Kategorie: Johannes (Page 6 of 14)

Skriflesing: Joh 1:19-34; Heb 12:1-3; Op 5:1-7; Job 42:5
Teksvers: Johannes 1:29

Die apostel Johannes het die doel om ons daarop te wys dat Jesus die beloofde Messias is. En as hy hom dan sien dan is daar hierdie opwinding in sy “stem”… Hy laat die Doper spreek: KYK! Kyk daar!
Hy roep ons op om die wonder van sy genade nie mis te kyk nie. Die Man van Nasaret, die seun van die timmerman, die mens Jesus, IS die Een wat in staat is om die onmoontlike te doen. Die beloofde een. Daar is net EEN, en dáár is HY! Kyk!
So by die Paasfees kan ons juis die wyse van die wêreld opgaan en Hom heeltemal miskyk!
Sien jy Hom ook raak?
Wys Hom dan aan hulle wat nog nie sien nie.

Skriflesing: Johannes 3:1-21
Teksvers: Johannes 3:14-16

Die sakramente is daar om ons geloof te versterk. Want sonder geloof, kan ons nie tot God nader nie. So baie mense in die moderne wêreld verloor hulle geloof. Moderne wetenskap maak dit skynbaar irrelevant om te glo. God se bestaan word betwyfel en met alles wat geld kan koop, is geloof boonop oorbodig. 

Ons geloof is egter uiters kosbaar, en ons moet dit nie as vanselfsprekend beskou nie. Immers, geloof red. 

Skriflesing: Joh 19:28-37
Teksvers: Joh 19:28

Jesus Christus was waarlik dors as mens. Na drie ure duisternis en van God verlate, was Hy verskriklik dors. Hy wou nie die pyn-verdowende asyn-wyn drink nie, omdat Hy die volle toorn van God moes dra.

Hierdie dors is reeds van geprofeteer in Ps 22:16 waar ges  is sy tong kleef aan sy verhemelte. Maar die dors het ook ‘n geestelike kant gehad en dit het ons gesing uit Ps 42:1. Jesus was ontsettend dors, dors na die vrede en ewige heerlikheid by God.

Daarom is dit so belangrik dat ons daaruit sal leer:

• Is jy dors?
• Les jou dors!
• Les jou dors verniet

Skriflesing: Joh 14:15-31
Teksvers: Joh 14:27

Vrede is ‘n baie gelade woord in die Bybel. Dit beteken baie meer as die afwesigheid van onmin, bakleiery of oorlog. Trouens hierdie vrede in ons Skrifgedeelte kom van Jesus Christus af. Jesus het dit aan ons gegee as ‘n geskenk, as ‘n gratis geskenk aan ons. 

Daarom gaan ons na drie sake kyk: 

• Vrede laat Christus vir ons na. 
• Vrede gee Christus aan ons. 
• Vrede van Christus is besonders.