Kategorie: Preke (Page 3 of 161)

Die nuwe lewe in Christus: (4) Die Lewe is Aanbidding

Oktober 29, 2024 / admin

Skriflesing: Numeri 6:1-27 (2020)
Teksvers: Numeri 6:2-4

Sommige mense reken om te lewe is om alles te doen en alles te besit wat jou hart begeer. Op die oog af lyk dit begeerlik en op die oor klink dit reg, maar in die hart bly dit leeg. Indien jy egter nie van beter weet nie, sal dit nie ‘n slegte ambisie wees nie.

Die Here se Woord leer ons egter dat die lewe baie meer is as wat ons besit. Dit gaan oor wie ons is. Dit is makliker gesê as om te doen. Om so te leef dat jou hele lewe aanbidding is.

Daarvoor het die Here ‘n uitsonderlike gelofte toegelaat, die van Nasireërskap. ‘n Vrywillige toewyding aan die Here as voorbeeld van ‘n lewe van aanbidding.

Elke môre Nuut

Oktober 21, 2024 / admin

Skriflesing: Klaagliedere 3:1-33 (2020)
Teksvers: Klaagliedere 3:21-23

Daar is daaglikse aanvegtinge wat ons gedurig moet oorkom. Soos Jeremia kan ons soms geweldig moedeloos en uitgeput raak, en opgee in die lewe.

As ons op eie kragte moet steun, sal ons maklik verval in totale mislukking, soos Jesaja vermeld, selfs jong manne struikel en val in hulle fleur. Ons vertroue moet egter nie in onsself wees nie, maar in ons Maker. Daarin vind Jeremia hoop. Nie in sy eie behoud nie, maar in God se getrouheid. Dit is elke môre nuut!

Dissiplines van ‘n heilige lewe: (3) Voortdurende gebed

Oktober 21, 2024 / admin

Skriflesing: Matteus 7:7-11 (1983)
Teksvers: Matteus 7:7-11

Om in ‘n verhouding met die Almagtige te staan is natuurlik een massiewe groot voorreg. Net die feit dat Hy Homself aan ons bekend maak is al ‘n bonatuurlike wonder. Dat ons Hom mag leer KEN en dat Hy deur ons geKEN wíl wees is een en al genade. Daarom moet ons gereeld bid.

Dis nie net ‘n voorreg nie. Dit is ook ‘n opdrag van God. Ons teks bied ‘n reeks van drie bevele (imperatiewe) rakende gebed.

God wil dat ons met geestelike dissipline in gebed volhard en so hierdie intieme verhouding (verbond) van Vader en kind onderhou en uitleef.

Jongmens, onthou wat jy geleer het

Oktober 14, 2024 / admin

Skriflesing: 2 Timoteus 3 (1983)
Teksvers: 2 Tim 3:14,15

As leraars word ons gereeld geskok oor ons eie jongmense se afvalligheid van die geloof. Soms selfs ongeloof en direkte opstand teen die heilige dinge van God!

Die duiwel gaan rond soos ‘n brullende leeu om te verslind. Laat ons mekaar opskerp en aanmoedig om waaksaam te wees. Dink veral aan ons jongmense…

Bid vir ons jongmense wat ‘n geweldige aanslag van die Bose moet trots eer.

Die Versoeker het sy oog op ons jeug wat die vryheid soek. Soms ontaard hierdie vryheid in losbandigheid.

Vanaand se erediens sluit dus aan by die belydenisklas-kamp wat hierdie naweek plaasvind: “onthou wat jy geleer het…”

ŉ Nuwe lewe in Christus (2): Om God te ken is die lewe

Oktober 14, 2024 / admin

Skriflesing: 2 Timoteus 3:10-4:5; Handelinge 8:26-40 (2020)
Teksvers: 2 Timoteus 3:16,17

Van brood alleen sal die mens nie leef nie, maar van elke Woord wat uit die mond van God gaan. Nie net skep God deur sy Woord nie, Hy herskep. Hy bring lewe uit die dood. God se Woord is die wonderlikste denkbare geskenk wat enige mens kan ontvang. Dit is die lewe self.

Daarom moet God se Woord vir ons kosbaar wees, dit moet ons lewe omsluit. Dit moet ons asemhaling wees om God te ken. Deur God se Woord ken ons Hom, spreek Hy tot ons, bestaan ons.

Vanoggend dink ons na oor die wyse waarop Christene God se Woord hulle hele lewe vervul en rig.

Heilig, Heilig, Heilig is die Here

Oktober 7, 2024 / admin

Skriflesing: Openbaring 4:1-11 (2020)
Teksvers: Openbaring 4:8

Slegs twee maal in die Skrif vind ons ‘n drie-dubbele herhaling van dieselfde woord as lofsang. Dit is die engele wat God se lof besing in die visioen van die profeet Jesaja, sowel as hier in Openbaring rondom die troon van God in die visioen van Johannes.

Ons staan vanaand stil by die lofsang en die betekenis van hoe ons as heiliges ‘n nuwe lied kan sing: heilig, heilig, heilig is die Here.