Gereformeerde Kerk Centurion

Die webtuiste vir die Gereformeerde Kerk Centurion.

Kategorie: Preke (Page 91 of 192)

God se geskenk aan ons!

Mei 10, 2022 /

Skriflesing: 2 Petrus 1:1-15
Teksvers: 2 Petrus 1:3,5-7

Wie deur genade geloof van God ontvang het, is skatryk. Daarom moet ons elke dag alles in die stryd werp om die sekerheid van ons geloof te versterk, deur entoesiasties ons geloof te verryk. Om ons geloof te verryk het ons WARE KENNIS van God nodig. Geestelike groei gebeur nie vanself nie. Dit vra onderwerping aan God se wil en werk in God se genade. Daarom is hierdie sewe eienskappe nie eienskappe soos sewe krale aan ‘n string nie maar dit vorm alles deel van een geheel. Soos wat een eienskap groei en toeneem word die ander terselfdertyd beoefen en groei jy ook daarin. So vorm dit een geheel.

  1. Wat die ware KENNIS van God en Jesus Christus is.
  2. ‘n Ware geloof het geestelike groei tot gevolg.
  3. Sewe eienskappe van ‘n godvrugtige lewe

Bekering kom uit alle oorde deur die verkondiging van die evangelie

Mei 2, 2022 /

Skriflesing: Handelinge 16:11-40 

Ons as kerk is ’n eenheid in Christus. Ons het almal ’n gemeenskaplike geloof in Hom en Sy verlossings dade. Hoe ons tot geloof gekom het, is egter nie iets wat elkeen van ons in gemeen het nie. Wanneer daar ondersoek ingestel word oor hoe elkeen tot bekering gekom het tot die christelike geloof, sal dit interessant wees om te vind dat almal se paadjie nie presies dieselfde geloop het nie. Dit gebeur verskillend en nie vir almal in gelyke mate nie. 

In hierdie Skrifgedeelte gaan ons kyk na die bekering van drie persone. Die van ’n vrou, ’n slavin en ’n soldaat. 

My Here en my God!

Mei 2, 2022 /

Skriflesing: Johannes 20:26a 
Teksvers: Johannes 20:19‑31; Matteus 14:22‑33; Lukas 7:18-23 

“Agt dae later…” Joh 20:26a 

Mens kan nogal wonder wat alles in daardie agt dae gebeur het. Ons lees eintlik net van hierdie een saak. 

Maar dit moes nogal gegons het in die stad Jerusalem. Die graf was leeg, daaroor was daar geen twyfel nie. Die bewyse was daar, dat Jesus nie gesteel is nie, nie weggedra is nie, en nie net sommer verdwyn het nie. Die dissipels het Hom gesien! Hy het aan hulle in persoon verskyn! Hulle het die gate in sy hande gesien… 

Dan kom Thomas in die prentjie; “My Here…!” Op die keper beskou is hierdie belydenis die uitsluitlike doel van die Evangelie van die apostel Johannes. Wat is jou belydenis? 

In die Naam van die Here Jesus Christus!

April 25, 2022 /

Skriflesing: Kol 3:1-17
Teksvers: Kol 3:11b, 17

Kol 3:17
“En wat julle ook al sê of doen, sê en doen dit alles in die Naam van die Here Jesus en dank God die Vader deur Hom.”

Hierdie is ’n oorkoepelende opdrag wat ons van Jesus Christus ontvang het. Om alles in die Naam van Jesus Christus te doen, vra van ons om ons christenskap uit te leef op elke gebied. Dit beteken dat ons nie net christene genoem word nie, maar dat ons dit in die Naam van die Here Jesus Christus moet leef. Om daarom in die Naam van Jesus te leef beteken eerstens dat ons met Hom identifiseer en dat Hy ons identiteit is. Tweedens beteken sy Naam gesag. Dit is daarom in sy Naam dat ons mag bid tot ons Vader. Derdens om in sy Naam te bid of te lewe is om absoluut aan Hom die eer toe te bring vir wie en wat ons is.

Daarom dank ons God altyd vir ons Here Jesus Christus wat ons Hoof is van die kerk.

« Older posts Newer posts »

© 2026 Gereformeerde Kerk Centurion

Theme by Anders Noren — Up ↑