Kategorie: Preke (Page 81 of 192)
Skriflesing: Deut 6; 1 Kor 8 (Hgl 8:6); Jesaja 40:25-31
Teksvers: Deut 6:4 (1 Kor 8:6)
HK Sondag 34 vr 94,95
Die Eerste Gebod is eintlik in wese ‘n liefdesverklaring en vra vir ‘n liefdesbetuiging as antwoord, ‘n liefdesbetuiging in woorde en dade. In lof en lewe. Daar is immers net één God. En Hy wil alleen gedien en geëer word. Afgodery is immers as jy enigiets anders naas/langs God vereer of dat jy iets anders in sy plek vertrou en aanbid (antw 95).
Die vraag is dan: As daar dan werklik net een God is, waarom moet Hy ons dan self waarsku teen sogenaam-de ander ‘gode’? Erken Hy dalk daarmee dat daar wel ander ‘gode’ of afgode bestaan?
Skriflesing: 1 Petr 1:13-21
Teksvers: 1 Petr 1:16
Om heilig te lewe beteken om anders te wees. Nie anders in die sin van eksentriek of snaaks of anders net om anders te wees nie, maar anders as die wêreldse mens. ’n Christen se lewe moet anders wees as ’n nie-christen se lewe. Dit moet duidelik blyk in jou lewe en in jou lewenswandel. Hoe is dit moontlik om te wandel in die heiligheid van God? Hoe is dit moontlik om heilig te lewe?
- ’n Heilige lewe vereer God.
- ’n Heilige lewe is ’n gehoorsame lewe aan God.
- ’n Heilige lewe is ’n lewe in en deur ons Here Jesus Christus.