Kategorie: Preke (Page 52 of 192)

Vorm en inhoud

September 25, 2023 / admin

Skriflesing: Genesis 49 (1953); Jesaja 8: 23
Teksvers: Genesis 49: 21

Ons staan stil by die seënspreuk van Jakob oor sy twaalf seuns. Jakob is hier op sy sterfbed en spreek profeties die seën uit oor wat met die nageslag gaan gebeur. Op hierdie stadium het Jakob immers homself reeds bekeer van sy jeugdige sondes en kan hy nou ten volle gehoorsaam aan die Here net uitspreek wat God wil.

Daar is egter die groot hartseer dat sy seënspreuke ook straf uitdeel en ernstige waarskuwings gee. Wie daarna luister sal egter ook by die evangelie van genade sal uitkom.

Geen wonder dat Jakob in die middel van sy spreuke bid:

Op u verlossing wag ek, HERE! (vers 18)

Die hemele geopend

September 18, 2023 / admin

Skriflesing: Esegiël 1:1-3;(2020); Handelinge 7:44-61
Teksvers: Handelinge 7:55-56
HK: Sondag 19

Die dieptepunt van ons belydenis handel oor die lyding van Christus, maar die hoogtepunt van ons belydenis gaan oor die verhoging van ons Middelaar aan die regterhand van ons hemelse Vader, vanwaar Hy weer sal kom as Regter om te oordeel.

Daar is egter iets geweldig belangrik wat ons moet verstaan met betrekking tot hierdie koms van ons Here uit die hemele en sy terugkeer daarheen. Ons staan vanaand by die Nagmaal stil rakende die hemele wat geopen is.

Die liturgie: Geseënd oppad!

September 18, 2023 / admin

Skriflesing: Ps 134 (1983); I Kron 9:33 en 23:30; Num 6:22-27
Teksvers: Psalm 134

Ons sluit vandag die reeksprediking oor die Liturgie van ons Eredienste af met die die laaste moment voordat ons weer oppad is huistoe: Ons gaan geseënd hiervandaan.

Reeds vroeg in die die Bybel lees ons dat die Here die opdrag aan Aäron gee om as priester die volk namens God self te seën (Num 6:22-27). Die geroepe en bevestigde dienaars van die Here het dus die groot voorreg en verantwoordelikheid om dit gereeld te doen. So stuur die liturgie ons elke Sondag weg onder die seënende hand van die Here.

Dit is dus nodig dat u weer die praktyk om op hierdie stadium van die liturgie u oë biddend te sluit sal heroorweeg. Die priester-leraar staan voor u met sy hande omhoog en spreek die seën oor u uit in die Naam van die Almagtige en Drie-Enige God van die hemel en aarde. Dit is nie ‘n gebed nie. U is dus veronderstel om aan hierdie simboliese handeling deel te neem deur op te kyk en die seën te ontvang. (Hier is geen voorskrif nie, maar miskien moet u hierdie wonderlike oomblik van ons liturgie net weer ernstig oordink ).

Soos die slang verhoog is in die woestyn

September 11, 2023 / admin

Skriflesing: Numeri 21:1-10, Johannes 3:1-21(2020)
Teksvers: Johannes 3 Vers 13-15
HK: Sondag 18

Nie net staan ons Here Jesus op uit die dood om daarmee die dood en die mag van die Satan volkome te verbreek nie. (HK So 17) Hy vaar ook op na die hemel.

Elke jaar vier ons die hemelvaart op die 40ste dag na die Paasfees. Wat beteken hierdie verhoging van ons Here Jesus Christus?

Hy self verklaar dit aan Nikodemus aan die hand van die gebeurtenis uit Numeri 21…soos die slang verhoog is in die woestyn.

Die liturgie: Die opneem van ons liefdesgawes

September 11, 2023 / admin

Skriflesing: II Samuel 9 lees ook II Sam 4 en 5 (1983)
Teksvers: II Sam 9 vers 13

Ons kom immers nie na die Nagmaal omdat ons onsself sondeloos of volmaak ag nie, maar omdat ons, ons saligheid buite onsself in Christus soek. Daarom kan ons seker wees dat God ons in genade aanneem en waardig maak om deel te hê aan die hemelse spys en drank… so lees (vir my) die mooiste sin in die Nagmaalsformulier!

So moes die arme Mefiboset ook maar gevoel het toe hy met vrees en bewing na die paleis van koning Dawid gegaan het en tot sy verbasing aan die koning se tafel kon aansit… elke dag! En dit nogal dieselfde Dawid wat nie juis ooghare gehad het vir die kreupeles nie (I Sam 5:6-8). So bewys God se genade aan sy kinders en dit teen alle verwagting in!

Nie tevergeefs nie!

September 4, 2023 / admin

Skriflesing:1 Kor 15 (1983)
Teksvers:1 Kor 15:1,14,58
HK: Sondag 17

In ons tyd is die aanslag teen die kerk van Christus veral gerig op die waarheid van die Woord. Die gewoon historiese waarheid. So ook die vraag of Jesus werklik uit die graf opgestaan het. Verskeie argumente word gewoonlik tot vervelens toe geopper.

Die interessante van die Woord is dat dit al in Paulus se dae ‘n vraag was, en dat Paulus nie die historiese bevraagteken nie, (wel eenvoudig bewys), maar dat hy wel daaroor bekommerd is of ons dit werklik wel glo. Daarsonder is alles, ook jou geloof totaal tevergeefs.