Kategorie: Handelinge (Page 1 of 7)

Die ewige lewe is die moeite werd

September 22, 2025 / admin

Skriflesing: Handelinge 13:13-52 (2020)
Teksvers: Handelinge 13: 46-48

Die apostel Paulus is, gelei deur die Heilige Gees saam met Barnabas op die eerste sendingreis.

Nadat hulle Ciprus besoek het, vaar hulle terug na die vasteland, en van Perge loop hulle deur die Taurus- berge tot by Antiogië in Pisidië. Hulle verkondig kragtig die evangelie, en die hongerige harte van die mense begeer om nog te hoor. Maar die volgende Sabbat, as die hele stad kom om die evangelie te hoor, is die harte van die Jode vol onguns.

Is die ewige lewe tog die moeite werd?

Herstel tot gemeente van die Heilige Gees

Junie 9, 2025 / admin

Skriflesing: Handelinge 2:1-47; Efesiërs 3:16-19 (1983)
Teksvers: Hand 2:41-47

Vandag vier ons die Pinksterfees op die kerklike kalender. Ons gedenk met groot dankbaarheid die vervulling van die belofte van die beloofde Trooster (Hand 2).

Kyk ons na die hoofstuk van die uitstorting van die Gees dan sien ons hoe daardie eerste gemeente gelyk en gewerk het.

Mag ons nog sulke tekens van die ware Kerk van Christus vertoon!

‘n Herstelde gebedslewe

Mei 14, 2025 / admin

Skriflesing: Handelinge 12 (2020) Psalm 130
Teksvers: Hand 12:12

In die diepste donker ure van ons aardse lewe en stryd is ons
nooit en nimmer alleen nie. Die Here sien sy kinders en die
Here hoor. Hy hoor altyd.

Dit is dus van uiterste belang dat ons elkeen ‘n diep
persoonlike, maar ook gemeenskaplike gebedsverhouding
met die Here aanleer en inoefen.

Hy is nie vér van enigeen van ons af nie.

Dissiplines van die nuwe lewe (7): Jou daaglikse getuie-wees vir Christus!

November 18, 2024 / admin

(Rome is toe nie die einde van die wêreld nie!)

Skriflesing: Handelinge 1; Jesaja 49:6 (1983)
Teksvers: Hand 1:8; Jes 49:6; Hand 29

Vandag doen 14 kinders en 4 volwassenes Openbare Belydenis van hul Geloof. Ons vier hierdie heuglike dag saam met hulle en hul geliefdes terwyl onsself terugdink aan daardie besondere dag in ons eie lewe toe ons ons geloof in Jesus Christus openlik bely het.

Handelinge 1:8 se opdrag en bedoelings eindig nie by die laaste verse van die boek nie… Rome is nie die einde van die wêreld nie!

So is belydenis-aflegging nie die einde van ‘n pad nie, maar slegs ‘n mylpaal langs die pad na volkome gehoorsaamheid aan ons roeping en taak as gelowiges in hierdie wêreld.

Mag die Here ons almal weer aanspoor tot dissipline in ons getuienistaak, om as sy geroeptes en gestuurdes die Evangelie se lig wyd en syd te laat skyn… tot aan die uiteindes van hierdie wêreld!

Genade maak lewend, verbeter en verbuig lieflik en kragtig

September 6, 2024 / admin

Skriflesing: Handelinge 17:15-34 (2020)
Teksvers: Handelinge 17:30-31

Wanneer ‘n mens met ‘n 2-3 jarige peuter te doen het, weet jy dinge kan baie interessant wees. Die kleinste en vreemdste dinge is fassinerend.

Wat egter nie so wonderlik is nie, is die wil van daardie selfde peuter. Soms weet hulle self nie wat hulle wil hê nie, en raak gefrustreerd. Dit neem baie geduld en liefde en deernis van ouers en boeties en sussies om so klein mensie te help verstaan, om hulle wil te buig, sodat ‘n gesin in vrede kan saam leef.

Op baie manière is dit presies hoe God deur sy genade weer lewe in ons wil wek. Hy verbeter ons, en buig ons lieflik en met krag sodat ons mag wees wat Hy wil. So word ons weer gebore, uit God se genade, deur sy liefde.

Blus die Gees nie uit nie

Augustus 19, 2024 / admin

Skriflesing: Handelinge 7:44-54; Efesiërs 4:17-5:2; 1 Tessalonisense 5:19 (2020)
Teksvers: Handelinge 7:30; 51-53

Die Remonstrante het in die 3de en 4de artikel van hulle leerstellings die standpunt ingeneem dat die mens se sonde nie tot die dood is nie, maar slegs ‘n ernstige aantasting van sy bestaan. Daarby het hulle ook verkondig dat die mens steeds sy vrye wil behou en nie geheel en al verdorwe is nie. So is hulle oortuig dat ‘n mens die werking van die Heilige Gees kan weerstaan, soos beskryf in Handelinge 7.

Ons kyk vanoggend na die gesamentlike antwoord vanuit die Dordtse Leerreël wat hierdie twee dwalings gesamentlik aanspreek in Hoofstuk 3/4 met die oproep om die Gees van God nie te bedroef nie.