Skriflesing: Psalm 46 (2020)
Teksvers: Psalm 46: 2, 5, 9
Die Nuwe-Testamentiese kerk het baie geworstel met die vraag hoe Psalm 46 uitgelê moet word. Die Psalm is dikwels allegories verklaar en dit het tot ‘n willekeurige uitleg gelei (vgl. bv. Augustinus).
Luther dui egter tydens die Reformasie koers aan en beklemtoon ‘n historiese verstaan van hierdie Psalm. Hierdie Psalm is duidelik ‘n trooslied soos Luther se ‘Ein feste Burg ist unser Gott’ aandui en moet ook so uitgelê word.
In die Psalm word God verkondig as:
- ‘n toevlug,
- ‘n lewegewende rivier, en
- ‘n oorwinnaars-koning.