Kategorie: Johannes (Page 5 of 14)

Kom kyk!

Oktober 3, 2022 / admin

Skriflesing: Johannes 1:29-52
Teksvers: Johannes 1:47

Elke mens het gereeld vernuwing in sy/haar lewe nodig. Dis waarom ons weggaan met vakansies of dalk gaan toer. Ons hou nie van die stagnasie van die gewone daaglikse dodelike roetines nie.

So ook ons geestelike lewe. Bekering vra immers verandering en soms terugkeer, om weer vorentoe te kan gaan. Jy moet in beweging kom. Daar moet aksie en beweging wees as jy deel is van die dinamiese koninkryk van Jesus Christus wat kom.

Die krag en energie wat jou in beweging kan bring is net Jesus Christus self deur die kragdadige werking van die Heilige Gees. Stagneer jy of vorder jy?

God word verheerlik deur die dra van baie vrugte

September 26, 2022 / admin

Skriflesing: Joh 15:1-8
Teksvers: Joh 15:1,8

Jesus Christus vergelyk Homself hier ’n wingerdstok. Trouens, Jesus sê: “Ek is die ware wingerdstok...” Maar daarmee saam vergelyk Jesus ons as Christene met die lote, die takke van die wingerdstok.

’n Tak kan nie uit homself leef nie, maar verkry sy voedsel van die wingerdstok. Die gevolg is dat die takke of lote moet vrugte dra. Dit is nie of ons die takke wil vrugte dra nie, hulle moet vrugte dra anders word hulle gesnoei, afgesny en mee vuur gemaak.

God die Vader is die boer.
Jesus Christus is die wingerdstok.
Ons is die lote wat moet vrugte dra.

Oordenking 19 Mei

Mei 19, 2022 / admin

Sonder My kan julle niks doen nie Joh 15v5 Ds Gerrit Kruger

Oordenking 16 Mei

Mei 16, 2022 / admin

Jesus bid vir ons! Joh 17v9 Ds Gerrit Kruger

Aangenome kinders van die Koning!

Mei 10, 2022 / admin

Skriflesing: Joh 1:1-14; I Joh 3:1-10; Joh 3:1-8
Teksvers: Johannes 1:12,13
HK Sondag 13

As ons in HK Sondag 13 bely dat Jesus die “Eniggebore” Seun van God is, dan het dit opsigself niks te make met sy menswording nie. Dit is nie ‘n belydenis aangaande sy geboorte in Betlehem toe Hy mens geword het nie! Dat Hy die “Eniggeborene” is (vgl Jh 3:16) dui op sy oorspronklike en ewige afkoms: Hy is uit die Vader “gebore”. Die geloofsbelydenis van Nicea bely dan: “…gebore nie gemaak nie, één in wese met die Vader, deur wie alles tot stand gekom het”.

Wat uit ‘n mens gebore is, is mens. Wat uit ‘n dier gebore is, is dier. Maar… wat uit die Vader gebore is, is God, self God, soos God die Vader self. En Jesus Christus is die ENIGSTE ene wat só die egte Seun van God is en dus van ewigheid af self God is. Hy gaan uit van die Vader. Hy en die Vader is een (Joh 10:30). Athanasius: ”Hy is God uit die wese van sy Vader, voor alle tye gegenereer…” .

As ons dus deur die wedergeboorte kinders van God geword het is ons sy “aangenome” kinders!

My Here en my God!

Mei 2, 2022 / admin

Skriflesing: Johannes 20:26a
Teksvers: Johannes 20:19‑31; Matteus 14:22‑33; Lukas 7:18-23

“Agt dae later…” Joh 20:26a

Mens kan nogal wonder wat alles in daardie agt dae gebeur het. Ons lees eintlik net van hierdie een saak.

Maar dit moes nogal gegons het in die stad Jerusalem. Die graf was leeg, daaroor was daar geen twyfel nie. Die bewyse was daar, dat Jesus nie gesteel is nie, nie weggedra is nie, en nie net sommer verdwyn het nie. Die dissipels het Hom gesien! Hy het aan hulle in persoon verskyn! Hulle het die gate in sy hande gesien…

Dan kom Thomas in die prentjie; “My Here…!” Op die keper beskou is hierdie belydenis die uitsluitlike doel van die Evangelie van die apostel Johannes. Wat is jou belydenis?