Gereformeerde Kerk Centurion

Die webtuiste vir die Gereformeerde Kerk Centurion.

Kategorie: Preke (Page 34 of 187)

Ware INTEGRITEIT van die nuwe mens in Christus

Julie 8, 2024 /

Skriflesing: Genesis 39
Teks: Genesis 39:8-12

Skets: Laasweek het ons gesien dat Saul nie ‘n ware diepe hartsvernuwing ondergaan het en by God en sy Woord getrou gebly het nie. Vandag kyk ons na ‘n meer positiewe figuur wat deur die moeilikste teenslae en versoekings aan God getrou bly en dan geseën word.

In die lig van die jongste kerkraadsbesluit dat ons die huwelik as van God moet eer en nie daarmee woer-woer speel asof ons die reëls of beginsels bepaal nie, kom ons by Josef se integriteit daar in die vreemde, in die buiteland, Egipte. Daar waar niemand rêrig weet of sien nie, daar behou hy sy beginsels en eer hy God met ware integriteit en vaste norme en beginsels, gebou op die Woord van God wat in hom leef.

Gereed en bereid tot verandering?

Julie 1, 2024 /

Skriflesing: 1 Samuel 10
Teksverse: 1 Samuel 10:6

In die konteks van vanjaar se tema “Die nuwe lewe in Christus” sal ons ‘n oomblik kyk na die veranderde Saul soos God hom voorberei het vir die koningskap in Israel. Kyk na die betekenis van die drie tekens wat sy roeping en salwing deur die Gees vergesél het.
Miskien moet ons gewoond raak aan die veranderinge wat God in ons lewens wil bewerkstellig, sodat ons meer en meer die veranderde mens kan word wat Hy ons bedoel het om te wees.
Is jy gereed om te verander en is jy bereid om die roeping te aanvaar om die ware Christen te wees wat God vir jou en my in gedagte het. Hou aan bid vir die kragtige ingryping van die Heilige Gees om ‘n ander persoon te word in die werklike sin wat God wil.

Wil jy betaal of wil jy ‘n geskenk ontvang?

Junie 24, 2024 /

Skrifgedeelte: Romeine 6:15-23
Teksverse: Vers 22 en 23

Die Here Jesus het gesê dit is saliger om te gee as om te ontvang. Daarmee het Hy bedoel dat ons groter vreugde vind in wat ons uitdeel as wat ons kry. Vir ons as mense is dit baie maal anders, ons wil eerder geskenke ontvang as om dit uit te deel. Wanneer dit egter kom by ons verlossing, moet ons fyn oordeel tussen hierdie twee aspekte, veral as dit kom by die oordeel van God oor die sonde. Ons stel vanaand verder ondersoek in oor die betekenis van ons nuwe lewe in Christus.

Jou doop is ‘n begrafnis

Junie 24, 2024 /

Skrifgedeelte: Romeine 6:1-14
Teksverse: Vers 3 en 4

Op so baie maniere word die doop verstaan en verduidelik, dat ons soms self in verwarring raak. Jesus het sonder enige twyfel die opdrag gegee dat alle dissipels gedoop moet word en geleer moet word. Wat beteken die doop werklik? Hier in Romeine word ons geleer dat die doop ‘n begrafnis is. Ons word in die dood van Jesus gedoop. Dit beteken twee dinge. 1. Jesus Christus wat sterf in ons plek, maar ook 2. ons wat saam met Christus in die sondige mens sterf met die doel dat ons saam met Hom in ‘n nuwe lewe kan opstaan en in Hom kan lewe.

Die verhoogde Christus het alle mag in hemel en op aarde en Hy kom weer

Junie 24, 2024 /

Skriflesing: Matteus 25: 31-46
Teksvers: Matteus 25: 31,32

1. Christus heers as koning van die wêreld. 
2. Christus seën as hoof van die kerk. 
3. Christus oordeel as regter oor almal. 

“Wanneer die Seun van die mens in majesteit kom en al die engele saam met Hom, sal Hy op sy koninklike troon gaan sit. 

Al die volke sal voor Hom bymekaar gebring word, en Hy sal die mense van mekaar skei soos ‘n wagter die skape van die bokke skei.” Matt 25:31-32 

« Older posts Newer posts »

© 2026 Gereformeerde Kerk Centurion

Theme by Anders Noren — Up ↑