Gereformeerde Kerk Centurion

Die webtuiste vir die Gereformeerde Kerk Centurion.

Kategorie: Preke (Page 79 of 192)

God word verheerlik deur die dra van baie vrugte

September 26, 2022 /

Skriflesing: Joh 15:1-8
Teksvers: Joh 15:1,8

Jesus Christus vergelyk Homself hier ’n wingerdstok. Trouens, Jesus sê: “Ek is die ware wingerdstok...” Maar daarmee saam vergelyk Jesus ons as Christene met die lote, die takke van die wingerdstok. 

’n Tak kan nie uit homself leef nie, maar verkry sy voedsel van die wingerdstok. Die gevolg is dat die takke of lote moet vrugte dra. Dit is nie of ons die takke wil vrugte dra nie, hulle moet vrugte dra anders word hulle gesnoei, afgesny en mee vuur gemaak. 

  • God die Vader is die boer. 
  • Jesus Christus is die wingerdstok. 
  • Ons is die lote wat moet vrugte dra. 

Dra mekaar se laste en vervul die wet

September 26, 2022 /

Skriflesing: Galasiërs 5:13-6:10
Teksvers: Galasiërs 6:2 en 9

Moenie moeg word om te doen wat goed is nie. Hierdie woorde klink vir ons so gepas in ons eie omstandighede waar niks eintlik meer wil werk soos dit moet nie. Dit het die norm geword om toe te gee aan wêreldse praktyke, nie omdat jy korrup is nie, maar omdat jy genoodsaak word om te oorleef. In so baie opsigte raak ons uitgeput met al die onreg en al die wanbestuur, dat ‘n mens moeg en moedeloos word om dinge reg te probeer doen. 

Ons staan vanoggend stil by die vrug van die Heilige Gees, en die oproep om te leef deur die Gees. 

Gedenk die rusdag, en dink aan jou verlossing

September 19, 2022 /

Skriflesing: Eksodus 20:8-11;
Deuteronomium 5:12-15
Teksvers: Eksodus 20:8
HK Sondag 38

Gedenk die rusdag, en onderhou die rusdag, dit is die onderskeid in die 40 jaar van die woestyn. Gedenk die rusdag, want God het op die 7de dag gerus, maar so ook moet jy hierdie herdenking bly onderhou in die beloofde land. Want Israel was ‘n slaaf in Egipte. Dink dan aan jou verlossing, en gedenk die HERE se werke.

So kan ons ook op die rusdag gedenk en onderhou, dat ons van die slawerny van die sonde vrygemaak is om God te dien. Kom dan na die Nagmaal, om te gedenk, om te dink aan jou verlossing…

Wat ‘n ervaring!!

September 19, 2022 /

Skriflesing: Psalm 34 (Verw 1 Sam 21:12-15)
Teksvers: Psalm34:9

Ter voorbereiding van die prediking en Nagmaalviering is dit nogal nodig dat jy rustig dink oor hoe goed die Here al vir jou was. Miskien moet jy soos Dawid ‘n bepaalde insident in gedagte roep.

Dawid verwys hier na die episode by die stadspoorte van die Filistynse koning Agis (sy ampstitel was Abimeleg), waarvan ons kan lees in 1 Samuel 21. In die tyd van die vervolgings deur koning Saul het Dawid baie sulke noue ontkomings beleef. Die Here het hom uit gevare en benoudheid gered en dit het hom ‘n bepaalde ervaring van sy God gegee.

« Older posts Newer posts »

© 2026 Gereformeerde Kerk Centurion

Theme by Anders Noren — Up ↑