Gereformeerde Kerk Centurion

Die webtuiste vir die Gereformeerde Kerk Centurion.

Etiket: Sondag 38

Sondag weer tyd vir nadenke

Maart 18, 2024 /

Skriflesing: Deut 5:12-15 (1983) 
Teksvers: Deut 5:15 

Moses herhaal die Wet of Tien Gebooie hier aan die nuwe geslag wat in die woestyn oorleef het. Hulle moet nadink oor waar hulle vandaan kom. 

As ons vandag deur Woord (ore) en Sakrament (oë) herinner word aan ons afkoms en verlede, dan behoort dit ons te bring by ware aanbidding. 

Miskien moet ons ons net weer bekeer oor watter plek die Sondag in ons lewe en weeklikse roetine inneem, sodat ons nie fokus verloor deur al die ander wêreldse aanbiedinge op Sondae nie. 

Gedenk die rusdag, en dink aan jou verlossing

September 19, 2022 /

Skriflesing: Eksodus 20:8-11;
Deuteronomium 5:12-15
Teksvers: Eksodus 20:8
HK Sondag 38

Gedenk die rusdag, en onderhou die rusdag, dit is die onderskeid in die 40 jaar van die woestyn. Gedenk die rusdag, want God het op die 7de dag gerus, maar so ook moet jy hierdie herdenking bly onderhou in die beloofde land. Want Israel was ‘n slaaf in Egipte. Dink dan aan jou verlossing, en gedenk die HERE se werke.

So kan ons ook op die rusdag gedenk en onderhou, dat ons van die slawerny van die sonde vrygemaak is om God te dien. Kom dan na die Nagmaal, om te gedenk, om te dink aan jou verlossing…

Wie nie wil werk nie, mag nie eet nie

Mei 8, 2021 /

Skriflesing: 2 Tessalonisense 3:1-18 
Teksvers: 2 Tessalonisense 3:10 
HK Sondag 38 

Elke jaar gedenk ons op die 1ste Mei Werkersdag. Dit is nogal ironies dat Werkersdag ‘n vakansiedag is. Gegewe dat ons land ‘n geweldige hoë werkloosheidskoers het, maak dit eintlik nie sin nie. Waarom sal ons dan nie wil werk op Werkersdag as daar soveel mense sonder werk sit nie? 

Ons kyk vanaand na die 4de gebod in die lig van God se bedoeling van rus en werk met die tema: wie nie werk nie, mag nie eet nie… Amen 

SONDAG, DIE DAG VAN DIE HERE – ‘n RUSDAG, ‘n FEESDAG

Oktober 31, 2020 /

Skriflesing: Eks 20:8-11; Psalm 92
Teksvers: Ps 92:1,2,14 (Eksodus 20:8-11)
HK Sondag 38

Die Sabbatsgebod reël die mens se weeklikse roetine. Ses dae werk en een dag rus. So was dit van die begin af. Ja, selfs voor die gee van die Tien Gebooie was dit reeds die reël! (Eksodus 16 – die sewende dag was daar geen manna nie).

Die mens wat as die beeld van God gemaak is, ontvang dus hierdie reël van sy God. Op die sewende dag het God sy werk voltooi deur te rus. Die rus was die kersie op die koek! God laat Hom nie rusteloos voortjaag nie. Hy wil ook dat die mens in ‘n bepaalde roetine kom, en so nie ‘n slaaf van die dolle gejaag van die tyd word nie.

Het jy nog tyd vir die Here? Die Sondag wat in die plek van die Sabbat gekom het, is juis die dag waarop jy en ek kan rus, weer tot verhaal kan kom, om na te dink en weer van Hom te leer hoe ons Hom in die week moet dien!

Laai af

© 2025 Gereformeerde Kerk Centurion

Theme by Anders Noren — Up ↑