Kategorie: Nuwe Testament (Page 2 of 112)

Dissiplines van die nuwe lewe (7): Jou daaglikse getuie-wees vir Christus!

November 18, 2024 / admin

(Rome is toe nie die einde van die wêreld nie!)

Skriflesing: Handelinge 1; Jesaja 49:6 (1983)
Teksvers: Hand 1:8; Jes 49:6; Hand 29

Vandag doen 14 kinders en 4 volwassenes Openbare Belydenis van hul Geloof. Ons vier hierdie heuglike dag saam met hulle en hul geliefdes terwyl onsself terugdink aan daardie besondere dag in ons eie lewe toe ons ons geloof in Jesus Christus openlik bely het.

Handelinge 1:8 se opdrag en bedoelings eindig nie by die laaste verse van die boek nie… Rome is nie die einde van die wêreld nie!

So is belydenis-aflegging nie die einde van ‘n pad nie, maar slegs ‘n mylpaal langs die pad na volkome gehoorsaamheid aan ons roeping en taak as gelowiges in hierdie wêreld.

Mag die Here ons almal weer aanspoor tot dissipline in ons getuienistaak, om as sy geroeptes en gestuurdes die Evangelie se lig wyd en syd te laat skyn… tot aan die uiteindes van hierdie wêreld!

Dienende leierskap (servant leadership)

November 11, 2024 / admin

Skriflesing: Matteus 8:1-18 (1983)
Teksvers: Mat 8:1

Die groot versoeking as ons kom by leierskap is die misbruik van mag en gesag. Daar is ‘n sieklike honger na mag en die gevolglike misbruik daarvan in ons wêreld, en dit raak al die terreine van ons samelewing.

Jesus kom stel vir ons die hoogste eise van sy koninkryk (Bergrede Mat 5-7), maar dan is Hyself ook bereid om Hom aan daar die eise te onderwerp en ware diens te lewer.

Hy het immers gesê :

“En elkeen wat onder julle die eerste wil word, moet julle dienskneg wees; net soos die Seun van die mens nie gekom het om gedien te word nie, maar om te dien en sy lewe te gee as ‘n losprys vir baie.” (Mat 20:27-28)

Ons word geroep tot gemeenskap met Christus

November 4, 2024 / admin

Skriflesing: 1 Korintiërs 1:1-9 (2020)
Teksvers: 1 Korintiërs 1:9

Ware gemeenskap is meer as net die woord Koinonia. Van die begin af, toe God die mens geskep het, het Hy reeds in gemeenskap met Homself geleef as Vader, Seun en Heilige Gees. Die skepping van die mens was om in hierdie gemeenskap met God te deel. Deur die sonde is hierdie gemeenskapsverhouding met God tot niet, en skynbaar onherstelbaar verbreek.

Deur Jesus Christus word ons geroep tot ware gemeenskap met God.

Die Lof van die Here vul die ewigheid

Oktober 29, 2024 / admin

Skriflesing: Openbaring 14:1-5 (2020)
Teksvers: Openbaring 14:1-2

Die hemel is gevul met almal wat Hom loof en prys. Dag en nag word sy lof besing en sy heerlikheid en eer geprys. Dit is so besonderse taak, dat dit die volheid van die werk omvat van almal wat in die hemel is. Die lof van God vul die ewigheid.

Dit is die lof waarvoor ons voorberei om saam met al die heiliges te mag deel. Dit mag ons reeds hier op aarde doen. Ons lofsange begin reeds hier op aarde en duur tot in ewigheid.

Jy my siel, loof jy Hom bowenal!

Dissiplines van ‘n heilige lewe: (3) Voortdurende gebed

Oktober 21, 2024 / admin

Skriflesing: Matteus 7:7-11 (1983)
Teksvers: Matteus 7:7-11

Om in ‘n verhouding met die Almagtige te staan is natuurlik een massiewe groot voorreg. Net die feit dat Hy Homself aan ons bekend maak is al ‘n bonatuurlike wonder. Dat ons Hom mag leer KEN en dat Hy deur ons geKEN wíl wees is een en al genade. Daarom moet ons gereeld bid.

Dis nie net ‘n voorreg nie. Dit is ook ‘n opdrag van God. Ons teks bied ‘n reeks van drie bevele (imperatiewe) rakende gebed.

God wil dat ons met geestelike dissipline in gebed volhard en so hierdie intieme verhouding (verbond) van Vader en kind onderhou en uitleef.

Jongmens, onthou wat jy geleer het

Oktober 14, 2024 / admin

Skriflesing: 2 Timoteus 3 (1983)
Teksvers: 2 Tim 3:14,15

As leraars word ons gereeld geskok oor ons eie jongmense se afvalligheid van die geloof. Soms selfs ongeloof en direkte opstand teen die heilige dinge van God!

Die duiwel gaan rond soos ‘n brullende leeu om te verslind. Laat ons mekaar opskerp en aanmoedig om waaksaam te wees. Dink veral aan ons jongmense…

Bid vir ons jongmense wat ‘n geweldige aanslag van die Bose moet trots eer.

Die Versoeker het sy oog op ons jeug wat die vryheid soek. Soms ontaard hierdie vryheid in losbandigheid.

Vanaand se erediens sluit dus aan by die belydenisklas-kamp wat hierdie naweek plaasvind: “onthou wat jy geleer het…”