Die webtuiste vir die Gereformeerde Kerk Centurion.
Skriflesing: Lukas 15:1-32 (2020)
Teksvers: Lukas 15:32
1. Die lewe by die Vader is vir ware kinders die hoogste skat.
Die oudste seun redeneer slaafs en ken nie die vreugde van ʼn lewe by sy pa nie.
2. Wie self ʼn ring van die Vader aan die vinger het, is verheug as familie tuiskom.
Die oudste seun praat van “pa se seun”. Sy woorde verraai hom!
3. Bekering moet volg as ek my skat nie na waarde ken nie.
Jesus vertel nie wat die oudste seun se reaksie was toe sy pa hom gevra het om in te kom nie.
Skriflesing: Levitikus 25 (1983)
Teksvers: Levitikus 25:2, 23; Lukas 4:19
Vyftig jaar gelede, op 1 Junie 1975 het die gemeente afgestig van GK Lyttelton. Aanvanklik was ons naam GK Verwoerdburg-Noord wat later aangepas is by die tydsomstandighede. Die GK Centurion kyk hierdie jaar terug op 50 jaar van genade uit die hand van ons Here en Herder, Jesus Christus, die Hoof van sy kerk.
Ons begin vandag die tema verstaan soos dit aan Israel voorgeskryf is deur Moses by die berg Sinai: Die hoofsaak gaan oor herstel en verlossing wat in die koninkryk van God ons toekom. Mag hierdie jaar een wees van bekering en geloof en vrede in God.
Skriflesing: Lukas 2:1-20 (2020)
Teksvers: Lukas 2:13-14
Hierdie hartroerende lofsang van die engele by die aankondiging van ons Here Jesus Christus se menswording bly iets wat ons verbeelding aangryp. Hierdie gebeurtenis is iets ongewoon, dit gebeur nie elke dag nie. Inteendeel, die hele skepping het asem opgehou vir hierdie oomblik, en nou bars dit uit in lofsange. Die engele begelei die ganse skepping in hierdie loflied. Eer aan God in die hoogste hemele, vrede op aarde, in die mense ‘n welbehae.
Skriflesing: Lukas 8:26-39 (2020)
Teksvers: Lukas 8:39
Hoe verklaar ons die “oorwinning” van die bose in hierdie wêreld?
Kyk die Bose se “oorwinning” in die oë.
Die Bose se “oorwinning“: die mense stuur die Verlosser weg.
Jesus stuur:
Skriflesing: Lukas 19 (1983)
Teksvers: Lukas 19:5,10
Daar was jare gelede ‘n program ‘The Biggest Loser’ op TV waar die persoon wat die meeste gewig verloor het, na afloop van ‘n paar weke onder strawwe oefeninge, as die wenner aangewys word. Die grootste verloorder is die wenner!!
Dit laat my nogal aan die proses van bekering dink. Om die ewige lewe te beërwe moet mens eintlik jouself verloor! Kyk hoe wen Saggeus deur alles te verloor.
Ons onderskei vanaand dan ook tussen die aanvanklike bekering en die daaglikse bekering.
Skriflesing: Lukas 23 Efesiërs 1:3,4 (1983)
Dordtse Leerreëls: 1:1-6
Teksvers: Lukas 23:42,43
Dit sal nie verkeerd wees as jy die ergste dinge dink van die agtergrond van die twee manne aan die kruise langs Jesus, daardie dag buite die stadspoorte van Jerusalem nie. Hulle was regte misdadigers. Wrede en robuuste rowers en moordenaars. En dan eindig een van hulle nogal in die Paradys (die Hemel) saam met Jesus!
Dit is ‘n pragtige illustrasie van verlossing deur genade alleen. Die Bybel noem dit uitverkiesing of voorbeskikking (predestinasie) waardeur God sy kinders in pure genade en barmhartigheid red.
Vandag gaan ons na daardie vervloekte kruis in die middel kyk en sien hoe groot die genade van God werklik is, want daar is werklik geen onderskeid tussen die twee manne langs Jesus nie, behalwe die eerlike en erkenning belydenis van sonde… En dít met leë hande voor die troon van Jesus.
Hoe staan jy elke dag voor jou Verlosser?
© 2026 Gereformeerde Kerk Centurion
Theme by Anders Noren — Up ↑