Kategorie: Preke (Page 50 of 187)

Die Lam is Lofwaardig

Augustus 7, 2023 / admin

Skriflesing: Openbaring 4:1-5:14 (2020)
Teksvers: Openbaring 5:11-13

Musiek ontroer die siel. Dit streel die snare van die hart. Maar wat is dit tog om musiek te maak of ‘n lied te sing wat nie tot lof van God die Almagtige is nie? Aan die ander kant is die vraag: wat is die reaksie op die ontmoeting van die kerk met die Almagtige? Deur die eeue heen hoor ons hoe mense spontaan in lofliedere uitjubel oor die groot en magtige werke van die Here.

So kan die kerk ook in die erediens sing! Ons kan die lof van God besing. Lofwaardig is die Lam.

Die Naam van die HERE red

Julie 31, 2023 / admin

Skriflesing: Handelinge 3:1-26
Teksvers: Handelinge 3:6 en 16
HK: Sondag 11

In ‘n naam sit baie meer as net ‘n persoon se herkenning. Ons onthou nie eens altyd mense se name wat ons ontmoet nie. Ander name kan ons weer nie sommer vergeet nie.

As dit egter kom by die Naam van die HERE, dan is dit baie duidelik dat daar iets uitsonderlik aan die HERE se Naam is. Sy Naam is gekoppel aan Sy wese. Die Naam van die HERE beskryf sy Persoon. So leer ons die HERE ken as “Ek is”.

Vanaand staan ons stil by ons belydenis van die Naam Jesus, wat Verlosser beteken.

Die Liturgie: Die Groetseën

Julie 31, 2023 / admin

GOD SE GENADE GEE VIR ONS VREDE

Skriflesing: Openbaring 1:1-11(1983)
Teksvers: Openbaring 1:4-5

Die Here gebied sy seën oor elke leser van sy Woord, veral die luisteraars van die boek Openbaring. Dis die WIL van GOD dat ons uit sy seënende Vaderhand moet lewe.

Maar ook elke Sondag weer kan u kom en Sy seën kom haal en huis toe, werk toe of skool toe neem. Elke Sondag gee die Here God aan sy gesalfde diensknegte die taak en voorreg om sy ryke seën van genade en vrede van God aan die gemeente uit te deel.

Wil u dus sy geseëndes wees, kom haal dan elke Sondag die seën van die Here waar Hy dit ruim en onvoorwaardeklik aan u uitdeel in die heilige ontmoeting van die erediens en gaan leef u oorwinnaarslewe vanuit sy genade en in sy vrede!

Ons lewe in Pottebakkershande

Julie 24, 2023 / admin

Skriflesing: Jeremia 18:1-23 (2020)
Teksvers: Jeremia 18:6
HK: Sondag 9/10

Soos klei in die hande van die pottebakker, so is die kinders van die Here in sy hande. Hierdie troosvolle woorde laat ons tog ook diep nadink oor alles wat soms in ons lewe gebeur. Die reën en droogte, die goeie en die slegte. God is al die tyd besig om ons te vorm en te maak wat ons moet wees.

Ons staan vanaand stil by die beeld uit Jeremia waardeur die Here ons ook prakties leer hoe ons in Sy vaderlike sorg moet leef en op Hom moet vertrou.

Die Liturgie: Die Votum

Julie 24, 2023 / admin

Skriflesing: Psalm 124 (2020); Romeine 8:31-34
Teksvers: Psalm 124:8 (2020)

Ons begin vandag met ‘n reeks preke oor die liturgie wat tydens eredienste in die gerefomeerde kerke gebruik word. Alhoewel die liturgiese orde sinodaal vasgestel word, is die bedoeling geensins dat dit elke Sondag identies hoef te wees nie. Die vryheid word aan die liturg oorgelaat en aanpassings in die orde mag selfs help dat alles nie net stereotiep (en dalk effe doods) raak nie.

Die erediens neem sy aanvang met die uitspreek van die VOTUM. ‘n Latynse word wat dui op ‘n verklaring aan die begin van die samekoms. Letterlik beteken die Latynse woordjie “votum” iets soos verklaring, begeerte, gebed of verlange. Met hierdie kort verklaring verlang ons die teenwoordigheid van die Here en konstitueer ons die heilige samekoms in sy Naam.

In die oordeel van God vind ons rus en vrede

Julie 17, 2023 / admin

Skriflesing: Ester 9:1 – 10:3
Teksverse: Ester 9:20-22

In die laaste hoofstukke van die boek Ester breek die oordeelsdag aan. Die 13de Desember is die dag van die Pur, die lot van Juda! Maar die HERE het die lot verander sodat die oordeel oor Juda ‘n oorwinning word. So word die geskiedenis van Ester vir ons ‘n vooruit wysing na die groot dag van die HERE, die Jom Jahwe, die oordeelsdag waarop elke mens voor die troon van God sal staan. Dit is juis in daardie oordeel van God wat ons rus en vrede vind.