Kategorie: Romeine (Page 1 of 7)

Uit Hom, Deur Hom, Tot Hom, Aan Hom

Januarie 19, 2026 / admin

Skriflesing: Romeine 11:33-36 (2020)
Teksvers: Romeine 11:36

Ons jaartema kom uit die loflied van Romeine 11 dat alle dinge uit God voortkom, dat alles deur Hom gemaak en onderhou word, en dat alle dinge tot Hom bestaan. Hierin sien ons die volkomenheid van die werk van die drie-enige God.

Die Vader is die begin en die oorsprong van alle dinge. Uit Hom het alles wat bestaan voortgekom. Deur die Seun is alle dinge geskep, en word alles onderhou.

So ook rig die werk van die Heilige Gees alle dinge tot God in heiligmaking. Die gevolg: Aan Hom is al die eer en heerlikheid tot in ewigheid.

Herstelde siening van verlossing

Junie 23, 2025 / admin

Skriflesing: Romeine 8 (1983)
Teksvers: Romeine 8:1.31

Die sieklike narsisme van die duiwel wil steeds die indruk laat dat ons in die stryd van die geloof tussen hemel en hel hang… Dis asof hy ‘n gelykstaande mededinger is om ons siele. Hy maak sy eie naam groot om ons die idee te gee dat hy die gelyke mededinger van God is.

Dit is ‘n flagrante leuen waarvan ons deur hierdie wonderlike teks van vandag bevry word!

God bewerk ewige vrede by Hom en toegang tot Hom in Christus

Maart 31, 2025 / admin

Skriflesing: Romeine 5: 1-11 (2020)
Teksvers: Romeine 5: 1-2

Vrede by God en toegang tot Hom. Wat beteken hierdie woorde? Het ons hier bloot te make met ‘n vredevolle gevoel omdat ons deur Christus verlos is?

Paulus se gebruik van die woordjie ‘vrede’ strek veel dieper in hierdie gedeelte. En wat beteken dit dat ons toegang het tot God? Hoekom is dit besonders?

Ons staan nie altyd daarby stil dat ‘vrede en toegang‘ tot God iets is wat ons nie van nature het nie. Paulus wys ons egter hierop. Verder verwys hy ook met klinkklare logika hoe hierdie terme vir ons vastheid en vrymoedigheid in ons verlossing gee.

Die Heilsorde (8): Die Verheerliking!

September 30, 2024 / admin

Skriflesing: Romeine 8, Open 21 en 1 Kor. 2:9
Teksverse: Rom. 8:18

Regverdiglik Vrygespreek

Augustus 26, 2024 / admin

Skriflesing: Jona 3:10-4:11; Romeine 3:1-31 (2020)
Teksvers: Jona 4:1-3; Romeine 3: 23-24

Ons het gesien die werk van God in ons verlossing is nie net uitsonderlik nie, maar ook uiters noodsaaklik. Hy is die Een wat ons roep, wat deur die Heilige Gees die geloof in ons wek tot ‘n nuwe lewe deur wedergeboorte. Daarby moet ons deur geloof vasgryp aan God se genade en ons hartgrondig bekeer. Deur geloof, word ons vrygespreek.

Ons kyk vanaand na die betekenis van vryspraak, of regverdiging van die sonde in die lewe van Jona en die groot stad Nineve en die wyse waarop ons deel kry aan die geregtigheid van God.

Wil jy betaal of wil jy ‘n geskenk ontvang?

Junie 24, 2024 / admin

Skrifgedeelte: Romeine 6:15-23
Teksverse: Vers 22 en 23

Die Here Jesus het gesê dit is saliger om te gee as om te ontvang. Daarmee het Hy bedoel dat ons groter vreugde vind in wat ons uitdeel as wat ons kry. Vir ons as mense is dit baie maal anders, ons wil eerder geskenke ontvang as om dit uit te deel. Wanneer dit egter kom by ons verlossing, moet ons fyn oordeel tussen hierdie twee aspekte, veral as dit kom by die oordeel van God oor die sonde. Ons stel vanaand verder ondersoek in oor die betekenis van ons nuwe lewe in Christus.