Kategorie: Nuwe Testament (Page 81 of 130)
Skriflesing: Openbaring 1:1-3
Teksvers: Openbaring 1:1-2
Ons word soms so maklik mislei deur opskrifte wat nie in die Bybel staan nie. Dink bv. aan die Bybelboek Openbaring wat algemeen bekend staan as die Openbaring van Johannes. Tog staan daar iets heeltemal anders in die eerste verse: die Openbaring van Jesus Christus…
Ons wil vir die volgende paar weke fokus op die Sendingsopdrag soos dit deur die Skrif aan die lig kom met betrekking tot ons taak as kerk om sending te doen en bo dit alles, die ware Sendeling, God self. God stuur Jesus Christus om te openbaar wat gou gaan gebeur, deur die sending van die engel, wat aan Johannes te kenne gee, wat aan sy diensknegte bekend maak.
Dit is die Sending van God, die Missio Dei. Amen
Skriflesing: Mat 5:1-12; Ps 34
Teksvers: Mat 5:3; Psalm 34:9-11
Dikwels is ons so selfvoldaan oor wat ons bereik en vermag het. Hetsy of dit in my werk, gesin, finansieel of selfs kerklik is. So maklik om in gemaksugtigheid te leef.
Hoe wil God hê moet ons hieroor dink?
- Selfvoldaanheid voor God
- Afhanklikheid van God
- Goedheid van God
Skriflesing: Johannes 21:1-25
Teksvers: Johannes 21:15-17
Simon, het jy my lief? Hierdie bekende driedubbele liefdesverklaring van Petrus teenoor Jesus gee die loënaar kans om sy driedubbele ontkenning reg te stel. Selfs nadat die Here drie keer aan Simon verskyn het, en hy self ook teenwoordig was by Thomas se belydenis, gaan vang hy maar vis, eerder as om uit te gaan en die evangelie te verkondig.
So maklik word ons roeping verduister in ons eie bekommernisse. So maklik gebeur dit dat ons deur onsekerheid en vrees wegdeins van dit wat ons weet ons werklik moet doen… Daarom vra die Here Jesus ook vir jou vanoggend: “Het jy My waarlik lief?” Amen