Kategorie: Nuwe Testament (Page 74 of 129)

Verhoog tot ons voordeel en tot sy eer!

Oktober 4, 2021 / admin

Skriflesing: Johannes 3, Efesiërs 4, Filippense 2
Teksvers: Johannes 3:13-15; Efesiërs 4:9-10

Ons behandel vandag die neerdaling en verhoging van die Here Jesus Christus.

Hy is die lydende Messias, maar deur lyding gaan Hy tot heerlikheid. Deur sy hellevaart (wat sy hele lewe geduur het, maar veral aan die einde in die Godverlatenheid aan die kruis – Sondag 15 en 16) het Hy stelselmatig neergedaal in die smarte wat oor ons moes kom. Dit het Hom die vervloekte kruis en onregverdige veroordeling tot die dood gekos! Daarmee het Hy ons daarvan verlos maar ook vir ons ‘n deurbraak gemaak wat niemand anders kon of sou kon doen nie.

Daarom is Hy verhoog sodat elke knie sal buig en elke tong bely dat Hy die Here is. Hy en Hy alleen!

Verwag ontsettende lyding, maar vertrou altyd op God!

Oktober 4, 2021 / admin

Skriflesing: 1 Petrus 4:12-19
Teksvers: 1 Petrus 4:19

Elke kind van God wat gehoorsaam en heilig voor God lewe, verduur lyding vanweë hulle christenskap. Dit is omdat mense die evangelie en God teenstaan, weerstaan en verwerp. Dit is die lyding waarvan daar gepraat word in die voorafgaande deel van Petrus. Maar in hierdie gedagte-eenheid wat ons gelees het, hoor ons van die vurige lyding wat die hele of volle kerk van die Here sal tref. Dit is nie net persoonlike swaarkry en lyding nie, maar ’n offisiële lyding van die owerhede wat oor die hele kerk sal kom, maar natuurlik ook persoonlik oor elkeen.

Ons gaan na vier sake kyk:

Verwag lyding. 1 Petr 4:12

Verbly jou in lyding. 1 Petr 4:13-14

Verstaan jou lyding. 1 Petr 4:15-18

Vertrou jou lewe in jou lyding aan God toe. 1 Petr 4:19

God beskerm diegene wat op Sy plan vertrou

Oktober 1, 2021 / admin

Skriflesing: Handelinge 23:12-23
Teksvers: Handelinge 23:16

Hoofpunte:

Die duiwel se plan.
God se plan.
My vertroue in God se plan.
“Maar die seun van Paulus se suster het gehoor van die plan om hom voor te lê en kaserne toe gekom en dit vir Paulus gaan vertel.”

Die Here Jesus gee waarlik om vir sy kinders se swaarkry

Oktober 1, 2021 / admin

Skriflesing: Openbaring 14 (ook 11-13); Hand 7:55; Jes 3:13; Psalm 82
Teksvers: Openbaring 14:1

In die bose dae van hierdie wêreld moet die kerk sy doel en taak steeds voluit uitleef, naamlik om God te aanbid en goeie getuies vir Hom te wees.

Die wêreld maak dit egter nie makliker nie en bring dit hartseer en swaarkry en lyding vir die kerk van die Here.

Die voorgestelde PEPUDA-wetgewing gaan dinge onder andere redelik ernstig ongemaklik vir ons maak. Natuurlik is dit nie iets vreemds wat met ons gebeur nie (1 Petrus 4:12). Die kerk van die Here moet dit elke dag te wagte wees en ook daarvoor voorberei (Joh 16:33).

Die troos vandag is egter dat die Here Jesus, wat op sy ewige troon sit, regtig vir sy kerk omgee en vir sy kinders in hulle nood bystaan en optree.

Oordenking 27 September

September 27, 2021 / admin

1 Petr 3v3,4

Sondelose, as sondaar behandel, sodat sondaars kan lewe

September 20, 2021 / admin

Skriflesing: 2 Kor 4:16-5:21
Teksvers: 2 Kor 5:21
HK Sondag 15 + 16 Vr en antwe. 37,40,42

Die boodskap van versoening dui die grond van ons verlossing aan. Jesus Christus het ons met God versoen deur die toorn van God oor die sonde in ons plek te dra. Dit is die boodskap wat vir ons verlossing bring. Jesus se versoeningsdaad is die rede hoekom Hy vir ons betaal het sodat ons die ewige lewe kan hê.

Jesus Christus was en is sonder sonde.
Jesus Christus is as sondaar behandel.
Jesus Christus is die rede hoekom ons kan lewe