gedenk word. 

Laat ons elke Sondag dink aan die dag van sy opstanding en oorwinning en aan Hom, die Opgestane, die Lewende, die eer gee, nou en vir ewig. 

Met die Koning se verhoor skitter die heerlike evangelie deur menslike valshede heen

Maart 30, 2026 /

Skriflesing: Johannes 1:29-34; 19:1-16 (2020)
Teksvers: Johannes 19:14

1. MENSLIKE VALSHEDE 
a. Selfs op die “Voorbereidingsdag”! (19:14) 
b. “… weg, weg met hom!” (19:15). 
c. “… julle koning”! (19:15). 
d. “… vriend van die keiser” (19:12). 

2. DIE EVANGELIE SKYN DEUR AL DIE VALSHEDE HEEN 
a. Nie “selfs” nie, maar “juis” tydens die Paasfees. 
b. “Weg”, ja, maar Hý is die Een wat wegdra (Joh. 1:29). 
c. Nie ‘n spotkoning nie, maar die beloofde Koning. 
d. “Slegs die keiser”? Nee! Glo in die Koning wat as regter kom en wat waarlik kan vryspreek! 

Is jy op standaard? (koninkryk-standaard)

Maart 30, 2026 /

Skriflesing: Johannes 12:12-37 (1983)
Teksvers: Johannes 12:21

Ons kan so materialisties dink. Dan meet ons mense aan ons eie standaarde. Dan raak ons so maklik teleurgesteld! 

Ook as ons God en sy koninkryk aan ons aardse standaarde meet, dan kom daar maklik teleurstellings in die geloof, in God en in die kerk. Dan raak kerk-wees swaar en klein opofferings raak moeite, volharding word ‘n beslommernis en alles sommer net ‘n oorlas en nuttelose tydverdryf. 

Die probleem lê by ons denke oor Christus en sy kerk en koninkryk. Met watter standaarde meet jy? 

Met die maat waarmee jy meet sal natuurlik vir jou gemeet word! 

« Older posts Newer posts »

© 2026 Gereformeerde Kerk Centurion

Theme by Anders Noren — Up ↑