Kategorie: Hebreërs (Page 1 of 6)

Hou jou oog op Jesus

November 25, 2024 / admin

Skriflesing: Hebreërs 12 (1983)
Teksvers: Hebreërs 12:1,2

Die lewe van die nuwe mens in Christus is soos ‘n wedloop wat volharding vereis.

Die wedloop van die geloof is egter nie ‘n resies, soos ‘n naelloop om te kyk wie eerste of die beste is nie. Dis veel eerder ‘n uitdagende en uitmergelende marathon, maar dan ŉ wedloop waarin ons gelukkig nie alleen hardloop nie.

Dink aan die skare om die baan of op die paviljoen wat jou aanmoedig, en dan boonop die ander gelowiges wat saam met jou hardloop en jou motiveer en aanpor. Nou moet ons net dissipline toepas en fokus! Fokus op Jesus want Hy is ook nog deel van die wedloop.

Trane sal nie help nie

Julie 29, 2024 / admin

Skriflesing: Gen 25:19-34; 27:27-41 Heb 11:20; 12:14-17 (2020)
Teksvers: Hebreërs 12:14-17

DL 1 par 15 beskryf dit so: Verder toon die heilige Skrif hierdie ewige en onverdiende genade van ons uitverkiesing baie duidelik aan en verkondig dit nadruklik aan ons. Dit getuig bowendien dat nie alle mense uitverkies is nie, maar dat sommige nie uitverkies is nie of in die ewige uitverkiesing van God verbygegaan is. God het besluit om hulle, na sy volkome vrye, regverdige, onberispelike en onveranderlike welbehae, in die gemeenskaplike ellende te laat bly. Daarin het hulle hulleself deur hulle eie skuld gestort. God het immers besluit om nie aan hulle die saligmakend~ geloof én die genade van die bekering te gee nie. Om sy geregtigheid te openbaar, het God besluit om hierdie mense aan hulleself oor te laat, hulle onder sy regverdige oordeel te laat bly en om hulle nie alleen oor hulle ongeloof nie, maar ook oor al hulle ander sondes te veroordeel en ewig te straf. Dit is die besluit van die verwerping, wat God hoegenaamd nie tot bewerker van die sonde maak nie, want dit sou ‘n godslasterlike gedagte wees. Inteendeel, dit sê juis dat God ‘n gedugte, onberispelike en regverdige Regter is wat die sonde straf.

Diepe ontsag vir God lei tot ware broederliefde

April 15, 2024 / admin

Skriflesing: Hebreërs 12 en 13 (1983)
Teksvers: Hebreërs 12:29

Ons staan hierdie kwartaal tydens aanddienste stil by die TWEEDE TAFEL van die Wet van GOD.

In die Hebreërbrief word ons herinner aan die offer van die Hoëpriester wat Homself as Lam van geoffer het vir ons redding en verlossing van al ons sondes. Wie Hom verag kry met ‘n vreeslike God van oordeel te make.

Wie Hom eer sal dit in sy alledaagse lewe op ‘n heel praktiese manier uitleef in die gewone gang van die alledaagse lewe.

So kom die eerste en tweede tafel in Christus by mekaar uit.

Alles wys na Jesus Christus

Junie 5, 2023 / admin

Skriflesing: Hebr 1:1-9
Teksvers: Hebr 1:1,2
HK Sondag 6

Die tweede hoofdeel van die Heidelbergse Kategismus handel oor ons verlossing en is vraenderwys op soek na die Verlosser. Hy soek een wat ware mens is om vir die mense se sondes te betaal, maar dan moet hy ook ‘n sondelose (regverdige) mens wees. Daarby moet Hy God wees om die toorn van God te kan dra . Die vraag of daar so iemand be-staan word hier beantwoord en die lyn word regdeur die Skrifte getrek om te sien dat dit eintlik Jesus Christus is, die Seun van God. Hy is die antwoord op al ons vrae.

God praat met ons deur sy Woord

Februarie 27, 2023 / admin

Skriflesing: Hebreërs 1:1-14
Teksvers: Hebreërs 1:1-3

Ons moet steeds luister na God wat met ons praat.
In die ou bedeling het Hy oor eeue heen met sy kinders gepraat, deur sy dade en sy woorde.
Met Jesus se koms het God Hom op ŉ besondere manier deur sy Seun geopenbaar.
Die kern van die boodskap bly steeds die geboorte, lewe, dood en opstanding van God se Seun.
Hiervan getuig God se Woord en daarvolgens moet ons leef.

Help my Here, om my eie wil te versaak

Februarie 13, 2023 / admin

Skriflesing: Gen 25:19-34; 27:1-40; Rom 9:10-13; Heb 11:20
Teksvers: Genesis 27:37b (Heb 11:20)
HK Sondag 49

Om ons te laat buig in aanvaarding van sy wil, laat God ons
baie keer presies die dinge beleef wat onsself regtig nie
graag wil nie. Dit maak egter ons oë oop vir sy wil. Dan
moet ons alte dikwels net ons eie wil versaak (opgee).

Die toekoms is immers in sy Vaderhande – as dit nie so was
nie sou ons ‘n hopelose en selfs wanhopige spul mensies
gewees het. Terwyl ons ons eie planne beraam, is dit dit
van die uiterste belang dat ons God vra om ons te help om
ons ten volle aan sy wil in oorgawe en absolute gehoorsaamheid
te onderwerp.

Dis regtig nie so maklik om dit opreg en eerlik te bid nie!