Kategorie: Efesiërs (Page 3 of 6)

Skriflesing: Ef 2:11-22; 1 Petr 2:1-10
Teksvers: Ef 2:20-22

As jy op die internet rondblaai, is daar letterlik duisende der duisende Christelike denominasies. Die vraag is altyd, wat, wie en waar is die kerk? Wat is die ware kerk? Wie is die ware kerk? Waar is die ware kerk? Om die antwoord te kry lê egter nie op die internet of doktorsgrade of studies nie, maar lê eenvoudig in die Bybel. Ons moet in die Bybel gaan kyk wat God bedoel het met wat, wie en waar die kerk is! Daarom gaan ons in eenvoud vanaand kyk na wat die Skrif, ook op simboliese wyse aan ons openbaar: 

– Wat die kerk is! 

– Hoe die kerk gevorm of gebou word! 

– Die fondament van die kerk! 

– Die bou van die kerk! 

– Die dak en die nok van die kerk! 

Skriflesing: Efesiërs 6:10-20
Teksvers: Efesiërs 6:14‑17 

Verlede week het ons gehoor dat ons behalwe ons twee bekende aartsvyande (die wêreld met al sy versoekings en ons eie sondige vlees/geaardheid) ook goed rekening moet hou met die vyand van buite. 

Ons weet van hom, maar slaan dikwels nie genoegsaam ag op sy listige metodes nie. Efesiërs 6 noem sy aanslae “metodias” wat vertaal kan word met “skelm stoeigrepe” (vuilspel). Die duiwel speel maklik vuil in die geveg wat hy met ons het. 

In sy genade skenk die Here God ons die nodige wapenrusting: Die wapenrusting moet net nie in die kas bly lê nie – trek dit aan! Sommer vandag nog!! 

Ds Maarten van Helden

Skriflesing: Efesiërs 6:10-20; Jakobus 4:7
Teksvers: Efesiërs 6:10,11 

Die stryd tussen die Bose en die mens is egter ‘n ongelyke stryd: Satan is magtig en het duisende magtige engele wat vir hom werk. Die mens daarenteen is ‘n nietige mens wat nog teen die sondige natuur ook moet stry. Satan sou dus ‘n groot voorsprong op ons hê en maklik vatkans kry. 

God wat almagtig is, het egter in sy genade by ons kom staan deur Jesus Christus. En in sy genade gee Hy ons die volle wapenrusting… sodat ons beslis staande KAN bly tot die einde toe. 

Trek dit aan en bly op jou pos!