Kategorie: Predikante Skryf (Page 4 of 39)

Vir die meeste van ons bring hierdie woorde ‘n heimwee vanmelewe se dae oor dinge wat nog onskuldig en pret was. Kinders was buite aktief in die vars lug en het gespeel. Die grootste moeilikheid was hoe om hulle eerstens in die huis te kry, en dan om hulle skoon te kry. Huiswerk was vinnig afgehandel en sport was om te deel in vriendskap. 

Hoewel tye verander en mense verander, is daar sekere dinge wat tydloos bly. Tydlose behoeftes wat deel is van elke mens se mondering: soos om te behoort, om liefde te ervaar, om veilig te wees en voel. Daardie behoeftes verander nooit. 

Dink aan daardie wegkruipertjie speletjie waar jy jouself sonder om gevang te word, moet blok by die einste plek waar die maat wat aan is, jou moet kom soek en vang. By die den was jy veilig en kan jy nie meer gevang word nie. Maar om by die den te kom, om veilig te wees, moet jy die persoon wat aan is, uitoorlê. 

Hoe meer deelneem, hoe beter jou kanse om veilig te wees. Maar strategie en spoed is belangrik. Die oomblik as jy jou kans sien, moet jy laat spaander om veilig by die den te wees met ‘n uitasem: 1 – 2 – 3 Blok myself. 

In ons gemeente het ons ‘n soortgelyke strategie en plan om by al die lidmate uit te kom. Die gemeente is opgedeel in 3 blokke met ongeveer 18 wyke elk. Nou is daar slegs twee dominees wat aan is, en deel ons die werk op sodat ons steeds ‘n geleentheid gee aan elke lidmaat om bedien te word. 

Blok A en Blok B wyke 1-9 val onder ds Lourens en 

Blok C, E en Blok B wyke 10-18 onder ds Maarten. 

Sover moontlik het elke wyk ‘n ouderling en diaken sowel as wyksuster. 

Ek wil u aanmoedig om nie die heeltyd net strategies te wees en weg te kruip om jouself te blok nie. Moenie wegkruip tussen die massa om net vir jouself veilig en gemaklik te wees nie. Kom uit in die vars lug om die evangelie te deel. Bied jouself aan om leiding te neem. Want ons ware den, ons ewige veilige hawe is dit wat nog kom. Dit is die sekerheid in die Woord van God en die gewilligheid om jou lewe volkome aan Hom te wy. 

Of jy nou gereed is of nie, Hy kom. 

Lourens (vdm) 

Die alleen werking van die Heilige Gees

Die afgelope klompie weke waartydens ons dieper ondersoek instel rakende ons Dordtse belydenis en die heilsorde, is daar wonderlike dinge wat ‘n mens weer ontdek. Dit is nie noodwendig altyd nuwe dinge wat jy nog nooit voorheen geweet het nie, maar eerder ou dinge wat jy ken wat op so ander manier weer nuut word. 

Dit is omtrent soos die buitekamer of motorhuis waar jy ‘n klompie goed weg gestoor het en al daarvan vergeet het. As jy genoeg moed bymekaar skraap en die stoor reg pak, dan vind jy as te ware ou goed, maar dit voel soos nuwes. 

So het ek gevoel toe ek die woordjie monergisme ontsyfer. Dit is nie ‘n onbekende woord vir my nie, want ek besoek al vir ‘n geruime tyd die webtuiste monergism.com. Dit is ‘n wonderlike bron van gratis gereformeerde literatuur. Die betekenis van monergisme is as volg: mono is een of alleen en ergos is werk. Dit is die alleen werk van die Heilige Gees. 

Dit staan teenoor synergisme, die saamwerk van die mens met die Heilige Gees. Met ander woorde, in die wyse waarop die Heilige Gees geloof en bekering in die hart van die mens bewerk is ‘n monergisme, ‘n alleen werking van die Heilige Gees. 

Hieroor skryf die apostel Paulus in sy eerste brief aan die gemeente in Korinte, hoofstuk 2. Hy verkondig Christus as die gekruisigde, nie met allerlei mooi menslike praatjies nie, maar in die krag van God. Hierdie wysheid is nie bekend vir die wêreld of vir die heersers van hierdie wêreld nie. Die Gees van God is nie die gees van die wêreld nie. En daarom sal die natuurlike mens geen ontvanklikheid hê vir die evangelie nie. Dit het duidelik geblyk in die Olimpiese spele se opening. 

