Gereformeerde Kerk Centurion

Die webtuiste vir die Gereformeerde Kerk Centurion.

Kategorie: Preke (Page 1 of 165)

Jesus se lyding roep jou op tot opoffering en diens in Sy koninkryk

Maart 24, 2025 /

Skriflesing: Matt. 20:17-28 (2020)
Teksvers: Matt. 20:22,23

Hoofpunte: 

1. Die lyding van Jesus. 

2. Die ambisie van die mens. 

3. Die opoffering van die gelowige. 

“Jesus het geantwoord: “Julle besef nie wat julle vra nie. Kan julle die beker drink wat Ek moet drink?” Hulle antwoord Hom: “Ons kan.” Hy sê vir hulle: “Julle sal inderdaad my beker drink, maar om aan my regterhand en my Linkerhand te sit, is nie vir My om te beskik nie. Daardie plekke behoort aan hulle vir wie my Vader dit voorberei het.”” 

Matt. 20:22,23 

Vrede vir Hierdie Huis

Maart 24, 2025 /

Skriflesing: Lukas 10:1-24 (2020)
Teksvers: Lukas 10:20-21

Jesus gee 70 dissipels die opdrag om uit te gaan en die evangelie te verkondig. Hulle moet verkondig dat die koninkryk van die hemele naby is. Die reaksie is merkwaardig, selfs die duiwels onderwerp hulle en die dissipels is tot oorlopens toe bly. 

Tog sê ons Here Jesus dit is nie iets om oor bly te wees nie. Baie maal kan ons vergeet dat ons werklik moet bly wees om die evangelie met vrede in ons huis te ontvang. 

Wat maak jou bly? Waaroor jubel jy hierdie jaar? Jubel dan dat die koninkryk van die hemele naby is en mag daar vrede vir jou huis wees! 

Halleluja! Gelukkig is jy wat gaan deel hê aan die bruilofsfees van die Lam

Maart 17, 2025 /

Skriflesing: Openbaring 19:1-10(2020)
Teksvers: Openbaring 19:7, 9

Openbaring 19:1-10 fokus op die bruilofsmaal van die Lam waarby ons betrokke sal wees as “die bruid” en as “die uitgenooide gaste”. Deur die nagmaalsfees wat ons vandag hier op aarde vier, word ons herinner en aangespoor om uit te sien na die vreugdevolle bruilofsfees van die Lam wat nog voorlê in die toekoms. Ons onthou en glo, deur ons deelname aan die nagmaal, dat Jesus Christus vir ons geoffer is as Lam tot versoening met die Vader en tot verlossing van ons sondes. Ons sien uit na die heerlike bruilofsfees wat met die wederkoms van Jesus Christus gevier sal word. 

Mag jou hart en gedagtes vol wees met die drie maal herhalende en vreugdevolle “Halleluja’s” van Openbaring 19:1 – 4. Jesus Christus, kom. Hou dan bestendig vas aan die Here Jesus se reddende, verlossende, versoenende en genadige offer as Lam van God. Halleluja! Jesus Christus het die oorwinning betaal. Hy het die prys ten volle betaal. Nou wag ons op die bruilofsfees van die Lam wat nog sal kom. 

Die HERE is my Beker en Erfdeel

Maart 17, 2025 /

Skriflesing: Psalm 16:1-11 (2020) 
Teksvers: Psalm 16:5 

Die meeste van ons het ‘n testament wat ons erflating beskryf. Maar het u al ooit gedink wat gaan jy erf as jy doodgaan? 

Ja, natuurlik is daar vir elke gelowige kind van die Here ‘n erfenis wat “onverwelklik, onbesmet en onverganklik” is soos beskryf in 1 Petrus 1. Hierdie erfenis is nie iets nie, dit is Iemand. Dit is die Here self. Hy is ons erfdeel. Daarom kan Dawid so heerlik getuig en bly wees, want hy erf die Here. 

Daar is egter ‘n tweede beskrywing wat Hiermee saamgaan: die Here is sy Beker. Ons wil vanoggend hieroor nadink, wat beteken dit om die Here as beker te ontvang… 

Leeutemmer: Mag die Koning Ewig Leef!

Maart 10, 2025 /

Skriflesing: Daniël 6:1-29 (2020) 
Teksvers: Daniël 6: 6, 11, 21-22 

Watter eienskappe kenmerk jou lewe? Is jy iemand wat saggeaard is, of dalk baie geduldig? Daniël was gekenmerk as iemand wat onberispelik is in sy werk, niemand kon ‘n vinger na hom wys nie, maar hy het een “swakpunt” gehad. 

Sy lewe was ‘n volkome toewyding in geloof aan die lewende God. Dit is juis waaroor die verbitterde politici hulleself troos, dat hulle Daniël kan te na kom, omdat hulle weet sy geloof is onwrikbaar. 

Ons staan vanaand stil by die getuienis van Daniël se lewe as leeutemmer. 

Die Here roep tot verootmoediging voor Hy ’n bevryder stuur

Maart 10, 2025 /

Skriflesing: Rigters 6:1-10 (2020)
Teksvers: Rigters 6:8a

Israel was op hierdie stadium so oorweldig deur hulle vyande dat ’n normale lewe nie moontlik was nie. Die Here het dit oor hulle laat kom as gevolg van hulle sondes. Toe hulle om bevryding uit hierdie nood bid, stuur die Here nie dadelik ’n bevryder nie, maar eers ’n profeet. Hy kom ook nie met die goeie nuus van bevryding nie, maar met ’n bestraffing oor hulle sondes. So wys die Here ons dat Hy bekering voor bevryding wil hê. Daarom moet ons, voordat ons die nagmaal-fees van vergewing van sondes deur Jesus Christus geniet, eers ter voorbereiding besin oor ons sondes. 

« Older posts

© 2025 Gereformeerde Kerk Centurion

Theme by Anders Noren — Up ↑