Kategorie: Johannes (Page 7 of 13)

Skriflesing: Johannes 21:1-25 
Teksvers: Johannes 21:15-17 

Simon, het jy my lief? Hierdie bekende driedubbele liefdesverklaring van Petrus teenoor Jesus gee die loënaar kans om sy driedubbele ontkenning reg te stel. Selfs nadat die Here drie keer aan Simon verskyn het, en hy self ook teenwoordig was by Thomas se belydenis, gaan vang hy maar vis, eerder as om uit te gaan en die evangelie te verkondig. 

So maklik word ons roeping verduister in ons eie bekommernisse. So maklik gebeur dit dat ons deur onsekerheid en vrees wegdeins van dit wat ons weet ons werklik moet doen… Daarom vra die Here Jesus ook vir jou vanoggend: “Het jy My waarlik lief?” Amen 

Skrifgedeelte: Johannes 20:19-23, 21:1-14
Teksverse: Vers 21

Soos die Vader My gestuur (apostello) het, stuur (pempo) Ek julle ook…! Die Woordjie apostello is die woordjie wat ons ken as apostel. Dit beteken gestuurde. Jesus gebruik ‘n voltooide vorm van die werkwoord wat wys op die werk wat Hy reeds volbring het. Sy Vader het Hom gestuur/beveel en Hy het die werk gedoen/klaar gemaak. So gee Hy dan die opdrag aan die dissipels, dat hulle dieselfde opdrag verder gaan doen. Hulle word dan apostels.

Maar Petrus, Thomas en ‘n klompie ander dissipels stel nie belang om apostels te wees nie, hulle gaan terug na dit wat hulle ken, as vissermanne. Ons kyk na die sendingsopdrag met die oog op Jesus se hemelvaart en hoe Jesus ons ook stuur… Amen