Die geestelike mens egter, deur die werk van die Heilige Gees, beoordeel anders as die wêreld. Ons het die denkwyse van Christus ontvang. Daarom leef ons anders, dink ons anders, doen ons anders. Mag ons Here, deur die krag van die Heilige Gees, jou ook verras deur die ou denke, nuut te maak. 

Lourens (vdm) 

Die Prediker is bekend daarvoor dat hy alles op die aarde op die proef gestel het, en bevind het dat alles ‘n gejaag is na wind. Tog is daar sekere dinge wat die Prediker erken wat ‘n misterie bly en kom sy oproep: “Soos jy nie weet wat die weg van die wind is, of hoe die gebeente in die skoot van ‘n swangere is nie, net so weet jy nie die werk van God wat alles doen nie.” Prediker 11:5 

Net so beskryf die Dordtse Leerreëls dat ons nie met nuuskierigheid moet probeer uitvind oor wat die dinge is wat God in sy almag beskik nie. Daar is sekere dinge in die lewe wat God se geheimenis bly. Dit leer die Skrif ons. Maar die Skrif maak ook duidelik aan ons ander dinge bekend wat ons mag en moet weet. 

Dit is in hierdie verband wat ons ondersoek instel na die weg van ons verlossing. Of die Heilsorde. Ons lees gereeld in die 10 gebooie hoe die Here sy volk gered het uit Egipte en hulle gelei het na die beloofde land. Die wyse waarop God sy volk red, word ook aan ons beskryf bv. deur die 10 plae. 

So kan ons ook die werk van God in ons eie lewe ken. Sommige van ons was in die Egipte van die sonde waaruit God ons gered het. Ander weer is kinders van die belofte wat oppad in die woestyn gebore is. Ander weer het die voorreg om nog altyd die beloofde land te ken. 

Die wonder van God se verlossing, is nie vir een van sy kinders minder merkwaardig maak nie. Hy red elkeen op presies dieselfde wyse nl, deur Jesus Christus sy geliefde Seun. Die verskil kom egter, waar op ons lewenspad ons bewus raak hiervan. Vir daardie man aan die kruis, was dit op sy sterfbed. Vir ‘n ander is dit ‘n ernstige siekbed of ‘n groot skrik in die lewe. 

Vir baie van ons was dit nog altyd deel van ons lewe. Miskien kan jy ook nie onthou wanneer jy “gered” is, jou dag en datum nie, omdat jy nog altyd in die Vaderhande behoue was. 

Kom reis saam met ons deur die weg van verlossing tydens die aanddiens, en ontdek weer hoe heerlik jou redding is. 

Lourens (vdm) 

Hierdie woord TULIP het niks te doen met die Hollandse blomme, of die knolkoors wat dit eens op ‘n tyd veroorsaak het nie. Dit is ‘n akroniem wat in moderne teologie iets probeer beskryf van die 5 onderskeie aspekte van “Calvinisme”. 

Hoewel dit in ‘n sekere opsig niks te doen het met wat Calvyn self geskryf het nie, word die 5 punte van Calvinisme, soos daarna verwys word, eintlik verbind aan die Dordtse Leerreëls. 

Tydens die “vermaerde”, of bekende Sinode van Dordt in 1618/19 in Dordrecht in Nederland, is die werke van Jakobus Arminius (bekend as Arminianisme of Remonstrantisme) veroordeel. 

Teenoor 5 dwalinge van Arminius en die Remonstrante, het die gereformeerde kerke in ’n hoofstuk telkens die hoofpunte van die ware leer uiteengesit, en daarna al die dwalinge wat daarmee verband hou, weerlê. Gevolglik het die leerreëls van Dordt tot stand gekom. In kort staan TULIP vir die volgende: 

Total Depravity Hoofstuk 3,4 – Verdorwenheid van die mens 

Unconditional Election Hoofstuk 1 – Predestinasie 

Limited Atonement Hoofstuk 2 – Dood van Christus 

Irresistible Grace Hoofstuk 3,4 – Bekering en die wyse waarop 

Perseverance of the Saints Hoofstuk 5 – Volharding van die heiliges 

Ons gaan hierdie kwartaal die fokus plaas op die betekenis van die Leerreëls van Dordt en hoe dit vandag nog net so van toepassing is soos 405 jaar gelede. Ons sal sien dat die akroniem TULIP nie reg laat geskied aan die werklike betekenis van Dordt nie, maar tog relevant bly. Daarby gaan ons die Ordo Salutis (heilsorde) behandel in die aanddiens om die praktiese toepassing te maak hoe ons deel kry aan die verlossing in en deur Jesus Christus, en hoe die verlossing sigbaar moet word in ons eie lewe. 

