Gereformeerde Kerk Centurion

Die webtuiste vir die Gereformeerde Kerk Centurion.

Etiket: Sondag 42

Waar jou skat is, daar is ook jou hart 

Mei 20, 2024 /

Skriflesing: Matteus 6:19-34 (2020) 
Teksvers: Vers 31-33 
HK: Sondag 42 

Moenie skatte op aarde bymekaar maak nie. Ons ken hierdie bekende refrein. Moenie net vir hierdie wêreld lewe nie. In die bergrede hoor ons hoe ons Here Jesus sy dissipels onderrig, waar die belangrike dinge van die lewe gevind moet word. 

Nie in die aansien en oë van die wêreld nie, maar in die behae van God. So leer die 8ste gebod ons ook om God te vertrou met ons daaglikse versorging, sonder om ons plig na te laat. 

Ons staan vanaand stil by die tema: waar jou skat is, daar sal jou hart ook wees. 

Die Goue Reël

November 14, 2022 /

Skriflesing: Matteus 7:1-14
Teksvers: Matteus 7:12
HK Sondag 42

Die opdrag van ons teksvers het mettertyd in die kerk bekend geraak as die Goue Reël van die lewe: 

“Alles wat julle wil hê dat die mense vir julle moet doen, doen ook so vir hulle”. 

Hierdie teksvers is dan ook die eerste en vernaamste Skrifverwysing by die verklaring van die Agste Gebod (Hk Son 42). Laat ons bietjie dieper nadink oor hierdie goue reël wat ons by Jesus leer en probeer dan nadink of Hy ons Leermeester hierdie reël self onderhou het! 

Ons grootste skat is ons rykdom in God

November 27, 2020 /

Skriflesing: Lukas 12:13-21
Teksvers: Lukas 12:20-21
HK Sondag 42

Om te steel is so deel van ons alledaagse lewe dat ons al gewoond geraak het daaraan. Ons sien en hoor en ervaar hoe diefstal elke dag oor die nuus uitbasuin word. Nie net hoe die land se koffers kaal gestroop word deur korrupsie nie, maar ook die fisiese daad van roof. Ons huise het tronke geword om diewe en rowers uit te probeer hou.

Diefstal strek baie verder as net om iemand te beroof deur hulle besittings te neem. Soms kan ons steel sonder om iets te vat. Ons steel met die oë, ons steel met die mond. Ons steel tyd, ons steel eer, ons steel liefde en omgee. Ons kan immers die Here besteel deur die gawes wat Hy gee vir onsself te gebruik.

Ons staan vanaand stil by die tema: ons grootste skat is ons rykdom in God. Amen

Laai af

Dit is saliger om te gee as om te ontvang

Oktober 21, 2017 /

Skriflesing: Handelinge 20
Teksvers: Handelinge 20:35
HK: Sondag 42

In die Heidelbergse Kategismus Sondag 42 word daar stilgestaan by die negatiewe en die positiewe van die agtste gebod. In Handelinge 20:35 hoor ons die positiewe geïnspireerde woorde van die agtste gebod. Dit gee ‘n gelowige groter vreugde om te gee as om te ontvang. Net deur die werk van die Heilige Gees kan die selfgesentreerde ingesteldheid oor besittings verbreek word. Die wat in Jesus Christus glo, ontvang die genade om na ander te wil uitreik en ander te wil help. Jesus Christus se voorbeeld van gee in plaas van vat, word ook vir die Christene moontlik gemaak.
Mag jy die genade ontvang om die positiewe van die agtste gebod daagliks uit te lewe.

Laai af

© 2025 Gereformeerde Kerk Centurion

Theme by Anders Noren — Up ↑