Kategorie: Johannes (Page 7 of 15)

My Here en my God!

Mei 2, 2022 / admin

Skriflesing: Johannes 20:26a
Teksvers: Johannes 20:19‑31; Matteus 14:22‑33; Lukas 7:18-23

“Agt dae later…” Joh 20:26a

Mens kan nogal wonder wat alles in daardie agt dae gebeur het. Ons lees eintlik net van hierdie een saak.

Maar dit moes nogal gegons het in die stad Jerusalem. Die graf was leeg, daaroor was daar geen twyfel nie. Die bewyse was daar, dat Jesus nie gesteel is nie, nie weggedra is nie, en nie net sommer verdwyn het nie. Die dissipels het Hom gesien! Hy het aan hulle in persoon verskyn! Hulle het die gate in sy hande gesien…

Dan kom Thomas in die prentjie; “My Here…!” Op die keper beskou is hierdie belydenis die uitsluitlike doel van die Evangelie van die apostel Johannes. Wat is jou belydenis?

Sien jy Hom raak… die Lam van God?

April 15, 2022 / admin

Skriflesing: Joh 1:19-34; Heb 12:1-3; Op 5:1-7; Job 42:5
Teksvers: Johannes 1:29

Die apostel Johannes het die doel om ons daarop te wys dat Jesus die beloofde Messias is. En as hy hom dan sien dan is daar hierdie opwinding in sy “stem”… Hy laat die Doper spreek: KYK! Kyk daar!
Hy roep ons op om die wonder van sy genade nie mis te kyk nie. Die Man van Nasaret, die seun van die timmerman, die mens Jesus, IS die Een wat in staat is om die onmoontlike te doen. Die beloofde een. Daar is net EEN, en dáár is HY! Kyk!
So by die Paasfees kan ons juis die wyse van die wêreld opgaan en Hom heeltemal miskyk!
Sien jy Hom ook raak?
Wys Hom dan aan hulle wat nog nie sien nie.

Geloof red

Maart 14, 2022 / admin

Skriflesing: Johannes 3:1-21
Teksvers: Johannes 3:14-16

Die sakramente is daar om ons geloof te versterk. Want sonder geloof, kan ons nie tot God nader nie. So baie mense in die moderne wêreld verloor hulle geloof. Moderne wetenskap maak dit skynbaar irrelevant om te glo. God se bestaan word betwyfel en met alles wat geld kan koop, is geloof boonop oorbodig.

Ons geloof is egter uiters kosbaar, en ons moet dit nie as vanselfsprekend beskou nie. Immers, geloof red.

Die vyfde kruiswoord—“Ek is Dors.”

Maart 14, 2022 / admin

Skriflesing: Joh 19:28-37
Teksvers: Joh 19:28

Jesus Christus was waarlik dors as mens. Na drie ure duisternis en van God verlate, was Hy verskriklik dors. Hy wou nie die pyn-verdowende asyn-wyn drink nie, omdat Hy die volle toorn van God moes dra.

Hierdie dors is reeds van geprofeteer in Ps 22:16 waar ges is sy tong kleef aan sy verhemelte. Maar die dors het ook ‘n geestelike kant gehad en dit het ons gesing uit Ps 42:1. Jesus was ontsettend dors, dors na die vrede en ewige heerlikheid by God.

Daarom is dit so belangrik dat ons daaruit sal leer:

Is jy dors?
Les jou dors!
Les jou dors verniet

Oordenking 10 Maart

Maart 10, 2022 / admin

Joh 3v16 Kan ek seker wees dat ek die ewige lewe sal beërf

Die vrug van jou gedagtes

Februarie 21, 2022 / admin

Skriflesing: Jer 6:1-30; Mat 5:17-20; Joh 14
Teksvers: Jer 6:16,19; Mat 5:20; Joh 14:6,15-17

Kruispaaie

Jou gedagtes bepaal meestal jou handelinge en jou keuses. Die vrug wat jy dra is deel van jou gedagte-wêreld.

Daarom word jou lewe dikwels bepaal volgens wat jy glo, dink en dan doen. Want elke dag van jou lewe moet jy keuses maak.

Daar is kruispaaie. Sommige paaie loop draaie en is nie reguit nie, ander paaie is reguit. So leer die Skrif ons ook dat daar ’n nou pad en ’n breë pad is. Die nou pad is die pad wat na die ewige lewe lei. Die breë pad lei na die verderf.