Gereformeerde Kerk Centurion

Die webtuiste vir die Gereformeerde Kerk Centurion.

Page 23 of 330

Die jaar van genade en vryheid

Augustus 11, 2025 /

Skriflesing: Lukas 4:14-32; Jesaja 61:1-3; Jesaja 66:2 (1983)
Teksvers: Lukas 4:18,19

Maak gerus ‘n tydjie om die twee teksverse van Jes 61 en Luk 4 se aanhaling daarvan met mekaar te vergelyk. 

As Lukas die Here Jesus aan die Griekssprekendes (heidendom) bekendstel, gebruik hy hierdie spesifieke woorde wat nou in die koms van Jesus as die langverwagte Messias vervul is. Vir die Jode van sy tyd voldoen Hy nie aan hulle vereistes nie. So is die prediking van die Gekruisigde Jesus nie so baie aanvaarbaar vir die huidige wêreld met sy wellustige soeke na sukses nie. 

Is hierdie Jesus vir jou genoeg? 

 GOD SE GEREGTIGHEID

Augustus 8, 2025 /

 In die bergpredikasie, sê Jesus: “Gelukkig is die wat dors na geregtigheid” Matt 5:6. Hy dra ons ook op, in Matt 6:33, om eers die koninkryk van God en sy geregtigheid te soek. Wat beteken God se geregtigheid? 

Geregtigheid gaan oor verhoudings tussen mense maar meer belangrik oor die verhouding tussen God en die mens. God se geregtigheid is een van sy wesens-eienskappe wat Sy verhouding met ons beheers. 

Hierdie eienskap behels dat Hy volmaak regverdig en billik is en altyd so teenoor ons optree. Hy lê reëls neer vir die mens en ongehoorsaamheid daaraan straf Hy met die dood (Gen 2:16–17). Elkeen van ons moet elke dag die erns van ons daaglikse ongehoorsaamheid besef – ons is almal skuldig tot die dood. Lees maar weer Rom 3:10–20. 

God se geregtigheid sluit genadiglik ook in dat hy deur Jesus Christus ons sondes volkome vergewe. In 1 Johannes 1: 8 – 9 lees ons dat as ons beweer dat ons nie sonde het nie, bedrieg ons onsself en is die waarheid nie in ons nie, maar as ons ons sonde bely – Jesus Christus is getrou en regverdig, Hy vergewe ons sondes en reinig ons van alle ongeregtigheid (1 Joh 1). 

Die sleutel tot hierdie vergifnis en die ware en ewige lewe lê in geloof in Christus. In Rom 1:17 sê die Heilige Gees deur Paulus dat elkeen wat deur God vrygespreek is omdat hy glo sal lewe. Die geregtigheid wat ek, sondige mens, nodig het, lê in die Evangelie van Christus. Christus is sentraal in God se geregtigheid – nie die wet, goeie werke of enige iets anders nie. 

Wat ons benodig is ware geloof wat sigbaar moet word in ons daaglikse lewenswyse. In Jak 2:14 ev word ons aangemoedig om ons geloof uit ons dade te wys. 

Ons jubel ook, Jak 1:4 ev, in God se geregtigheid wat Hy in Christus aan ons geopenbaar het. 

Oudl. Koos Pretorius 

Jesus van God verlate, sodat ons nooit verlate sal wees nie

Augustus 4, 2025 /

Skriflesing: Matteus 27:32-56 (2020)
Teksvers: Matteus 27:46

Het jy al werklik eensaam, vergeet en verlate gevoel? As gevolg van die sondeval, kan selfs gelowiges soms ‘n verlatenheid ervaar. Die Bybel vertel ons van mense wat God verlaat. Ons lees ook dat God die Israeliete soms oënskynlik verlaat het. Ons hoor egter ook van gelowiges wat pleit dat God hulle nie sal verlaat nie. 

Tydens die kruisiging hoor ons Jesus Christus se kreet: “My God, My God, waarom het U my verlaat?” Hoe is dit moontlik dat God vir Jesus kon verlaat, terwyl ons tog bely dat die Drie-enige God, Vader en Seun en Heilige Gees onskeibaar is? Kan Jesus dan deur God verlaat wees en tog nie van God geskei wees nie? Waarom was dit dan nodig dat Jesus van God verlaat moes word? Wat is die troos wat ons put uit Jesus se Godverlatenheid aan die kruis? 

Kom ons verwonder ons oor die blye boodskap, dat Jesus ter wille van ons deur God verlaat is en dat ons nou die sekerheid het dat ons op grond van Christus nooit van God verlate sal wees nie. 

SPIEËL JOUSELF IN DIE WOORD WAT VRYMAAK

Augustus 4, 2025 /

Skriflesing: Jakobus 1:19-27; Matteus 7:13-28 (1983)
Teksvers: Jakobus 1: 22-25

Ons het verlede week gehoor dat elke mens ‘n keuse of keuses het, maar nie ‘n vrye wil nie. Ons het eenvoudig nie die waarheid in onsself nie en moet dus van die slawerny van ons sondige wil bevry of vrygemaak word! 

Hierin sien ons die liefdevolle en genadige hand van die God en Here wat ons in Christus só liefhet dat Hy vir ons die wet gegee én vervul het. En nou kan ons deur die geloof (die nou poort) ingaan en op die (smal) pad van gehoorsaamheid lewe deur die krag van sy Gees. 

Hierin moet ons egter God se medewerkers wees en daarvoor het Hy ons sy Gees en Woord gegee. 

« Older posts Newer posts »

© 2026 Gereformeerde Kerk Centurion

Theme by Anders Noren — Up ↑