Die webtuiste vir die Gereformeerde Kerk Centurion.
Skriflesing: Hebreërs 1:1-14
Teksvers: Hebreërs 1:8-9
Die Hebreërbrief beskryf aan ons die uitnemendheid van ons Verlosser en Koning, Jesus Christus. Vir die volgende klompie weke sal ons hierop fokus met ons aandag op hoe Jesus groter of meer uitnemend is as die engele, as Abraham, as Moses, as Josua.
Jesus Christus is ‘n ewige Koning en sy troon is ‘n ewige troon. Hoe lyk sy Koningskap en regering oor jou lewe?
Skriflesing: Heb 12:1-4; 1 Kor 9:24-27
Teksvers: Heb 12:1-3
As Paulus vandag geleef het, sou hy heel waarskynlik die sport-bladsye van die koerante elke dag gelees het. Want in baie van sy briewe gebruik hy die beeld van atlete, wedlope, oorwinning en hoe ‘n wedloop gehardloop moet word.
In ons teksverse skryf hy juis ook hoe ‘n atleet met volharding ‘n wedloop moet hardloop. Is jy besig met die geloofswedloop. Hierdie is nie ‘n fisiese wedloop nie, maar ‘n geloofswedloop. Dit het baie raakelemente met ‘n gewone wedloop maar verskil ook baie.
Maar daar is een groot gemeenskaplike faktor, VOLHARDING. Ons kan ook volharding vertaal met blydskap, aanhoudende volharding, om met blydskap nie op te hou om te probeer nie.
Skriflesing: Gen 30: 25-43; Gen 31 :1-17,41,42; Heb 11: 21; Psalm 121:1-5 (1Pet4:19)
Teksvers: Hebreërs 11:21(Gen 47:31)
Ai, die arme ou Jakob darem. Hy het vir homself soveel moeilikhede op die hals gehaal. Sy eie planne skelmstreke het hom niks anders as stres en sorge besorg nie en vir sy huisgesin nie goed gedoen nie. Die onreg van die skelmstreke teenoor hom gepleeg het dit nie juis makliker gemaak nie. Ons hoor dat die twintig jaar vir Laban vir hom tog ook moeilike tye was. Die teksgedeelte leer ons egter dat geen onreg teenoor hom gepleeg ooit God se oog ontgaan het nie. En vir God se kinders in die wêreld van onreg en korrupsie geld dit as ‘n troosvolle boodskap.
Nota: In Gen 47:31 lees ons dat Jakob in aanbidding buig oor die koppenent van sy bed., terwyl Heb 11 meld dat hy aanbid oor die knop van sy staf. Die verskil kom in Hebreërs wat aanhaal uit die LXX wat ’n ander lesing het as die MT van die Ou Testament. Die stamwoord is dieselfde, die klinkers verskil. (matê = staf en mitah = bed). Dit maak aan die wese van die saak geen verskil nie. In beide lesings gaan dit immers daaroor dat Jakob aan die einde van sy lewe/ in sy ouderdom ’n dankbare aanbiddende houding in onderwerping aan die wil van God ingeneem het.
Skriflesing: Hebreërs 1:1-2:4
Teksvers: Hebreërs 1:1
HK: Sondag 6
Is u van harte oortuig dat die Bybel die woord van God is? Is u seker dat dit wat in die Bybel staan die waarheid is? Want die wetenskap is so oortuig dat die Bybel eintlik maar ‘n boek vol feeverhale is! Dit is maar ‘n boek wat gaan oor menslike ervarings van ‘n bo-natuurlike krag wat hulle God noem! Dit is maar een boek soos baie ander, word beweer!
So geliefdes word die Woord van God vandag in twyfel getrek asof daar geen sekerheid kan wees dat hierdie woord werklik God se eie woord is nie. Want ons bely dat die Bybel nie maar net ‘n boek vol stories oor God is nie, maar God se eie Woord! En uit hierdie woord alleen kan ons die weg na Verlossing vind, Jesus Christus.
Skriflesing: Heb 10:1-20
Teksvers: Heb 10:8-10
Sonde is elke mens op aarde se grootste probleem. Dit maak nie saak van watter denominasie of geloof of oortuiging jy is nie. Die mens is van geboorte af ’n sondaar, en deur sy eie keuse bewys hy of sy dit.
Maar vandag kan elke ware, opregte Christen tog sê: “Ek is ’n verloste sondaar!” Maar om hulle sondes te erken, moes die mense van die Ou Testament offers gebring het, diereoffers, graanoffers, brandoffers en sondeoffers. Maar Jesus Christus is die eenmalige volmaakte offer.
Ons gaan na drie sake kyk:
© 2025 Gereformeerde Kerk Centurion
Theme by Anders Noren — Up ↑