Lourens (vdm) 

Die afgelope maand het ons weer die jaarlikse statistieke van ons gemeente vir die Admin Buro en Almanak aangestuur. Ek dink altyd aan Dawid wat gestraf is omdat hy die volk getel het (1Kron 21). Ek glo eerlik dat ons nie te veel gepla moet wees oor getalle in die kerk nie. Statistieke kan op verskeie maniere gebruik en misbruik word. Die Here ken sy kinders. Hy het hulle name in sy handpalms gegraveer (Jes 49:16). En Jesus sê self: “Baie is geroep, maar MIN is uitverkies” (Matt 22:14). Laat ons dus oppas daarvoor dat groot getalle ons nie bedrieg nie. 

Dit is veral ‘n bekommernis dat ons kon sien dat die getalle van GK Centurion verlede jaar begin daal het. Terwyl die syfers die afgelope dekades in die algemeen in die kerkverband van die GKSA skerp gedaal het, het Centurion steeds stabiel gebly net so oor die 1000 belydende lidmate en ongeveer 350+ dooplidmate. Nou het die daling ons ook begin affekteer. Op hierdie jaar se statistiekvorms (data van 2023) daal ons met 53 volwassenes en 16 dooplidmate. Dit is te wagte dat ons getalle sal bly daal weens o.a. immigrasie en veral ook die emigrasie suidwaarts na die Wes-Kaap. Die verwagte groei in Centurion weens demografiese beweging (maw inkomende attestate) het waarskynlik al ‘n geruime tyd sy plato bereik. 

Kyk u na die attestate in en uit vir hierdie jaar lyk dit of sake tans ongeveer gelykop verloop. Dit is veral te danke aan talle opnames en bekerings deur evangelisasie (veral deur Koningskinders en Alethea-bediening) – verlede Sondag se mooi dope en belydenisafleggings in die gekombineerde erediens was ‘n getuienis dat die Here hierdie gemeente seën en sy kandelaar hier nie wil verwyder nie (Op 2:4,5). 

En daar is nog ‘n aantal belydenisafleggings en dope wat binnekort plaasvind. Ons dank die Here vir hierdie besondere genade aan ons gemeente. 

Dit bly egter die vraag of ons genoeg doen aan die uitdra van die evangelie na buite en vra dat elke lidmaat biddend soek na geleenthede vir sending en evangelisasie en met ‘n positiewe, biddende hart daaraan meedoen en daarin meewerk. 

Ds Maarten 

It was in the lifetime of Daniel that these words were written on the wall of the palace by a hand where the king was having a feast with all his great men. They were cele-brating with their wives and concubines, drinking from the cups that was stolen from the temple in Jerusalem.

The king was Belshazzar, the son of Nebuchadnezzar. In the midst of his 1000 rulers the king became powerless in a moment. No one could help him. His legs became like jelly and he fell to the ground. After calling all the enchanters and astrologers, no one was able to give him an answer what these words meant.

Daarop is Daniël ontbied, wat geken was as ‘n man met wysheid en op wie die Gees van God werksaam was. Dit was egter nie Daniël wat die koning in sy sonde veroordeel nie, maar God. Daniël was alleen diensbaar en gewillig om te spreek wat God hom lei om te sê.

“Dit is die uitleg van die woord:

Mené—God het u koningskap getel en daar ‘n einde aan gemaak;

tekél—u is op die weegskaal geweeg en te lig bevind;

perés—u koninkryk is verdeel en aan die Mediërs en Perse gegee.” Daniël 5:26-28

Hierdie gebeurtenis is ook vir ons van belang. Ons is baiemaal besig met onheilighede en dink dat God nie sien wat ons doen nie. Hy is egter die een wat die hart van die mens deursoek, ja die Gees ondersoek selfs die dieptes van God (1 Korintiërs 2:10). Die Here ken elke gedagte en elke begeerte. Maar Hy ken ook die goeie. Hy sien as ons teen die sonde stry en teen die sondige begeertes wat ons soms laat struikel.

Today we have the privilege to witness something great by the working of God’s hand. Not the writing of a hand against a wall, but the Holy Spirit engraving on the hearts of believers the new covenant of God’s grace.

May the Lord search our hearts and find us worthy through faith in Jesus Christ.

Lourens (vdm)