Die krag van die Heilige Gees oortuig en bring die geloof 

Skriflesing: 1 Kor 1:18-2:16 (1983) 
Teksvers: 1 Kor 2:4 
HK: Sondag 20 

Om die evangelie, die blye boodskap te verkondig, vra nederige afhanklikheid van die Here. Daar is nie groot geleerdheid of hoë woorde nodig nie, net ‘n diepe afhanklikheid van God. God gee dan deur die kragtige werking van die Heilige Gees die bevestiging van die evangelie in die harte van sy kinders. Geloof kom dus nie deur die wysheid van mense, deur die vermoë van kragtige predikers nie, maar deur die werking van die Heilige Gees met die krag van God. 

1 Kor 2:4 

“Die boodskap wat ek verkondig, het julle oortuig, nie deur geleerdheid en welsprekendheid nie, maar… deur die kragtige werking van die Gees.”