Skriflesing: Job 12:1-25
Teksvers: Job 12:18 en 22
HK Sondag 31
Job worstel met die onreg wat hy moet verduur. Sy vriende probeer hom vertroos deur te wys dat God hom straf vir sy sonde en hy homself moet bekeer. Dan sal God genade bewys. Hierdie worsteling laat ook by ons die vraag, hoe word die hemel vir ons ontsluit?
Is die geheim van die lewe, om God te vrede te stel en dan toegang te kry tot sy genade?
Ons staan vanaand stil by die Heidelberger met die laaste vraag oor ons verlossing: Hoe word die hemel vir ons oop gesluit?