Die webtuiste vir die Gereformeerde Kerk Centurion.
Skriflesing: Job 7:1-21 (2020)
Teksvers: Job 7:12
Ons almal is goed bekend met die persoon van Job. Die man wat alles verloor het omdat hy die Here getrou gedien het.
Ons onthou ook vir Job as die persoon wat so swaar gely het en tog getrou gebly het en nooit God gevloek het nie.
Vanoggend wil ons stilstaan by ‘n besondere vreemde vraag wat Job aan God vra:
Is ek ‘n see of ‘n walvis?
Skriflesing: Job 12:1-25
Teksvers: Job 12:18 en 22
HK Sondag 31
Job worstel met die onreg wat hy moet verduur. Sy vriende probeer hom vertroos deur te wys dat God hom straf vir sy sonde en hy homself moet bekeer. Dan sal God genade bewys. Hierdie worsteling laat ook by ons die vraag, hoe word die hemel vir ons ontsluit?
Is die geheim van die lewe, om God te vrede te stel en dan toegang te kry tot sy genade?
Ons staan vanaand stil by die Heidelberger met die laaste vraag oor ons verlossing: Hoe word die hemel vir ons oop gesluit?
Skriflesing: Job 34:1-37
Teksvers: Job 34:10-12
HK: Sondag 4
Is God nie onregverdig deur van ons as mense te verwag om in liefde te leef as ons van nature geneig is om God en ons naaste te haat? As God dan ‘n God van liefde is, waarom wil Hy die sonde straf? Is my lewe reg voor God, en sal God my ook straf vir my sondes?
Baie gelowiges worstel met hierdie lewensvrae, net soos Job. Hy was oortuig dat God hom onregverdig behandel en laat swaar kry sonder dat hy dit verdien…
Ons staan vanaand stil by die dieptepunt van ons belydenis oor ons sondeskuld dat God regverdig is om ons sonde te straf.
Skriflesing: Job 1:1-2:10; Job 19:25,26,27; Job 42:1-6
Teks: Job 1:20,21 & 19:25-27
In donker dae is die Here steeds in beheer. Ons lewe in ‘n gebroke wêreld en die duiwel sal ons beproewings wil omdraai in versoekings! Job se lewe val op een dag in stukke, en tog kry hy die genade om sy oog op God gerig te hou. Sy dieptepunt in lyding word ‘n hoogtepunt in geestelike groei.
Skriflesing: Job 3:1-26
Teksvers: Job 3: 20-23
Soms voel dit asof die Here ons bo ons kragte beproef. Dit voel soms te swaar om die laste van die lewe te dra. So het Job ook geworstel met die verskriklikste beproewings wat sy lewenspad met absolute afgryse vervul het. Selfs Job se vrou hits hom aan om God te vloek en te sterf, maar by alles het Job nie teen God gesondig nie.
Ons staan vanoggend stil in ons verootmoediging as ons naspeur oor die rede hoekom daar soms swaar beproewinge oor ons lewenspad kom, by die lewe van die man uit Us wie se naam was Job, met die tema: God se getrouheid is die anker van ons hoop. Amen
Skriflesing: Job 34:10-30
Teksvers: Job 34:10b
Ons lees in 1 Kor 8:1:
1983 “Kennis maak verwaand, maar liefde bou op.”
1953 “Die kennis maak opgeblase, maar die liefde stig.”
NIV “But knowledge puffs up while love builds up.”
Dit is so belangrik om kennis te hê van onsself, ons eie sonde en ellende en hoe God daarmee handel en wat ons daaromtrent moet doen.
Dit handel hier oor die Regverdige Oordeel van God oor die mens. Job het aanhou sê dat hy onskuldig is. Job wou homself teenoor God handhaaf. Hy het al daarmee begin toe hy sy geboortedag vervloek het. Daar was redenasies met God en raad van sy drie vriende, maar uiteindelik het hulle stilgebly voor God.
Ons gaan na drie sake kyk:
1 God is nie onregverdig nie.
2 God straf die sonde.
3 God is barmhartig EN regverdig.
© 2025 Gereformeerde Kerk Centurion
Theme by Anders Noren — Up ↑