Gereformeerde Kerk Centurion

Die webtuiste vir die Gereformeerde Kerk Centurion.

Kategorie: Ou Testament (Page 48 of 69)

Dien God met jou hele hart!

Oktober 2, 2020 /

Skriflesing: Deut 6:1-25; 8:1-6; Matt 4:1-11
Teksvers: Deut 6: 4, 5
HK: Sondag 34

Elke oggend as jy opstaan kyk jy eers in die spieël om te sien hoe jy uiterlik lyk voor jy die wêreld aandurf. Tog gebruik niemand van ons die spieël om teen ons gesig of hare te vryf om dit reg te maak nie… Die spieël gee jou ‘n refleksie van die uiterlike werklikheid.

As ons soveel tyd en moeite spandeer voor ‘n spieël vir ons uiterlike voorkoms, hoeveel te meer moet ons onsself rig op ons innerlike voorkoms. Die vraag is hoe? Die wet van God is die sielspieël… Dit gee ‘n refleksie van die werklikheid van ons innerlike menswees.

Ons staan vanaand stil by die tema: dien die Here met jou hele hart! Amen

Laai af

Die vuur van God moet bly brand!

Oktober 2, 2020 /

Skriflesing: Lev 6:8-13; Jer 20:7; 2 Tim 1:6; Lev 9:22-10:2
Teksvers: Levitikus 6:13

Die psigologiese impak van die tweede Wêreldoorlog word vandag nog in akademiese en wetenskaplike kringe gebruik as verskoning vir baie sondes wat in ons wêreld heers. Die impak van wêreld se hantering van die Corona-virus gaan in die volgende dekades soortgelyk gevoel word.

Alhoewel ons te make het met ‘n aggressiewe en hoogsaansteeklike virus met ernstige komplikasies, was by die sluiting van kerke en die beperking op ekonomieë waarskynlik die kool die sous dalk nie werd nie. Dit kan en mag dalk ‘n geweldige invloed op die ywer van die godsdiens op baie kinders van die Here hê.

Dit skep ook die geleentheid aan die Bose, wat so ‘n kans nooit verby sal laat glip nie, om die vuur van die geloof in mindere of meerdere mate te probeer blus nie. Ons teksvers waarsku vandag teen hierdie aanslag van futloosheid in die kerk van die Here in die algemeen. Laat ons ook nou alles in die stryd werp om in onsself en in ons gemeente die vuur van die Here weer aan te blaas!

Laai af

Ware bekering lei tot ware goeie werke!

September 24, 2020 /

Skriflesing: Gal 5:13-25; Klaagl 5:1-21; 1 Joh 5:1-5
Teksvers: Gal 5:16,25; Klaagl 5:21; 1 Joh 5:3

Ons neem bekering nie altyd baie ernstig op nie. Ek is mos ’n Christen wat die Here dien. Hoekom moet ek my bekeer? Is dit nodig dat ek my bekeer? Ten diepste is bekering ’n daad van God. Maar tog ook ’n daadwerklike roeping wat op ons as Christene geplaas word. Ons moet daagliks die oue mens afsterf en as nuwe mens te lewe. Dit is om jou te laat lei deur die Gees. Dit is om goeie werke te doen deur die vrug van die Gees te openbaar in die doen van goeie werke.

Ons gaan na drie sake kyk:

  • Die ware bekering.
  • Die wese van bekering.
  • Die vrugte van bekering.

Laai af

God se getrouheid is die anker van ons hoop

September 24, 2020 /

Skriflesing: Job 3:1-26
Teksvers: Job 3: 20-23

Soms voel dit asof die Here ons bo ons kragte beproef. Dit voel soms te swaar om die laste van die lewe te dra. So het Job ook geworstel met die verskriklikste beproewings wat sy lewenspad met absolute afgryse vervul het. Selfs Job se vrou hits hom aan om God te vloek en te sterf, maar by alles het Job nie teen God gesondig nie.

Ons staan vanoggend stil in ons verootmoediging as ons naspeur oor die rede hoekom daar soms swaar beproewinge oor ons lewenspad kom, by die lewe van die man uit Us wie se naam was Job, met die tema: God se getrouheid is die anker van ons hoop. Amen

Laai af

Ons krag is by die Here wat Almagtig is! Klipdassies, het min krag, maar hulle bly teen kranse

September 18, 2020 /

Skriflesing: Spreuke 30:24-28
Teksvers: Spreuke 30:25; 2 Kor 12:10; Open 3:8

Ons meet dikwels die kerk se sukses in getalle, mag, gesag en impak in die wêreld. Ons hunker na gesag en mag om die evangelie uit te dra en om ons lewens te vergemaklik. Ons wil graag met krag en mag en gesag lewe en werk. Maar ons lees van ‘n klein dassie, met min krag en met min gesag wat uitermate wysheid het omdat hulle juis lewe soos wat God hulle geskape het. Daarom is die kerngedagte juis dat ons krag is by die Here, ons Rots. Ons het wel min krag, maar God is ALMAGTIG. Ons gaan na drie sake kyk:

Dassies het buitengewone wysheid met betrekking tot:

  • Blyplekke.
  • Beskermingsmetodes.
  • Oorlewing.

Laai af

Verbittering vervreem jou identiteit

September 5, 2020 /

Skriflesing: Rut 1:1-22
Teksvers: Rut 1: 13b,16 en 20-21

Soms kan ons deur woede en verbittering onsself van al ons bekendes en geliefdes vervreem. Dit gebeur baie keer as ons verkeerde besluite geneem het, of as buitengewone omstandighede veroorsaak dat ons kosbare dinge moet prysgee.

Ons staan vanoggend stil by die lewe van Rut en Naomi, waar ons duidelik sien hoe Naomi se verbittering haar identiteit vervreem sodat sy nie meer Naomi, die lieflike wil wees nie, maar Mara, die verbitterde.

Laai af

« Older posts Newer posts »

© 2026 Gereformeerde Kerk Centurion

Theme by Anders Noren — Up ↑