Gereformeerde Kerk Centurion

Die webtuiste vir die Gereformeerde Kerk Centurion.

Kategorie: Ou Testament (Page 30 of 69)

Wat ‘n ervaring!!

September 19, 2022 /

Skriflesing: Psalm 34 (Verw 1 Sam 21:12-15)
Teksvers: Psalm34:9

Ter voorbereiding van die prediking en Nagmaalviering is dit nogal nodig dat jy rustig dink oor hoe goed die Here al vir jou was. Miskien moet jy soos Dawid ‘n bepaalde insident in gedagte roep.

Dawid verwys hier na die episode by die stadspoorte van die Filistynse koning Agis (sy ampstitel was Abimeleg), waarvan ons kan lees in 1 Samuel 21. In die tyd van die vervolgings deur koning Saul het Dawid baie sulke noue ontkomings beleef. Die Here het hom uit gevare en benoudheid gered en dit het hom ‘n bepaalde ervaring van sy God gegee.

Vreemde Vuur vertoorn die Here

September 12, 2022 /

Skriflesing: Levitikus 10:1-20
Teksvers: Levitikus 10:1-3
HK Sondag 35

“Eiesinnigheid is afgodery en beeldediens.” So wys Samuel vir Saul tereg in sy sonde met Amalek. As jy God anders dien as wat sy Woord beveel, skep jy ‘n valse beeld. Dan verdraai jy God se Eie beeld na ‘n andersoortige denkbeeld wat by jou inpas. 

Met die instelling van die erediens by Sinai kom daar by die groot feestelikheid en opgewondenheid ook geweldige hartseer en droefheid. Aäron en sy seuns het pas die eerste offer gebring, en oomblikke later sterf twee seuns met vuur vanuit die hemel. Ons staan vanaand stil by die tweede gebod met die tema: vreemde vuur vertoorn die Here. 

Jeremia se koopkontrak vir ’n stuk grond

September 12, 2022 /

Skriflesing: Jer 32
Teksvers: Jer 32:13-16

Wat hou die toekoms vir ons in, in Suid Afrika, maar veral in die kerk. Baie mense raak moedeloos. Maar as ons na die gebeure van Jeremia kyk, dan was Jeremia in ’n baie erger situasie as ons gewikkeld. God het Israel in sy gloeiende toorn uit Israel verjaag. Nogtans moes Jeremia ’n stuk grond koop.

  • God beveel Jeremia om grond te koop.
  • Daar is ’n wettige koopkontrak vir die grond.
  • Ons koopkontrak is betaal vir ons ewige grond.

God se Naam is Heilig!

September 5, 2022 /

Skriflesing: Jes 42:1-9 
Teksvers: Jes 42:8 
HK Sondag 36 

Hierdie gedeelte is een van die sogenaamde vier Knegliedere in die boek Jesaja nl. Jes 42:1-4; 49:1-6; 50:4-9 en 52:13-53:12. Op wie hierdie Knegliedere besonderlik wys is nie sommer net klinkklaar en duidelik nie. 

Tog word hulle dikwels aangehaal in die Nuwe Testament waar dit op Jesus Christus dui. Maar wat wel baie belangrik is, is dat God self hier aan die woord is en openbaar wie Hy is en hoe sy Naam gebruik moet word, vers 6,8. God se Naam is heilig, dit beteken dit openbaar God self aan ons. Dit is ‘n Naam wat bo elke ander naam verhewe is. God selfs sê dan in ons teksverse dat die eer wat Hom toekom gee Hy aan niemand anders nie, ook nie aan gesnede beelde nie. Maar in en deur God se naam word daar ook ‘n groot verantwoordelikheid op elkeen wat God ken en sy Naam aanroep geplaas. Dit beteken dat ons sy Naam reg moet gebruik en nie misbruik nie. 

« Older posts Newer posts »

© 2026 Gereformeerde Kerk Centurion

Theme by Anders Noren — Up ↑