Kategorie: Nuwe Testament (Page 85 of 130)

Nagmaal wys na die Leeu en die Lam

Maart 27, 2021 / admin

Skriflesing: Openbaring 5:1-14
Teksvers: Openbaring 5:5,6

“Toe sê een van die ouderlinge vir my: “Moenie huil nie. Kyk, die Leeu uit die stam van Juda, die Afstammeling van Dawid, het die oorwinning behaal en kan die boek met die sewe seëls oopmaak”.

Toe het ek voor die troon wat omring was deur die vier lewende wesens, tussen die troon en die ouderlinge, ‘n Lam sien staan, die Een wat geslag was. Hy het sewe horings en sewe oë gehad. Die sewe oë is die sewe Geeste van God, wat oor die hele aarde uitgestuur is.”

Om die wêreld te oorwin

Maart 27, 2021 / admin

Skriflesing: 1 Johannes 5; Joh 16:33; Op 12:10-11 en Op 21:5-8
Teksvers: 1 Johannes 5:4

Onthou u ons jaartema? Meer as oorwinnaars…! Onthou u die sg. Griekse godin van oorwinning: Nike of Nika? Daardie Griekse woordjie van ons tema? In die twee verse van vandag staan hierdie woordjie vier keer geskrywe. Johannes, die apostel van die liefde, is die een skrywer wat die meeste konsentreer op die konflik van die geloof versus die wêreld, en die een wat hierdie Griekse woordjie (nika: oorwin, victory) die meeste gebruik.

Liefde vra immers vir oorgawe en toewyding, en dit vra vir keuses en veroorsaak noodwendig konflik.

Hoe kan ek en jy ook die wêreld oorwin?

Daar is blydskap in die hemel oor elke-een wat sy geloof bely!

Maart 20, 2021 / admin

Skriflesing: Luk 15:1-7
Teksvers: Luk 15:7

Belydenis van Geloof en Nagmaal

Vanaand is daar groot vreugde…

Eerstens is daar volwassenes wat belydenis van hul geloof doen en een wat gedoop word. Tweedens gaan ons as gemeente weer na ’n jaar die Heilige Nagmaal vier.

Ons moet dit nie gering skat as mense wil deel word van die Kerk van die Here nie. Dit is so belangrik dat Jesus selfs in ’n gelykenis aan ons leer dat ons die nege-en-negentig ander skape moet los om die een te soek wat verlore is. Los beteken natuurlik nie in die wildernis nie, maar onder toesig en ordelik moet los.

Daarom moet ons vanaand die Here opnuut loof en prys dat ons letterlik hierdie vreugde beleef om nuwe broeders en susters te verwelkom en die heilige nagmaal saam met hulle te vier.

Jesus Christus is ons Amen

Maart 12, 2021 / admin

Skriflesing: Openbaring 5:1-14
Teksvers: Openbaring 5:13-14
HK Sondag 52

Ons gebruik die woordjie “Amen” so maklik en sonder werklike begrip van die betekenis wat dit dra. Dit is ‘n eg Bybelse woord en tog word dit erken in die wêreld. Want amen is meer as net ‘n woord. Dit is ook ‘n Persoon. In Openbaring 3:14 staan daar: “Dit sê die Amen, die getroue en waaragtige Getuie…”

As die Jesus self in gesprek was het Hy telkemale sy sin begin met: “Amen, Amen Ek sê vir julle…” Daar is baie meer aan hierdie woordjie om jou gebed mee af te sluit.

Ons staan vanaand stil by die doksologie van die gebed met die tema: Jesus Christus is ons

Amen.

Ons ontrou teenoor God se getrouheid! Die grootste troos van genade! GOD BLY GETROU!

Maart 12, 2021 / admin

Skriflesing: 2 Tim 2:1-13
Teksvers: 2 Tim 2:13; Psalm 33:4,5

Ons sterkte lê nie in ons eie krag, of óns groot geloof nie. Ons sterkte lê in Jesus Christus Dit gaan oor die onverdiende genade wat God aan ons gee deur Jesus Christus. Daarom moet ons in harmonie met ons medegelowiges saamleef. Ons het die wonderlike belofte van genade. God se genade aan ons is onverdiend aan ons gegee. Hierdie wonderlike genade dien tot ‘n ontsettende groot troos vir elke Christen. Dit klink asof hierdie laaste drie verse voorwaardelik is vir redding. Nee, die teendeel is juis waar, vanweë ons geloof uit genade is ons bevoorreg om te weet dat God is altyd getrou. Ons gaan na drie sake kyk:

Ons lewe deur Jesus Christus.
Ons regeer deur Jesus Christus.
Ons leef vanweë Jesus Christus se getrouheid.

Verloën jy Jesus of wen jy die geestelike stryd met ‘n Oorwinningsperspektief?

Maart 6, 2021 / admin

Skriflesing: Luk 22:1-71; 1-6; 14-23; 31-34; 47-53; 54-62
Teksvers: Luk 22:3-6; 21-23; 31;47,48; 60-62
HK Sondag 52

Judas Iskariot, self ‘n dissipel op sy tyd en Petrus, self ‘n lieflings-dissipel, verloën onse Here Jesus Christus. Dit is ‘n bewys van die skrikwekkende sondemag.

Weens die sonde is ons in ‘n ononderbroke geestelike stryd teen die Satan, die sonde en ons eie vlees gewikkel. Ons moet nie een oomblik ons waaksaamheid verslap nie, want ons verkeer gedurig in die versoeking.

Daarom dat ons Here Jesus Christus ons ook geleer het om te bid:….

“Lei ons nie in versoeking nie, maar verlos ons van die Bose.”