Skriflesing: 1 Konings 19 (1953)
Teksvers: 1 Konings 19: 18
Elia ervaar diepe moedeloosheid. God openbaar egter sy troue liefde en sorg aan Elia. Sy beloftes hou stand.
In ons daaglikse lewe, wanneer teleurstelling en moedeloosheid ons oorweldig, herinner die Here ons hier dat ons identiteit nie in die wêreld of in mense lê nie, maar in Hom, die troue God wat sy wil laat geskied.
Hy roep ons op om standvastig te bly in geloof en in ons diens aan Hom, terwyl ons onthou dat Hy ook in ons swakheid sy krag laat blyk. Hy sorg en dra ons deur elke deel van hierdie lewe. So kan ons in ons roeping volhard; wat dit ookal mag wees.